Նախընտրական շրջանում ընտրական հանցագործությունների մասին անանուն ազդարարում
Հունիսի 20-ին Հայաստանում տեղի են ունենալու արտահերթ խորհրդարանական ընտրություններ, և որոշ քաղաքական ուժեր նախընտրական փուլում կարող են դիմել ապօրինությունների:
Մասնավորապես, քաղաքականացված բիզնեսմենները, հնարավոր է, պարտադրեն իրենց աշխատողներին գնալ իրենց քաղաքական ուժի հանրահավաքին կամ քվեարկել իրենց քաղաքական ուժի օգտին: Աշխատողներին նման բան պարտադրելը հանցագործություն է:
Ավելին, բացառված չէ, որ մարդկանց տան ընտրակաշառք (այդ թվում՝ բարեգործության անվան տակ) կամ գումար՝ հանրահավաքին մասնակցելու համար: Նման գումար տալը ևս հանցանք է:
«Իրազեկ քաղաքացիների միավորումը» մտադիր է բացահայտել նման արարքների դիմող անձանց, ինչի համար մեզ պետք են տեղեկություններ այդպիսի երևույթների մասին:
Եթե հայտում ձեր տվյալները ինքներդ չլրացնեք, ապա դրանք մեզ անհայտ կմնան, և ձեր գաղտնիությունը կերաշխավորվի:
Եթե հայտում ձեր տվյալները լրացնեք, ապա մենք չենք փոխանցի դրանք այլ անձանց, մինչև դուք չտաք ձեր համաձայնությունը: Ավելին՝ եթե ցանկանաք, ձեզ կտրամադրվի փաստաբանական աջակցություն:
