Мы аб'ядноўваемся, каб навучыцца і пачаць ствараць сучасны ды запатрабаваны адукацыйны прадукт: відэаролікі, анімацыю, анлайн-гульні і інтэрактыўныя заданні. Прадукт, які будзе даступны дзецям і настаўнікам па ўсім свеце 24/7 і які будзе даваць базавыя школьныя веды па-беларуску без прапаганды, якой перанасычаныя сучасныя ўстановы адукацыі.

- 1 раз на 2 тыдні вэбінар па тэмах: формы і тэхналогіі мультымедыя-прадуктаў, мастацкі складнік адукацыі, сцэнараванне і драматургія, гейміфікацыя, распрацоўка ТЗ і камунікацыя з тэхнічнымі спецыялістамі і інш.

- Знаёмства з вырабнікамі кантэнту, тэхнічнымі і творчымі спецыялістамі, якія працуюць у сферы дзіцячых мультымедыя.

- Самастойная ці групавая праца па даследванні, аналітыцы існуючых ці магчымых адукацыйных мультымедыя-рашэнняў.

- Конкурс артыкулаў і мікрагрантаў на распрацоўку пілотных прадуктаў.

- Шмат віртуальнай прасторы для ўзаемадзеяння і зваротнай сувязі ад калегаў.

Дзеля бяспекі будзе забяспечаная магчымасць ананімнага ўдзелу. Арганізатары адказваюць за верыфікацыю далучыўшыхся на кожнай сазвонцы.

Заяўкі на ўдзел у праграме прымаюцца да 26 студзеня 2025 г. Заняткі распачнуцца не пазней за сярэдзіну лютага.

Рэгулярны ўдзел у вебінарах (2 сазвонкі па 3 гадзіны на месяц) і выкананне самастойнай ці групавой хатняй працы (да 6 гадзін на месяц) з'яўляецца абавязковай умовай праграмы. Калі ласка, грунтоўна заплануйце свае магчымасці ды занятасць.

Дадатковая інфармацыя і пытанні дасылайце на пошту grunt.brest.by@gmail.com 

Ствараем беларускую адукацыю - без межаў і абмежаванняў!