Qëllimi i kësaj thirrje publike është ofrimi i trajnimeve për  kompanitë ndërtimore  dhe stafin e tyre në regjionin e Prishtinës dhe Gjilanit. Ky trajnim është i fokusuar në fushën e vetëdijesimit të punëtorëve dhe punëdhënësve për masat mbrojtëse dhe siguria në punë.

Trajnimet do të zgjasin nga dy ditë, dhe fillojnë në muajin Prill 2023. Do të përzgjidhen dy grupe me nga 20 pjesëmarrës,  një në Prishtinë dhe një në Gjilan.

Kriteret për pjesëmarrje në thirrjen publike për trajnimet e ofruara janë: kompanitë të  cilat veprojnë në Komunën e Prishtinës dhe Gjilanit dhe realizojnë aktivitetin e tyre në këto komuna; Punëtorët dhe Punëdhënësit duhet të jenë të moshave 18-50 vjeç, staf menaxhues i kompanive nga sektori i prodhimit dhe ndërtimeve; Të jenë të gatshëm t’i ndjekin trajnimet sipas agjendës dhe planit. Përparësi për pjesëmarrje në trajnime do të kenë ato kompani me numrin më të madh të punëtorëve të deklaruar.

Pjesëmarrësit apo aplikantët do të njoftohen me kohë për formim të grupeve, vendin, kohën dhe çështjet tjera logjistike dhe administrative. Afati i fundit për aplikim është 10.04.2023

Të gjitha çështjet që lidhen me thirrjen publike mund të sqarohen në mënyrë elektronike, duke dërguar e-mail në adresën: fdc.kosovo@gmail.com

Kjo thirrje publike është krijuar me mbështetjen financiare të Bashkimit Evropian në kuadër të projektit “Rritja e vetëdijesimit të punëtorëve dhe punëdhënësve  për masat mbrojtëse në vendin e punës”. Përmbajtja e saj është përgjegjësi e vetme e Future Development Centre FDC dhe nuk pasqyron domosdoshmërisht pikëpamjet e Bashkimit Evropian, ATRC ose BIRN KOSOVË.