Ես ինքնակամ ստորագրում եմ սույն տեղեկացված համաձայնությունը Armenian Geographic-ի կազմակերպած Սիս լեռան վերելքին մասնակցելու վերաբերյալ:
Հավաստիացնում եմ, որ ես պատշաճ կերպով ծանոթացել եմ արշավի նկարագրին և անվտանգության կանոններին, տեղյակ եմ տարատեսակ՝ այդ թվում, կյանքի համար անհամատեղելի վնասվածքներ և/կամ խայթոցներ ստանալու մասին հնարավոր ռիսկերին, ինչպես նաև ստացել եմ իմ մոտ առաջացած բոլոր հարցերի ամփոփ պատասխանները:
Ես հստակ հասկանում եմ ինձ ներկայացված կանոնները և վերջիններիս հետևելու կարևորությունը, ինչպես նաև գիտակցում եմ, որ կանոնների անտեսումը կարող է հանգեցնել զանազան վնասվածքների, կոտրվածքների և դժբախտ պատահարների՝ երթուղու անցման ընթացքում:
Ես հաստատում եմ նաև իմ կողմից Սիս լեռան վերելքին մասնակցելու համար որևէ բժշկական հակացուցումների բացակայությունը:
Իմ առողջական վիճակը (բնածին, ձեռք բերված, քրոնիկ, սուր հիվանդությունները և/կամ խանգարումները, ինչպես նաև նորմայից ցանկացած շեղումները) ես գնահատում եմ ինքնուրույն և/կամ իմ բժշկի խորհրդատվության հիման վրա, և ինքս եմ որոշում կայացնում առաջարկած երթուղիներով անցնելու մասին՝ հաշվի առնելով առողջական վիճակս:
ԵՐԹՈՒՂԻՆԵՐԻ ԱՆՑՄԱՆ ՏԵՂԵԿԱՑՎԱԾ ՀԱՄԱՁԱՅՆՈՒԹՅԱՆ ՀԱՍՏԱՏՈՒՄ
Ես պատշաճ կերպով տեղեկացվել եմ, որ պարտավորվում եմ անվերապահորեն կատարել կազմակերպչի կողմից սահմանվող գրավոր և բանավոր ցուցումները, որոնք պարտադիր են բոլոր մասնակիցների համար:
Ես պատշաճ կերպով տեղեկացվել եմ, որ արշավի կազմակերպիչը/ղեկավարը որևէ պատասխանատվություն չի կրում իմ առողջության և/կամ առողջական վիճակի վատթարացման համար:
Ես պատշաճ կերպով տեղեկացվել եմ, որ արշավի ընթացքում իմ անձնական գույքի հնարավոր կորստի, վնասման և/կամ ամբողջական ոչնչացման համար կազմակերպիչը և անձնակազմը որևէ պատասխանատվություն չեն կրում:
Ստորագրելով սույն տեղեկացված համաձայնությունը, ես հաստատում եմ, որ արշավների ընթացքում որևէ վնասվածքներ, և/կամ մահվան ելքով պատահարների դեպքում, ես, իմ հարազատները և/կամ այլ լիազորված անձինք արշավի կազմակերպչին և անձնակազմին որևէ պահանջ չենք ունենա:
ՍԻՍԻ ՎԵՐԵԼՔՆ ԸՆԴՀԱՏԵԼՈՒ ԴԵՊՔԵՐԸ
Սույն ուղեցույցով պարտավորություններն ամբողջությամբ կամ մասնակիորեն չկատարելու համար կողմերն ազատվում են պատասխանատվությունից, իսկ կազմակերպիչն էլ դադարեցնում է արշավը, եթե դա եղել է անհաղթահարելի ուժի ազդեցության հետևանքով, որը ծագել է սույն ուղեցույցը ստորագրելուց հետո, և որը Կողմերը չէին կարող կանխատեսել կամ կանխարգելել: Այդպիսի իրավիճակներ են երկրաշարժը, ջրհեղեղը, հրդեհը, պատերազմը, ռազմական և արտակարգ դրություն հայտարարելը, քաղաքական հուզումները, գործադուլները, հաղորդակցության միջոցների աշխատանքի դադարեցումը, պետական մարմինների ակտերը և այլն, որոնք անհնարին են դարձնում սույն ուղեցույցով պարտավորությունների կատարումը:
Վերելքը կարող է դադարեցվել՝
Վատ եղանակային պայմանների դեպքում, որի շարունակելը կարող է վտանգավոր լինել մարդկանց կյանքի և/կամ առողջության համար:
Որոշումը կայացնում է խմբի ղեկավարը:
Ես պատշաճ կերպով տեղեկացվել եմ անհաղթահարելի ուժի հավանականության մասին և ճանապարհորդության նպատակակետին չհասնելու, ծրագրի փոփոխման և այլ անկանխատեսելի շրջադարձի դեպքում կազմակերպչից ու անձնակազմից ես, իմ հարազատները և/կամ որևէ լիազորված անձիք որևէ ֆինանսական և/կամ այլ փոխհատուցում չենք պահանջի:
