Dirua ikasturte bukaeran jarriko dugu,  orduan jakingo baitugu, inoiz ez lehenago, zenbat ikasleren matrikulak hartu beharko ditugun gure gain.
Horrez gainera, jarri beharreko diru kopurua zehazteko 3 aldagai nagusi ditugu:
Bata, dirulaguntzarik gabeko ikasleen matrikula kopurua; bestea, norberak adierazi duen ekarpena aintzat hartzea; azkenik; herritarron sarekide kopurua. Hiru-hirurak kontuan hartuta, ebatziko dugu behin betiko diru kantitatea.

Euskara da Euskal Herriko jatorrizko hizkuntza eta berau ikastea(k) doakoa behar duelako izan euskal herritar (EHn bizi eta lan egiten duena) ororentzat. Argi dago ortzimuga urrun dagoela eta gure lurraldearen zatiketa administratibo-politikoak ez duela bidea errazten. Nolanahi ere, arazoak arazo, trabak traba eta administrazioak administrazio ari gara urrats ttikiak aitzinera egiten.