საქართველოს უნივერსიტეტის საჯარო ლექციები აბიტურიენტებს
ბოლო რამდენიმე წელია საქართველოს უნივერსიტეტი აბიტურიენტებისა და უფროსკლასელი მოსწავლეებისთვის არაფორმალური განათლების კუთხით ახორციელებს სხვადასხვა ტიპის პროექტებს: ტრენინგებს, საჯარო ლექციებს, ვორქშოფებსა თუ სასკოლო ოლიმპიადებს. აღნიშნული ღონისძიების ფარგლებში უნივერსიტეტს გაცემული აქვს სხვადასხვა ტიპის გრანტები მონაწილე გამარჯვებულებისთვის (ოლიმპიადები სამოქალაქო განათლებაში და ბიზნეს განათლებაში). საქართველოს უნივერსიტეტის მიზანია საქართველოს მასშტაბით მაღალკლასელი მოსწავლეებისათვის და სხვა დაინტერესებული პირებისთვის არაფორმალური განათლების მიწოდება მათთვის საინტერესო თემებზე.
კორპორაციული სოციალური პასუხისმგებლობის ფარგლებში, უნივერსიტეტი მიზნად ისახავს მოახდინოს მოსწავლეების ცნობიერების ამაღლება მათ მიერ შერჩეულ პროფესიებზე ან დაეხმაროს აბიტურიენტებს პროფესიის არჩევაში. პროექტი ხელს შეუწყობს მოსწავლეებმა მკაფიოდ გაიაზრონ მომავალი პროფესიის სტანდარტები, გამოწვევები და პერსპექტივები; გაცნობიერებულად და მიზანმიმართულად აირჩიონ მომავალი პროფესია.
პროექტში ჩართული არიან საქართველოს უნივერსიტეტის პროფესორები შესაბამისი პროფილით.
მოცემული სარეგისტრაციო ფორმა განკუთვნილია თბილისის საშუალო თუ კერძო სკოლებისთვის და მონაწილეობა შეუძლია ნებისმიერ სკოლას, რომელსაც ჰყავს 10-ზე მეტი მე-12 კლასელი.
მხარეები შეთანხმდებიან ორმხრივ ხელსაყრელ დროზე, რის შემდეგაც საქართველოს უნივერსიტეტის წარმომადგენლები მიბრძანდებიან დაინტერესებულ სკოლაში ლექციის წასაკითხად.
საკონტაქტო ინფორმაცია: 579 04 84 84