Драги млади луѓе,

Дали Ви пречи загадениот воздух во Вашата општина? Дали сте подготвени да направите промена во вашата општина која ќе овозможи чист воздух и здрава животна средина? Центарот за климатски промени започнува со спроведување на проектот „Младинска акција за чист воздух“ и би сакале и Вие да ни се приклучите во заедничкото спроведување на активностите.

Заедно со вас ќе реализираме:

1 работилница на која ќе научиме за тоа што допринесува за аерозагадување и како да се справиме со него, а ќе се запознаеме и со начините за поголема вклученост во процесите на креирање и донесување одлуки на локално ниво,

3 Speak UP форуми преку кои ќе можете да се вклучите и директно да влијаете во планирањето на активности за аерозагадување во вашата општина

1 тридневен камп кој ќе овозможи формирање на мрежа за заедничка акција со цел решавање на проблемите за аерозагадување, иницирање на активности за намалување на аерозагадувањето на локално ниво

Проектот го спроведуваме заедно со УНИЦЕФ, и е финансиски поддржан од Владата на Шведска. Неговата главна цел е да ги мобилизира и мотивира младите од 4 општини (Куманово, Кавадарци, Велес и Гостивар) и Град Скопје.

Подготвени сте да бидете херој за чист воздух? Пополнете ја формата подолу!

И не заборавајте да ја споделите веста со Вашите пријатели! Повеќе информации за проектот на www.ckp.org.mk