Skíðafélag Strandamanna heldur tvö þriggja daga námskeið í hefðbundinni skíðagöngu í janúar og febrúar 2025. Námskeiðin verða haldin á skíðasvæði Skíðafélags Strandamanna í Selárdal við Steingrímsfjörð, ca 15 mín frá Hólmavík. Á námskeiðinu verður farið yfir grundvallaratriði hefðbundinnar skíðagöngu og er námskeiðið jafnt fyrir byrjendur sem lengra komna. Þátttakendum er skipt í hópa eftir getu. Við erum með frábæra, reynslumikla og skemmtilega þjálfara. 

Námskeiðsgjald er 35.000 kr. Innifalið í námskeiðsgjaldi er hádegismatur á laugardeginum í skíðaskálanum. 

Dagskrá:

Föstudagur: 

kl. 18-20 æfing.

Laugardagur: 

kl. 10:30-12:30 fyrri æfing, 

kl. 12:30-14 hádegismatur og stutt smurningsnámskeið, 

kl. 14-16 seinni æfing.

Sunnudagur: 

kl. 10:30-12:30 æfing og námskeiðslok.

Stofnaður verður facebook hópur fyrir þátttakendur þar sem þjálfarar setja inn ýmsar upplýsingar.

Fyrirspurnir skal senda á netfangið skidafelagstrandamanna@gmail.com. 

Smáa letrið:

Með skráningu á námskeiðið samþykkir þú að fá kröfu fyrir 35.000 kr námskeiðsgjaldi í heimabankann. Þar innifalið er 10.000 kr staðfestingargjaldið sem fæst ekki endurgreitt nema námskeiðið falli niður. 

Afbókanir þurfa að berast eigi síðar en sjö dögum fyrir komudag, eftir þann tíma fæst ekki endurgreiðsla. Nafnabreyting er heimil fram að byrjun námskeiðs.