Апликација за учество на NASA Space App Challenge Macedonia (18 - 20 октомври 2019).

Познато ви е дека веќе 6 години ЊуМенс Бизнис Акцелератор е еден од главните организатори за интернационалниот NASA Space Apps Challenge и со тоа носи можности за локалните стартапи и бизниси и ги отвора патиштата кон светот за талентирани млади тимови. Оваа година по повод 7 годишнината од NASA Space Apps Challenge сакаме да се надминеме себеси и да ја организираме првата SPACE TECH CONVENTION во срцето на југоисточна Европа – Скопје, Македонија. Конвeнцијата ќе биде составена од три дела:

1. Space Conference за бизнис, технологија и иновација каде што ќе имате можност да се запознаете со претставници од најголемите вселенски агенции како NASA, ESA, JAXA и Индиската Вселенска Агенција, претставници од компании од авионската и вселенската индустрија, експерти и инвеститори со главен фокус на следниве индустрии: машинство, металургија, автоматика, софтвер, телекомуникации, енергетика, автомото, медицина, астрономија, уметности, архитектура.
2. Едукативна изложба за вселената каде ќе бидат изложени вселенски експонати и Саем за индустријата каде што компаниите ќе имаат можност за свое претставување и B2B вмрежување со компании и претставници од странство со цел остварување на бизнис партнерства и соработки.
3. NASA Space Apps Challenge за стартапи и Натпревар во моделирање на ракети за деца и млади. ​Оваа година, апликациите за хакатонот се отворени многу порано, учество може да земат сите ентузијасти за Земјата и Вселената, студенти, средношколци, претприемачи, програмери, инженери, дизајнери, артисти, економисти, едукатори, доктори, архитекти на возраст од 15-29 години.

Како и секоја година, НАСА поставува реални предизвици со кои се соочуваат Земјата и Вселената, а на кои ќе можат да работат тимовите. Категориите на кои ќе бидат дадени предизвици оваа година може да ги погледнете на: https://2019.spaceappschallenge.org/challenges/

Учесниците на NASA Space Apps Challenge 2019 ќе имаат можност да бидат менторирани и оценувани од страна на претставници на вселенските агенции и експерти од корпорации од областа.

Оваа година имаме значајни новитети:

1. Трите победнички тима на NASA Space Apps Challenge се пласираат за директно учество во натпреварот за Space Стартапи кој ќе се одржи во рамките на Space Tech Convention 2019, каде што добиваат можност да ги убедат меѓународни инвеститори да ги поддржат нивните идеи.

2. Тимот кој ќе се пласира на прво место на локацијата во Скопје добива награда - патување во Kennedy Space Center во Флорида и ќе има можност да присуствува на лансирање на ракета!

Пријави се и не ја пропуштај можноста за присуство на лансирање на вселенско летало!

НАПОМЕНА: Тимот може да биде составен од минимум 2, а максимум 5 учесника.