* Páll Ivan frá Eiðum

*Bio and CV below  

The Pieces  - Info on my works as a composer can be found here. Incomplete since 2014

The Paintings and drawings  - Here you can take a look at my visual art!

Stuff on soundcloud:

Soundcloud 4 (latest)

Soundcloud 3

Soundcloud 2

Soundcloud 1 (oldest)

Want to contact me?  

Try pallivan atw gmail dot com    or    https://www.facebook.com/pallivan

Want to know what I will be doing before I do it?

Best place is https://www.facebook.com/pallivan 

I’ll burn that bridge when I get to it.  


Páll Ivan frá Eiðum 2017

                                        

SHORT TEXT ICELANDIC AND ENGLISH

Tónverk Páls Ivans hafa verið flutt víðsvegar í Evrópu og Bandaríkjunum, þar á meðal á hátíðum svo sem Listahátíð í Reykjavík(2008,2014), Myrkum músíkdögum, Tectonics(2012, 2013, 2014: verk fyrir Sinfóníuhljómsveit Íslands) Sláturtíð, RAFLOSTI, Nordic Musicdays,NEXT Festival of Advanced Music in Bratislava, Icelandic Musicdays í Hollandi, Ung Nordisk Musik (UNM) ofl. Páll Ivan er einn af stofnmeðlimum tónskáldahópsins SLÁTUR.

------------

English

Páll Ivan frá Eiðum is an active composer, musician and artist.  He is not going to die before everything has been tried and a total understanding of everything has been achieved.

Páll Ivan’s works have been performed in Europe and the United states, festivals such as the Reykjavík Arts festival, Nordic music days, Dark music days, Tectonics, Sláturtíð, Raflost, Icelandic music days in the Netherlands and Ung Nordisk Musik. Páll Ivan is a founding member of the SLÁTUR composers collective.

                                        

+++++++++++++++++++++

LONGER TEXTS ENGLISH AND ICELANDIC

ENGLISH

                

Páll Ivan frá Eiðum (1981)        

        

Páll Ivan studied music and music technology at the King Edward VI Comunity College í Devon, England 1998-2000 and got his composition BA from the Iceland Academy of the Arts in 2006. He also has an unfinished masters thesis from the same scool.

The music of Páll Ivan has been performed in Europe and USA at festivals such as Reykjavik Arts Festival(2008,2014), Dark Music Days, Tectonics(2012, 2013, 2014: including work for the Iceland Symphony Orchestra) Sláturtíð, RAFLOSTI, Nordic Musicdays, NEXT Festival of Advanced Music in Bratislava, Icelandic Musicdays in the Netherlands and Ung Nordisk Musik (UNM).

Páll has performed widely as an instrumentalist, playing instruments such as computers, garbage, electronics, bass instruments, keyboards, guitars and brass instruments. He has recorded and or performed with all kinds of musicians and goups such as Benni Hemm Hemm, Stórsveit Nix Noltes, Borko, Kríu Brekkan, Strigaskór nr. 42, Fengjastrútur, Fred Frith, Sinfóníuhljómsveit Norðurlands, ATÓN, Andrew D ́Angelo, Hestbak, Egill Sæbjörnsson, Slowblow and Múm. He has also done some arrangement and filmscore work.

He has worked in theaters as a musician performer, been a music teacher at various music schools in iceland and also used to host a radio show on RÚV 1 (national radio one).

Páll Ivan is a founding member of the SLÁTUR composer collective and ex board member of the Sequences Real Time Art Festival

http://slatur.is/pallivan/

-------------

ICELANDIC

                                        

Páll Ivan Pálsson lagði stund á nám í tónsmíðum og tónlistartækni í King Edward VI Comunity College í Devon á Bretlandi á árunum 1998-2000 og lauk BA prófi í tónsmíðum frá Listaháskóla Íslands árið 2006 auk þess að eiga ókláraða mastersritgerð í sama skóla.

Tónverk Páls Ivans hafa verið flutt víðsvegar í Evrópu og Bandaríkjunum, þar á meðal á hátíðum svo sem Listahátíð í Reykjavík(2008,2014), Myrkum músíkdögum, Tectonics(2012, 2013, 2014: verk fyrir Sinfóníuhljómsveit Íslands) Sláturtíð, RAFLOSTI, Nordic Musicdays, NEXT Festival of Advanced Music in Bratislava, Icelandic Musicdays í Hollandi, Ung Nordisk Musik ofl. Páll Ivan er einn af stofnmeðlimum tónskáldahópsins SLÁTUR.

                                        

Páll Ivan hefur átt fjölbreyttan feril sem hljóðfæraleikari, en hann leikur á tölvur, raf- og kontrabassa, píanó, gítara og lúðra hvers konar. Hann hefur leikið inn á fjölda hljómplatna og komið fram með tónlistarmönnum úr mörgum ólíkum áttum, þ.a.m. með Benna Hemm Hemm, Stórsveit Nix Noltes, Borko, Kríu Brekkan, Strigaskór nr. 42, Fengjastrútur, Fred Frith, Sinfóníuhljómsveit Norðurlands, ATÓN, Andrew D ́Angelo, Hestbak, Agli Sæbjörnssyni, Slowblow og Múm. Einnig hefur hann útsett fyrir Lúðrasveit Verkalýðsins og 200.000 Naglbíta.

                                        

Auk þess að vera virkur sem tónskáld og flytjandi hefur hann starfað sem tónlistarkennari og hefur kennt á ólíkustu hljóðfæri í gegnum tíðina. Hann var einnig einn af umsjónarmönnum Listanámskeiða fyrir börn á Eiðum, sumrin 2005 og 2006.

Af öðrum verkefnum sem Páll Ivan hefur komið að mætti helst nefna tónlist fyrir leikhús í Hafnafjarðarleikhúsinu og Borgarleikhúsinu og útvarpsmennska á Rás 1, sem umsjónarmaður Hlaupanótunnar og sat í stjórn listahátíðarinnar SEQUENCES.  

Síðan 2012 hefur Páll Ivan átt blómlegan feril sem myndlistarmaður og má sjá eitthvað af verkum hans hér: https://www.facebook.com/MalverkPallIvanFraEidum/

                                        

Nánar um Pál Ivan má finna á: http://slatur.is/pallivan/

                                

        -----------

++++

Persónulýsing

Ofboðslega jarðbundin og svo heimakær að hún er komin með börk og semi-djúpar rætur.  Hún man ekki hvenær hún borðaði síðast en drekkur og drekkur og drekkur og svitnar á morgnana og hugsar á myndrænan hátt um börnin sín í öfugri fjarlægðarröð.

Horuð hávaxin rengla, ekkert annað en olnbogar, hnésbætur og sveittir handakrikar, fallega skreytt með rauðum jólalegum bólum.

Nokkuð ánægð með tilveruna þegar hún fær fullnægingu í Kringlunni en á það til að detta ofan í existensjalismann þegar dropi þyrlast upp úr klósettinu við niðursturtið og lendir á tungu hennar.

Umhverfi

Hurðin opnast sjálfvirkt, ekki til hliðanna eða upp eða niður heldur bráðnar hún og lekur inn í höfuðið þar sem hún lokar á minningar, kvíða og spádómsgáfu. Gólfið glansar, starfsfólk dansar, blóm og kransar. Við blasir stór rúllustigi sem er fullur af gömlu fólki á rúlluskautum með rúllur í hárinu og kaffi og rúllutertulykt. Stiginn hreyfist ekki, fólkið hreyfist ekki, heldur lygnir aftur augunum brosandi með ást í hjartanu og ost í vasanum. Birtan sullast úr plöntum sem vefja sig utan um fólkið, súlur, handrið og vagga hægt í takt. Listnemar sem trúa á stjörnuspeki hanga hreyfingarlausir eins og skilti fyrir ofan búðir.  Útréttur putti, “týpískur hrútur”, hurð lekur inn og viðskipti eiga sér stað. Opið til 6 á virkum dögum og til 10 um helgar.

Vendipunktur

Gaman. Atburður. Leiðinlegt.

Það er gaman að leika sér.  Einhver kemur og gerir eitthvað slæmt. Nú er ekki gaman lengur.

Þau leika sér saman eftir stutt kynni.  Hann fær leiðinlegt símtal.  Stemningin er farin.

Þau kynnast á skemmtistað og fara heim saman.  Í miðjum klíðum hringir ættingi og segir frá einhverjum hörmungum.  Allur losti og erótík hverfur í kjölfarið.

Þetta var laugardags kvöld og henni fannst hann svo sætur og honum hún sömuleiðis að eftir nokkra drykki losuðu þau sig við vinahópana og fóru heim til hennar.  Kötturinn hennar hafði dáið nýlega og það voru ennþá kisumatarskálar á gólfinu en það kom ekki að sök og fóru þau beint í bólið. Um miðbik kynlífsins hringir síminn hans og þar er það hún móðir hans sem hringir og segir honum að einhver hafi lent í slysi.  Við þetta símtal kemst hann í nokkurt uppnám, missir reisn og kynlöngun og klæðir sig hratt og örugglega og fer heim til sín.  Hún verður auðvitað leið stelpan en auðvitað vonar hún að það verði nú í lagi með hann.  Bæði leið. Hann frumleiður en hún pínu svekkt og að einhverju leyti meta-leið eða leið fyrir hans hönd.

Tveir nokkuð sambærilegir en ókunnugir einstaklingar vakna á laugardagsmorgni og eru sæmilega vel stemmdir. Dagurinn líður áfallalaust og nokkur spenna í loftinu því um kvöldið höfðu þau bæði áformað að fara út að skemmta sér með mis-góðum vinum (enginn er fullkominn sjáiði til). Áformin gengu eftir hjá báðum og eftir mikið pöbbarölt hittast þau loks í fyrsta sinn í sígó á Gauknum. Það var einhver hljómsveit að spila, töluverð læti, fóru í smá sleik og svo og tóku þau leigubíl heim til hennar út í eitthvert guðsvolað úthverfið.  Hún hafði átt þessa kisu lengi, eiginlega erft hana eftir að elsta dóttir sín flutti út en svo bara dó hún eftir stutta en hetjulega baráttu við einhvern kisusjúkdóm. Þau fóru í svefnherbergið og hún kom honum örlítið á óvart með því að vippa sér strax og fyrirmálalaust úr öllum fötunum og koma sér í æsandi stellingu á rúminu.  Honum tókst að afklæða sig sæmilega hratt og án þess að missa mikið af sjálfsvirðingunni.  Hefðbundnir kossar, sleikir, káf og kelerí.

Vendipunkturinn:

Slefið glansaði á tönnunum og tungan bakvið rauð og sleip og rakt myrkur fyrir innan. Fætur, klof og læri eins og stórt M frá þessu sjónarhorni, og titra í morskóða fyrir “bíttu mig, meiddu mig”, púlsinn sýnilegur í miðju M-inu.  - Svo hringir síminn hans og þið vitið svosem rest.  Þetta var sem betur fer ekkert svo alvarlegt slys og þau hittust aftur einhverjum vikum síðar.  

Blátt 

Hún lét breyta sér í kræklótt birki í fyrra.  Hún þurfti að fara til útlanda því íslenskir læknar vildu ekki framkvæma aðgerðina.  Hún var heppin því fjölskyldan hennar stóð við bakið á henni og studdi hana á allan hátt enda hafði amma hennar verið einn fjórði fjallagras og einn fjórði víðir og þótti mikil skömm að því á sínum tíma.

Maður er brúnaþungur að horfa á mann sem sér hann ekki.  Maðurinn var vondur einu sinni og núna er hinn að muna það og líka allt í lagi langt síðan og fá sér kaffisopa og horfa á einhvern annan og ekki brúnaþungur lengur.

Þær voru upprunalega mjög hvítar naríurnar en nú hefur mikið gullregn og margar rassapulsur runnið til sjávar og naríurnar svo óþvegnar og svo ofnotaðar að þær hafa fengið á sig hlébarðamynstur sem er svo sannfærandi að jafnvel íslenskir grasbítar verða varir um sig.

Maður fer í sturtu og notar sjampó og skolar það ekki vel og hleypur í kaffi til vinar síns sem á kisu. Hann klappar kisu mikið en gleymir að fara úr þykkri peysu og svitnar. Sviti lekur smá í augu og skolar niður í augu sjampó sem svíður í augun. Maður klappar meira kisu og svíður og heldur að hann sé með kisuofnæmi og klárar kaffið. Gott kaffi, flott íbúð og góður vinur.

Kona er eldri og með stóran líkama undir úlpu að labba í kulda með poka, býr ein með pönnukökulykt og teppi og hnyklar en núna úti mannbroddar.

Maður er á flugstöð að pissa.  Pissar smá á höndina um leið og hann er kallaður upp. Rýkur af stað án þess að þvo hönd.  Hleypur að hliði númer 14 og réttir manni boarding pass með piss hendi.  Maður á hliði snertir piss á hendi með sinni hendi og skoðar boarding pass og skilar honum.  Maður hleypur inn í vél og bless.  Maður á hliði með piss á hendi  úr hinum manni af hans hendi strýkur enni sitt og undir nef.  Maður á hliði með pisslykt á efri vör og enni úr hinum manni allan daginn en dagurinn var góður, leið hratt og fékk marga peninga.  

Matur/Viðhorf

Þykkt [10cm] kjötstykki með ljósum [ofbirta í augun] hárum og glansandi [eins og hafið] fituskán liggur löðrandi og afslappað [engin spenna] á endalausu [miðað við kjötstykki] grænu [eins og gras] túni í ómerkilegri sveit [landsbyggðin hefur samt sína kosti]. Sólin skín [yndislegt en ég hef brunnið auðveldlega síðan ég varð sirka 25 ára], stöku ský á bláum [uppáhalds liturinn minn] himni. Ófrumlegt [skiptir ekki máli fyrir söguna] umhverfi og ófrumleg [skiptir ekki máli fyrir söguna] ánægja og vellíðan.  Kjötið [namm], óstressað [afslappað] yfir því að vera klysja [frumleiki er ofmetinn], nýtur þess bara að vera til, finna notalega fyrir hveri taug og tægju í líkamanum [kjötinu], finna volgan andvarann [smá vindur] leika við ljós hárin sem standa eins og [upphafið að líkingu] fullir horaðir kraftgallakallar upp úr feitri húðinni [er pura á lambakjöti?].  Kjötið var hluti af listilega elduðum [fer betur í maga þannig] lambahrygg ómerkilegrar [skiptir ekki máli fyrir söguna] fjölskyldu sem hafði auðvitað [það er reyndar ekkert sjálfsagt en mjög algengt], eins og allar fjölskyldur, upplifað sorgir [leiður] og sigra [glaður], áföll [leiður] og hlátrasköll [glaður]. Fjölskyldunni [hópur af nánu fólki] hafði ekki tekist að klára allan hrygginn þannig að þau sögðu afganginum [aðalpersónukjötinu] að taka sekk sinn og halda á vit ævintýranna. Kjötið komst ekki lengra [engir fætur] en á þetta fallega tún rétt hjá bænum, lagðist niður með sekkinn undir höfðinu [lafandi tægja], sólgleraugun á nefinu [misfella í fitunni] og naut tilvistarinnar.  Krummi svaf í klettagjá [stolið úr lagi] en vaknaði við ilminn [kjötlykt] af hamingjusama kjötbitanum. Þetta var yndislegt sumar og allt var betra í gamla daga.

-

[10cm](skemmtileg lengd) [ofbirta í augun](sólin er magnað fyrirbæri) [eins og hafið](bláa hafið, fékk þetta lag á heilann í nokkur ár) [engin spenna](en spennandi) [miðað við kjötstykki](ég fór einu sinni í bogfimi og miðaði á kjötstykki)[eins og gras](það er stundum grænleitur blær á hári sonar míns)[landsbyggðin hefur samt sína kosti](og ekki má gleyma göllunum) [yndislegt en ég hef brunnið auðveldlega síðan ég varð sirka 25 ára](það litla sem ég veit um erfðafræði hefur kennt mér að kenna líffræðilegum föður mínum og hans ætt um) [uppáhalds liturinn minn](það eru í raun litasamsetningar frekar en stakir litir sem höfða til mín) [skiptir ekki máli fyrir söguna](allt skiptir máli) [skiptir ekki máli fyrir söguna](ekkert skiptir máli) [namm](gef ekki nammi í skóinn í ár) [afslappað](ég er furðu tens en rólegur á sama tíma)[frumleiki er ofmetinn](ég er ekki sammála því. ég þrífst á frumleika annara og hef frumleika að markmiði mínu í lífinu með misjöfnum árangri)[kjötinu](farinn að kaupa miklu meira grænmeti undanfarin misseri)[smá vindur](minnir mig á það þegar ég lenti í logni á seglskútu í faxaflóanum)[upphafið að líkingu](líklega ekki merkileg eða flott)[er pura á lambakjöti?](steikt húð æsku vors lands)[fer betur í maga þannig](inn um munninn)[skiptir ekki máli fyrir söguna](allt skiptir máli) [það er reyndar ekkert sjálfsagt en mjög algengt](skiptir ekki máli fyrir söguna) [leiður] (hef lengi verið leiður)[glaður](er mun oftar glaður núna en áður)[leiður](svona svona) [glaður](hvernig tengjast gleði og hamingja?)[hópur af nánu fólki](vinir mínir eru sumir nánir mér)[aðalpersónukjötinu](líkamar okkar)[engir fætur](systir mín á þúsundfætlu sem ég þorði einu sinni að halda á. Merkileg upplifun) [lafandi tægja](komst að tilgangi úfsins um daginn. Hann gerir ótrúlega margt en samt er allt í lagi að fjarlægja hann)[misfella í fitunni](krumpa,hrukka,varadekk)[stolið úr lagi](er ekki allt í lagi?)[kjötlykt](ágæt þegar ég er mjög svangur)

Skepna/Stál

Hann skreið á ströndinni, blautur, kaldur, örmagna og tættur. Tré og runnar, framandi dýrahljóð og skelfing. Það er eitt að lifa svona hörmungar af en annað að halda áfram að lifa. Draugar í hverjum skugga, hættuleg skordýr í hverri holu en með tíð og tíma hefði honum tekist að byggja sér kofa, lært að veiða sér til matar og koma sér bærilega fyrir á þessari framandi eyju. Í staðinn stóð hann á fætur, leit skelfingu lostinn í kringum sig og hljóp inn í skóginn. Runnar og snákar tættu fætur hans, áfram, beint af augum. Hann kom að stórgrýttu svæði þar sem hann hlóð sér eldstæði, gerði físibelg úr laufum og ranghugmyndum. Áfram hljóp hann svo að mýri. Reif upp tré og runna og minningar sem stóðu í mýrinni og skóf mýrarrauðann af rótunum. Kveikti svo eld í stæðinu og bræddi rauðann niður í marga ryðgaða peninga sem hann gleypti brennandi heita og kafnaði loks á einum. Maurarnir hringdu á neyðarlínuna og aparnir komu fljótt og hófu tilraunir til endurlífgunar en án árangurs.  Svo man ég ekki meir.

Lögun/Löngun

Hrábriminn er sjaldséður hvítur fugl af hrafnaætt þvert á það sem nafnið gefur til kynna. Fölgrænn goggurinn er í laginu eins og tvær franskar kartöflur, höfuðið smágert og tvö fagurblá augu tróna efst. Fjaðrirnar eru í raun svartar en spegla þoku og skýjum beint í augu áhorfanda svo þær virðast hvítar. Ekki skiptir máli hvar þokan eða skýin eru stödd í heiminum. Örmjótt stélið stendur beint upp í loftið og nemur pólítískt landslag bæjarstjórna á austanverðu landinu og er birtingarmynd þess að sjá á fótum fuglsins. Sé hægri, mið eða vinstri sveifla í stjórnmálunum fjölgar eða fækkar tám hægri fótar.  Fuglinn nærist nær eingöngu á öldugjálfri í Lagarfljótinu og leggst í dvala þegar frystir. Í gömlum kirkjubókum í Hjaltastaðaþinghá er fuglinn nefndur Kartöflugæs og töldu menn í sveitinni að hann boðaði dægurhörmungar eða dægurgæfu eftir aðstæðum. Sæist hann á vappi við skurð var talið að lélegri hljómsveitir og skemmtikraftar kæmu fram á Seyðisfirði og Vopnafirði það árið en betri sæist hann sitja með rjúpu í hreiðri. Hrábriminn sást síðast á Borgarfirði eystri 1940 og var skotinn af aðkomumanni.  

Verkfæri/Furður

Missa hárið. Eldhúsið um miðja nótt með litlu ljósi og dökkt hár á hvítu borði og bolli. Ísskápahljóð og aðrir sofandi.  Sitja einn með hálfa hugsun, fleiri og fleiri hár á borði. Bollinn með te og borðið með mylsnur. Óþægilegur stóll (af hótel Borg er mér sagt) en samt sitja. Dimmt í kring í íbúð en gæsahúð og ótti því fyrir utan læsta hurð stendur stór myrk vera með loðfeld, sár, klær, töfravönd, vill meiða og hugsanir úr öðrum heimi. Ekki hreyfa mig, hlusta á andið.  Fleiri hár á hvítu borði. Hárin teikna og skrifa skilaboð sem bara sofandi geta skilið. Minions dagatal segir að engin hætta en veran bíður og ætlar, ég vakandi en ekki í líkamanum. Hárið skrifar og skrifar og skrifar og skrifar og skrifar og sofna bráðum, þreytt augu og hræddur og þungt. Þegar veran kemur inn verður töfravöndurinn á lofti að slá og soga sál úr sofandi, sársauki, martröð lekur, grátt svart fjólublátt hratt skil ekki og vont. Deyðu láttu mig í friði ég skulda þér ekki neitt farðu og vertu í þínu eigin ógeði ógeð.

-

Jahérna hér, þetta er nú meira vesenið hjá stráknum! Hvað ætli sé í gangi hérna? Ha, krakkar? Er hárið að skrifa? Dettur úr höfðinu og á borðið og myndar eitthvað eins og stafi og form? Er skrímsli fyrir utan heimilið? Einhver fáránleg kind eða mannuxi eða? Er hann bara að dreyma eða er þetta svona fantasía um óuppgerða fortíð eða eitthvað? Hvernig sjáið þið töfravöndinn fyrir ykkur? Ég ímynda mér nokkrar grannar trjágreinar bundnar saman með drasl bandi og gras og lauf og mold og gamalt blóð og lord of the rings drasl. Töfrar, draumar, dýr, ætli það sé verið að vísa í einhvers konar shamanisma eða bara vítisengla og þannig? Skiptir þetta eldhús einhverju máli? Það er kannski bara til að setja menn í kunnuglega stemningu; eldhúsið um nótt, kannski bara ljósið í gufugleypinum, já og suðið í ísskáppnum; eitthvað svona beisikk sem við könnumst öll við. Það vantar samt alla díteila til þess að ég geti lifað mig inn í þetta; málar ekki neina sérstaka mynd í huga mér. Ég skil alla veganna ekki neitt í þessu og efast um að það séu einhver voðalega merkileg skilaboð eða meiningar í þessu. Og þetta með hótel Borg meikar ekkert sens; einhver pínu bjánahúmors stemning sem truflar bara hræðslu dæmið sem kemur svo á eftir. Og óþarflega mellódramatískar lýsingar, uppskrúfað ljóðrænt drasl, ég meina þá sérstaklega “...soga sál úr sofandi, sársauki, martröð lekur, grátt svart fjólublátt hratt skil ekki og vont.” Frekar glatað. Æ ég held að þessi texti virki ekkert sérstaklega vel. Innbyrðis ójafn, manni er alveg sama um allt í textanum, ruglingslegt þema (ok séns að töfravöndurinn eigi að vera verkfærið og eða furða en það er svo lítill fókus á nokkuð að já æ ég veit ekki. Mér finnst að þú eigir að skrifa eitthvað annað, eitthvað nýtt, ég veit að þú getur gert miklu sniðugri texta en þetta. Gangi þér vel og þakka samstarfið :)

-

Að mínu mati er þessi gagnrýni í lélegri kantinum. Röð af spurningum og vanhugsuðum “úrbóta”hugmyndum sem bæta í raun engu við og fá mann frekar til þess að efast um hug og heillindi gagnrýnishöfundarins. Tónninn er svo fráhrindandi að þó að höfundurinn spyrji og og biðji mann um að ímynda sér hitt og þetta þá tekst manni ekki að kreista úr sér hinn minnsta samstarfsvilja; nei, ég ætla ekki að ímynda mér neitt og dettur ekki í hug að svara nokkurri spurningu sem þú kannt að hafa. Gagnrýnandinn opinberar vitsmunalega leti sína sí og æ með yfirlýsingum á borð við - “Ég skil alla veganna ekki neitt í þessu og efast um að það séu einhver voðalega merkileg skilaboð eða meiningar í þessu.” Gagnrýnandinn segir margt en fæst af því er með góðu móti hægt að nýta sér á einhvern uppbyggilegan hátt. Hann talar niður, neikvætt, bara vandamál, engar lausnir eða dæmi, og endar á passíf-aggressífri “jákvæðni. Ég er ekki viss um að gagnrýnandinn geti gert mikið sniðugri texta en þetta.

-

Meta-gagnrýnandinn gerir sitt besta til að vera málefnalegur en notar í raun allan textann sinn til þess að rista ein skýr skilaboð í huga lesandans - “Gagnrýnandinn er ömurlegur fáviti.”  Enn og aftur mistekst gagnrýnanda að vera hjálplegur viðfangsefni sínu. Verum betri, gefum sénsa, ekki gera ráð fyrir því að höfundur sé illviljaður og eða þroskaskertur. Leggjum það á okkur að lifa okkur inn í sjónarhorn hvors annars, setjum okkur inn í framandi hugarheima, rannsökum, spyrjum, hugsum og föðmumst í heilanum.