«ԲանՈՒԳործ․ ԵՊՀ էքսպո-2025»-ն ընձեռում է բացառիկ հնարավորություն՝ մեկ հարկի տակ միավորելով գործատուներին, դիմորդներին, ուսանողներին, շրջանավարտներին, կրթական ծառայություններ մատուցող համալսարանական ստորաբաժանումներին։

«ԲանՈՒԳործ»-ի շրջանակում ուսանողները հնարավորություն կունենան հանդիպելու իրենց ապագա գործատուների հետ, առաջինկուրսեցիները՝ ծանոթանալու համալսարանական մեծ հնարավորություններին, դիմորդները՝ մրցունակ կրթական ծրագրերին, իսկ գործատուները՝ ներկայացնելու իրենց գործունեությունն ու ընձեռած աշխատանքային հնարավորությունները։

ԵՊՀ շրջանավարտների և կարիերայի կենտրոնը հավաքագրում է կամավորների՝ էքսպոյի կազմակերպական աշխատանքներում ներգրավելու նպատակով։ 

Կամավորական աշխատանքներին միանալու համար լրացրե՛ք հարցաթերթիկը և դարձե՛ք լայնամասշտաբ այս միջոցառման կազմակերպական մեծ թիմի անդամ։