Request edit access
Bakkabræður í fótabaði
Einu sinni voru bræður sem bjuggu að bænum Bakka í Svarfaðardal. Dag einn voru þeir á göngu uppi í fjalli. Þá sáu þeir heita laug og datt í hug að fara í fótabað. Þeir settust allir við laugina, fóru úr sokkum og skóm og settu fæturna í volgt vatnið. Þegar þeir höfðu setið nokkra stund ákváðu þeir að nú væri nóg komið og best að halda áfram ferðinni. En þegar þeir litu niður í laugina sáu þeir sex fætur sem voru nærri allir eins. Þeir urðu mjög hræddir og óttuðust að ruglast á fótum. Þeir sátu því og þorðu alls ekki að taka fæturna upp úr lauginni.

Loks sáu þeir mann koma gangandi. Þeir kölluðu í hann og sögðu honum frá vandræðum sínum og að þeir þekktu fæturna ekki í sundur. Maðurinn tók þá stafinn sinn og sló með honum í vatnið. Þá kipptu allir bræðurnir fótunum til sín og voru mjög ánægðir með að allir höfðu fengið sína fætur aftur. En maðurinn hélt áfram ferðinni og var hissa á því hvað bræðurnir voru miklir kjánar.

Bakkabræður í vanda staddir
Hvað ætluðu Bakkabræður að gera?
10 points
Hvar áttu bræðurnir heima?
10 points
Úr hvaða fötum fóru bræðurnir?
10 points
Bakkabræður þorðu ekki að taka fæturna upp úr lauginni af því að:
10 points
Hvernig bjargaði maðurinn bræðrunum?
10 points
Submit
This content is neither created nor endorsed by Google. Report Abuse - Terms of Service