Մարտական պատրաստության ակումբ
Հարգելի երիտասարդներ,
«Աշխարհազոր» երիտասարդական, կրթական հասարակական կազմակերպության «Մարտական պատրաստության ակումբը» հայտարարում է ընդունելություն:
«Մարտական պատրաստության ակումբի» ծրագիրը բաղկացած է տեսական և գործնական մասերից: Գործնական փուլի ընթացքում մասնակիցները կստանան մարտավարական պատրաստության, կրակային պատրաստության, առաջին օգնության, գոյատևման և անվտանգ կենսագործունեության հմտություններ, իսկ տեսական մասը բաղկացած է դասախոսություններից, որոնք վերաբերում են Հայաստանի և տարածաշրջանի անվտանգության հիմնախնդիրներին, հոգեբանական պատրաստությանը, տեղեկատվական անվտանգությանը և այլն:
Մարտական պատրաստության ծրագրին մասնակցելու համար անհրաժեշտ է հայերեն լրացնել դիմում-հայտը: Լատինատառ հայերենով կամ այլ կերպ լրացված դիմումները չեն քննարկվի: Տեղերը սահմանափակ են, մասնակցությունը անվճար է: Բոլոր դիմողները պետք է անցնեն ընդհանուր ֆիզիկական պատրաստության ստուգում:
Ծրագիրն իրականացվում է «Հայաստանի ԴՕՍԱԱՖ» ՀԿ հետ համատեղ:
Դիմումների ընդունման վերջնաժամկետը ՀՈՒՆԻՍԻ 5-ն է:
