Jacobo

Salutation

1.1 Jacobo, servitor de Deo e del Senior Jesus Christo. Al dece-duo tribos que reside in le Diaspora[1]. Salutes.

Gaudio in le provas

1.2 Fratres e sorores mie, quando vos cade[2] in probas[3] de tote sorta, considera lo [un occasion de] maxime gaudio, 1.3 proque vos sape que le probation de vostre fide produce patientia[4], 1.4 e le patientia produce un perfecte resultato[5], a que vos sia perfecte[6] e complete, carente de nihil. 1.5 Si alicuno de vos, tamen, care de sapientia, que ille lo pete a Deo, le qual da a omnes con abundantia sin reprochar, e le essera date. 1.6 Ille, tamen, debe peter con fide, sin dubitar, proque qui dubita simila a un unda del mar, pulsate[7] e ballottate per le vento. 1.7 Un tal persona non debe supponer[8] de reciper alique per le Senior, 1.8 essente un persona de duple mente, inconstante[9] in tote su vias.

1.8


[1] O “disperdite al extero” (il. e. foras de Israel).

[2] O “attrappate”.

[3] O “temptationes”, “tests”.

[4] O “supportation patiente”, “constantia”, “resistentia”.

[5] O “opera”.

[6] O “matur”.

[7] O “sufflate”.

[8] O “imaginar”, “expectar”.

[9] O “inconstante”.