მიმდინარე წლის 16 აპრილს,10:00 საათზე შოთა რუსთაველის საქართველოს ეროვნული სამეცნიერო ფონდის საკონფერენციო დარბაზში ტრენინგ ცენტრის ფარგლებში (მისამართი: მ. ალექსიძის #1. III სართული) ჩატარდება საინფორმაციო დღე ევროპული კვლევების საბჭოს საგრანტო სქემების შესახებ.
ევროპული კვლევების საბჭო (ERC)  გახლავთ ჰორიზონტი 2020-ის ერთ-ერთი ძირითადი კომპონენტი, რომლის მისიაა კონკურენტული დაფინანსების გზით, ხელი შეუწყოს უმაღლესი ხარისხის კვლევის განხორციელებას ყველა სამეცნიერო მიმართულებით.  დაფინანსების  მიღება შესაძლებელია ღია კონკურენციის პირობებში. ERC-ის საგრანტო კონკურსებში მონაწილეობა შეუძლიათ როგორც კარიერის საწყის ეტაპზე მყოფ მკვლევარებს, ასევე, დიდი გამოცდილების მქონე მეცნიერებს.
საინფორმაციო დღეზე მოწვეული სპიკერია ევროპული კვლევების საბჭოს  აღმასრულებელი სააგენტოს (ERCEA) სამეცნიერო ოფიცერი - პროფ. ვაიდა ბანკაუსკაიტე, რომელიც მიმოიხილავს ERC-ის სააპლიკაციო პროცესებს, დაფინანსების შესაძლებლობებსა და შეფასების პროცედურებს.