Con este proxecto pretenden achegar o museo a quenes, por diferentes causas, non poden visitalo.

"A orixe dos museos"

A partir da obra O gabinete do coleccionista, cadro realizado cara 1630 por Frans Francken, explícase a orixe dos museos e a súa diversidade. Para iso, os participantes penetran nunha reconstrución virtual deste gabinete do século XVII, onde a educadora comparte espazo con eles para facerlles unha introdución á historia do coleccionismo e explicarlles os xéneros pictóricos representados na escena: o retrato, a pintura relixiosa, a mitoloxía ou a paisaxe. Rematada a visita, os participantes poden realizar un taller individual consistente no deseño do seu propio gabinete de coleccionista. Para iso, se lles proporciona un espazo virtual baleiro, que terán que decorar coas obras que escollan dentro dunha selección da colección do Museo.

Haberá 12 prazas dispoñibles en cada unha das sesións e a idade mínima para poder participar é de 12 anos. Non quedes sen a túa praza, vive esta experiencia!