Եթե 16-30 տարեկան ուսանող ես և սովորում ես ՀՀ սահմանամերձ մարզերի
(Սյունիքի, Գեղարքունիքի, Վայոց Ձորի, Տավուշի, Լոռու, Շիրակի) բուհերից որևէ
մեկում (բացառությամբ ավարտական կուրսերի), ապա այս ծրագիրը հենց քեզ համար է:
Մասնակցի՛ր և ստացիր մեդիագրագիտության, թվային գրագիտության և կիբեռգրագիտության
վերաբերյալ արդիական, կարևոր գիտելիքներ ամբողջ կյանքի համար, որոնք կօգնեն պաշտպանել
քեզ ու հարազատներիդ համացանցում առկա վտանգներից, չդառնալ կիբեռհանցագործությունների զոհ,
տարբերել կեղծ տեղեկատվությունը հավաստիից, լինել մեդիագրագետ և պաշտպանված թվային
միջավայրում, ինչպես նաև ձեռք բերել նոր ընկերներ ու համախոհներ ՀՀ տարբեր
մարզերում և ԱՊՀ երկրներում:
Ծրագրի առաջին փուլում՝ սույն թվականի հուլիսին, յուրաքանչյուր մարզից 20 ուսանող (ընդհանուր 120 ուսանող, իսկ ԱՊՀ-ից՝ 30 երիտասարդ) կմասնակցեն մեկօրյա առցանց դասընթացի (չորս-հինգ ժամ տևողությամբ):
Առաջին փուլի լավագույն մասնակիցները (յուրաքանչյուր մարզից 5 ուսանող) հնարավորություն կունենան անվճար մասնակցելու հայ երիտասարդների համար կազմակերպված «Մեդիագրագետ ուսանող» եռօրյա ամառային ճամբարին, որը տեղի կունանա 2024թ․ օգոստոսին Հայաստանի ամենազով քաղաքներից մեկում՝ Լոռու մարզի Ստեփանավան համայնքում։
Ամառային ճամբարի շրջանակում տեղի կունենա նաև «ԱՊՀ երկրներում տարածված մեդիամանիպուլյացիաներն ու կիբեռհանցագործությունները երիտասարդների դիտարկամամբ» միջազգային երիտասարդական կոնֆերանս (առկա-հեռավար ձևաչափով, հայերեն-ռուսերեն թարգմանությամբ): Մասնակիցները կստանան միջազգային երիտասարդական կոնֆերանսի մասնակցության վերաբերյալ հավաստագիր:
Մասնակցությունն անվճար է,
տեղերը՝ սահմանափակ։ Մասնակիցների ընտրությունը կկատարվի հայտադիմումների հիման
վրա,
կտեղեկացվեն միայն ընտրված մասնակիցները։ Դիմումներն ընդունվում են մինչև սույն թվականի հունիսի 20-ը՝ ժամը 23:59-ը:
Ծրագրի վերաբերյալ լրացուցիչ տեղեկատվության համար կարող եք զանգահարել +374-93
405082 +374-77 392814 հեռախոսահամարներով, ինչպես նաև գրել youthcismediaconference2024@yandex.com կամ kamqlori@gmail.com էլեկտրոնային փոստերից որևէ մեկին։
Ծրագիրն իրականացնում է «ԿԱՄՔ» Լոռվա երիտասարդական ծրագրերի կենտրոն» հասարակական կազմակերպությունը Հայաստանի Հանրապետության կրթության, գիտության, մշակույթի և սպորտի նախարարության աջակցությամբ:
