Sólarmótið 2013 fer fram á pallinum hjá Kaffi Reykjavík miðvikudaginn 24. júlí. Taflið hefst klukkan 15:00 og tefldar verða sjö umferðir. Umhugsunartími verður með sérkennilegu sniði, en keppendur hafa tíu mínútur til skiptanna, og hefur sá stigalægri sjö mínútur gegn þeim stigahærri sem hefur þrjár mínútur, alveg sama hver stigamismunurinn er!
Kaffi Reykjavík er staðsett að Vesturgötu 2, rétt við  Kaffi Reykjavík Ingólfstorg.