17 кастрычніка (субота)
19.30 - 21.30
Зал 2

Колькасць месцаў абмежаваная.

Цырымонія ўручэння прэміі Шэрмана для перакладчыкаў. Прэзентацыя кнігі мемуараў Карласа Шэрмана "Блуканец".

На цырымоніі ўручэння прэміі Карласа Шэрмана можна будзе бліжэй пазнаёміцца з творчасцю перакладчыкаў, якія ўвайшлі ў шорт-ліст. На цырымоніі абвесцяць пераможцаў прэміі ў трох намінацыях: пераклад прозы, пераклад паэзіі, пераклад дзіцячай кнігі. Кожны з іх атрымае 1500 даляраў у эквіваленце. Таксама на імпрэзе будзе прэзентавана кніга мемуараў Карласа Шэрмана "Блуканец", якая павінна выйсці неўзабаве.

Прэмія за найлепшую перакладную кнігу заснаваная ў 2016 годзе ў гонар выдатнага літаратурнага перакладчыка Карласа Шэрмана. Заснавальнікамі прэміі з’яўляюцца Беларускі ПЭН-цэнтр, Саюз беларускіх пісьменнікаў і Мясцовы дабрачынны фонд “Вяртанне”.