Меѓународното Здружение на Граѓани ,,КУЛТУРНО ЕХО"- Скопје претставува непрофитна, невладина, независна и непартиска организација основана по пат на слободно здружување, лоцирана во Скопје, а делува на целата територија на Р. Македонија.
          Главна и стратешка цел на Здружението е спроведување на истражување во сите држави од светот за објекти кои може да претставуваат закана по безбедноста, општото здравје, се извор на болести, зарази и зависности за Граѓаните, животните и животната средина, и нивна пренамена за општо добро согласно Член 27 и Член 22 од Универзалната Декларација за Човековите Права.
          На тој начин ќе се овозможи на сите Граѓани да ги реализираат своите економски, социјални и културни права во најблискиот ревитализиран објект.
          За остварувањето на оваа цел, потребни ни се волонтери од секоја Општина, кои заедно со Кореспондентите на КУЛТУРНО ЕХО од други држави ќе помагаат во реализирањето на главната и стратешка цел на Здружението.
          Во прилог:


                                                                                                 Член 22
Секој, како член на општеството, има право на социјално осигурување и право да остварува стопански, општествени и културни права нужни за своето достоинство и за слободен развој на својата личност, со помош на државата и меѓународната соработка, а во согласност со организацијата и средствата на секоја држава.

                                                                                                  Член 27
(1) Секој има право слободно да учествува во културниот живот на заедницата, да ужива во уметноста и да учествува во научниот напредок и во користа што од таму произлегува.
(2) Секој има право на заштита на моралните и материјалните интереси кои произлегуваат од секое научно, книжевно или уметничко дело чиј творец е тој.