Thirrje e hapur!
Për start-up në sektorin kreativ dhe kulturor
Afati i fundit për aplikim: 29 Nëntor 2022
Kohëzgjatja e programit: 1 dhjetor 2022 - 27 janar 2023
Si ekip i Autostrada Biennale jemi shumë të lumtur që po e lansojmë projektin e ri, i cili ka për qëllim që t’i përkrah 5 start-upe me program të edukimit, punëtori për zhvillim të shkathtësive dhe mbështetje me 3000 euro për blerjen e pajisive dhe mjeteve të ndryshme për punë. I gjithë programi do të realizohet në hapesirën tonë për edukim, prodhim dhe ekspozitë në Autostrada Hangar (Parku i Inovacionit dhe Trajnimeve në Prizren).
Kush mund të aplikoj:
Ky program i targeton të rinjët me ide kreative nga rajoni i Prizrenit, të moshës 20-35 vjeç të cilët janë të interesuar të zhvillojnë startup-et e tyre në fushat e mëposhtme:
Art, Dizajn dhe Artizanate (Përpunimi i drurit, përpunimi i metalit, skulpturë dhe pikturë dhe dizajni industrial)
Dizajn Grafik dhe Komunikim
Dizajn i modës
Fotografi dhe Film Dixhital
Zhvillimi i programit do të ndahet në dy faza:
Në fazën e parë do të përzgjedhen 10 pjesëmarrës me idetë e tyre për start-up lidhur me fushat e lartëshënuara. Këta të rinjë do ta ndjekin programin e edukimit nga një ekip profesional i cili do të punoj me pjesëmarresit për zhvillimin e ides, pregaditjet e planit të biznesit dhe strategjinë afatgjate të punës. Në fund të fazës së parë të gjithë pjesëmarrësit do të marrin çertifikata për pjesëmarrje në program.
Faza e dytë e programit:
Nga 10 pjesëmarres të programit të edukimit do të përzgjedhen 5 ide më të mira për startup të cilat do të mbështeten me nga 3000 euro për blerje të mjeteve dhe pajisjeve të nevojshme për ta filluar biznsesin në sektorin kreativ dhe kulturor. Pajisjet dhe mjetet do të blihen nga Autostrada Biennale për pjesëmarresit e përzgjedhur pasi që ata i hapin bizneset e tyre ose dëshmojnë se e kanë të hapur biznesin e tyre jo më të vjetër se 2 vite.
Idetë per start-up nuk janë të kufizuara në një individ, ato mund të jenë edhe nga një grup prej 2-3 pjesëmarrësish që tashmë kanë qenë të angazhuar në programin e edukimit dhe dëshirojnë ta zhvillojnë iden e tyre të përbashkët. Fituesit e përzgjedhur duhet të jenë të gatshëm të fillojnë operimin e biznesit në territorin e komunës së Prizrenit.
Procesi dhe kriteret e përzgjedhjes për 10 pjesëmarrës
Për t'u kualifikuar për pjesëmarrje në thirrje, aplikanti/ja duhet:
- Të jetë shtetas i Kosovës dhe banor rezident i komunës së Prizrenit (dëshmohet me kopjen e letërnjoftimit)
- Të ketë ide biznesi, të paregjistruar më parë, ose të jetë biznes i regjistruar jo me i vjetër se 2 vite me adresë regjistrimi në Komunën e Prizrenit si dhe me qarkullim më të vogël se 30,000 Euro.
- Të jetë i/e moshës nga 20 deri në 35 vjeç.
- Ta plotësojë aplikacionin tërësisht duke iu përgjigjur në detaje të gjitha pyetjeve me fokus në iden kreative të biznesit dhe strategjinë e saj afatgjate.
- Ta dergojë portofolion e punëve të mëparshme në email adresën: education@autostradabiennale.org
Pjesëmarrësit e përzgjedhur në listën e ngushtë do të intervistohen.
Ky projekt mbështetet nga GIZ dhe ITP Prizren.
Për çdo informacion të mëtejshëm mund të na shkruani në education@autostradabiennale.org ose na telefononi në +38349415800 çdo ditë pune nga ora 10:00-17:00.
