AS ACTIVIDADES SON GRATUÍTAS
TEMOS ABERTO O PRAZO DE INSCRICIÓN NESTE MOMENTO E PODES APUNTARTE DOS
SEGUINTES XEITOS:
1) A inscrición nas actividades de verán da Concellería de Xuventude pode realizarse a través do envío deste
formulario.
2)Tamén podedes utilizar a opción de inscrición telefónica chamando ao teléfono 981 771 300 en horario de
mañá.
3) Outra opción é realizala presencialmente na OMIX na rúa Emilio Romay sen número, en horario de mañá.
4) Tamén podedes utilizar o correo electrónico, nel debedes indicar o nome do/da rapaz/a interesado/a en
participar nalgunha actividade, xunto coa súa idade, número de DNI, domicilio e as actividades nas que
desexa inscribirse, no caso de ser menor de idade no correo deben figurar os datos de contacto dalgunha
persoa adulta responsable a nai, o pai ou un titor ou titora.
Pregamos que se marquen en principio un máximo de 4 actividades, xa que o número de prazas é limitado.
O principal criterio de inscrición será a orde de inscrición, se ben ter unha idade inferior a 35 anos e estar
empadroado no Concello de Betanzos serán outros criterios que poderán influír na adxudicación final da
praza.
As actividades de Xuventude van dirixidas á mocidade maior de 12 anos, agás que se especifique outro
intervalo de idade. No obradoiro de carretillas elevadoras precísase ser maior de idade e no Obradoiro Hípico
Terapéutico poderán participar nenos e nenas menores de 12 anos, sempre que cumpran os requisitos
específicos desta actividade.
*Para poder participar no Obradoiro Hípico Terapéutico deberase ter acreditada unha porcentaxe de
discapacidade superior ao 33% ou ben achegar algún informe médico no que se indique que se trata dun ou
dunha paciente especial, á que lle beneficiaría a asistencia a este tipo de actividade.