台灣教師聯盟第217期通報
2010年12月~2011年1月
➨12月初3 Koeh Iàn-lîm秘書長佇台大集思會議中心蘇格拉底廳，由台教會所舉辦ê回顧台灣社運20週年研討會發表台灣主體性教育之建構與台灣教師聯盟論文。整個研討會ê焦點是sessonＩ獨運，其中siöng重要ê論文是施正鋒教授所發表ê由社會運動到台獨運動--台獨聯盟遷台20年回顧。施正鋒教授文中點岀一寡台獨聯盟發展ê困境，對台灣所謂ê本土社團有建議mä有批評。本底Koeh Iàn-lîm秘書長期待看著海內外台獨社團發表論文，但是看suah sessonＩ獨運，有淡薄仔失望。
海外咱掠日本、世台會kap FAPA為例，日本目前專門teh sak台獨ê團體是在日台湾留学生聯誼会，一個月發行一期台生報，靈魂人物是連根藤；世台會是1974年佇Österreich ê Wien成立，每一年佇世界各國召開世台會年會，發表台灣國是聲明；1982年FAPA佇米國Los Angeles成立，成立目的是促進世界各國支持台灣kap促進台灣和平。
台灣本國社團政黨部分，台教會kap消失中ê建國黨、南方快報、台灣基督長老教會lóng是真重要ê獨派組織，本次研討會除了主辦單位台教會無法度校長兼撞鐘以外，台灣本國獨派社團組織探討完全lóng無，tse是真大ê欠點。
論真講，台教會選擇20週年回顧mä真有意義，2012年是咱聯盟創立20週年紀念，咱20年ê成績如何交乎台灣國民評審，當假華獨派teh幫中華民國殖民政府慶祝冥誕100年，獨派建國同志應該積極打拚，建立台灣主權國家為唯一目標，目標無達成，咱無歇睏ê空間kap理由。
➨12月11Koeh Iàn-lîm老師去山腳教會週末兒童營講Barclay牧師ê故事，小朋友有30 thóng。可能是國小小朋友毋bat聽過Barclay牧師，加上Barclay牧師無來過苑裡，所以囝仔ê反應真冷淡。
➨12月22 Koeh Iàn-lîm秘書長佇苗栗縣山腳國小舉辦Hatta Yoichi圖畫冊研習會，本底Koeh Iàn-lîm老師佇話頭部份beh借用國史館票選民國百人新聞舉例說明，研習會書面資料囥佇工友桌頂，教務主任陳明助看著資料ê「中華民國建府百年人物vs二二八台灣神」非常緊張，緊kä校長宋銘豐報告。宋校長sûi約談Koeh Iàn-lîm老師，表示這陣國史館事件真敏感，希望Koeh Iàn-lîm老師mài平地起風波，這部分mài講，再三拜託拜託。Koeh Iàn-lîm老師看校長誠懇拜託，孤不而終答應。An tsia看出，台灣主體性教育ê建構最大ê阻力是中華民國教育人員，佇中華民國教育體制bè-sài檢討中華民國殖民教育，所謂ê台灣主體性教育佇中華民國教育體制ài照in ê意識型態來做，bë-sài做超越中華民國教育體制ê台獨主體性教育。山腳國小教務主任陳明助對台灣主體性教育真細膩看待，處理手法真幼路，事後Koeh Iàn-lîm老師向山腳國小教務主任陳明助king-thé講中華民國教育「霸凌」台灣主體性教育，教務主任陳明助無奈苦笑看待。
Koeh Iàn-lîm秘書長邀請Sakai Tōru參加Hatta Yoichi圖畫冊研習會，針對國史館百年人物新聞，伊表示台灣獨派人物觀點錯誤，不管是ROC iah是PRC lóng是中華民國，所以林滿紅觀點是正確，因為hia ê人士lóng是中國人。台派ài抗議應該是內底bë-sài有1952年前台灣人，因為hiàng時中華民國並無包括台灣。
➨12月20台灣公報社總編輯方嵐亭牧師請四百撃影像製作公司楊齊永先生來山腳國小beh製作Koeh Iàn-lîm秘書長推sak台灣主體性教育ê DVD，看Koeh Iàn-lîm秘書長如何上社團自由讀報社；23號佇山腳國小日本宿舍二度接受訪談；2011年1月初2佇台南新豐教會採訪Koeh Iàn-lîm老師做主日禮拜情形，下晝地點súa去府城舊冊店kap巴克禮紀念公園；1月初8去山腳教會採訪Koeh Iàn-lîm老師教週末兒童營樂樂棒球上課情形；1月初9佇山腳教會採訪Koeh Iàn-lîm老師做主日禮拜情形，並邀請吳家如小朋友以大埔腔客語朗讀台語故事圖畫冊。等DVD製作好適，Koeh Iàn-lîm秘書長會留存幾份佇辦公室。
➨2011年1月初5，Koeh Iàn-lîm秘書長佇苗栗縣山腳國小舉辦台語文教材教法研習會，指導老師利用電腦來phah台灣羅馬字。
➨1月初8立法院三讀通過國中小教師人員ài佇2012 khioh稅，咱聯盟表示支持。18％制度ê部分，社會各界普遍認為爭議太大，咱聯盟認為政府有必要召開公聽會，看社會反應如何再做決策。
➨1月12（三）台灣國家聯盟年終記者會在台大校友會館召開，由姚嘉文前院長主持，溫校長亦應邀參加。記者會中對ＥＣＦＡ實施後對於台灣政治經濟的衝擊、１８趴的反改革、民進黨總統提名政策、一顆子彈的效應等等多所論述。溫理事長公開表示，支持社會公平正義，反對18趴，籲請政府照顧民間弱勢，本土社團應公開支持富有台獨理念的人當選立委和總統，立委過半和總統當選一樣重要。同時溫校長進一步指出，立委過半立即修改公投法，總統指示行政院提出公投法修正案，那麼台灣由公投產生新國家比較容易受到國際支持，是則台灣新國家的產生便指日可待。
➨1月12、13是苗栗縣山腳國小第三次考試，Koeh Iàn-lîm老師利用出華語科考卷ê機會，佇閱讀測驗考鳥居信平kap海豬ê故事，不過六年級ê閱讀測驗原本是考台灣山貓，因為文章liô-liô仔批評苗栗縣政府開山路會影響山貓，苗栗縣聯合社ê黃小姐無經過Koeh Iàn-lîm老師ê同意換掉，改考中國意識ê文章。Koeh Iàn-lîm老師phah電話向聯合社抗議，表達in無尊重教師專業。
➨1月14Koeh Iàn-lîm秘書長聯合山腳國小4年級考台語文考卷，本底台語成績beh hē入第三次月考成績計算，但因為教客語ê老師表達伊ê能力無夠額岀客語考卷，所以台語分數無法度hē入第三次月考成績計算。Koeh Iàn-lîm秘書長再三思考，原在會乎學校知影筆試ê成績，思考本土語言筆試所tú著ê問題。
➨1月16（日）「與史明老師一起吃尾牙」，一群台灣獨立建國行動者頂著８℃的刺骨寒風細雨，在立法院門口熱烈展開。本聯盟捐助六千元，溫理事長捐助四千湊足一萬，響應活動。當夜計有李良吉、黃平山、張禎賢老師共襄盛舉。溫理事長致詞說，用這種吃米粉、喝麻油雞湯的尾牙方式別具台灣風味，尤其追隨史明老師，發揚台灣獨立建國的革命精神更有意義。整個活動由李川信前理事長主持，張瓊文理事和黃若淇秘書並當場叫賣本聯盟出版的記事本。
➨1月16（日）環保聯盟感恩餐會於台北市天成飯店舉辦，吳前理事長代表本聯盟參加。環保聯盟為本聯盟友好團體，他們多年為台灣美好環境、為我們後代子孫，奮戰不懈。而吳前理事長麗慧老師長年跋涉山崗與海濱、立院與街頭，為美麗家園請命或抗議，亦值得敬佩與肯定。
➨1月19苗栗縣山腳國小召開校務會議，Koeh Iàn-lîm秘書長擔任衛生組長，校長規定ài寫工作報告，Koeh Iàn-lîm老師以台文書寫。
➨Koeh Iàn-lîm秘書長本學期擔任苗栗縣台語輔導團小組成員，縣教育處有來公文表示台語輔導團小組共同禮拜二下晝無排課。10月初5早時Koeh Iàn-lîm老師參加苗栗縣台語輔導團團務會議，校長批示公假，教務主任陳明助老師表示主計主任許翠姬(兼苑裡國小主計)反應既然縣教育處已經要求學校佇拜二下晝無排課，理論上台語輔導團團務會議時間ài排佇拜二下晝，但若毋是拜二下晝時間，Koeh Iàn-lîm老師必須ài處理代課費，學校無法度支出。Koeh Iàn-lîm phah電話向苗栗縣台語輔導團中心學校後龍鎮中和國小劉興欽校長請教，劉校長表示台語輔導團成員老師參加輔導團會議iah是研習，一般lóng是學校ài岀代課費，Koeh Iàn-lîm老師ê例真罕見，伊會向山腳國小宋銘豐校長溝通。1月初10，Koeh Iàn-lîm老師向宋銘豐校長反應代課費ê問題，宋校長表示希望Koeh Iàn-lîm老師向苗栗縣台語輔導團反應苗栗縣台語輔導團所安排ê會議iah是研習盡量透過每禮拜二下晝辦理，迴避代課費ê問題。
1月12劉興欽校長表示伊有請教許翠姬主計主任，許主任向劉興欽校長表示因為無看著Koeh Iàn-lîm老師假單所ka ê縣府公差假指示，所以無法度批代課費，但苑裡國小mä有二位台語輔導團老師，in申請參加台語輔導團所安排ê會議iah研習有附縣府公差假指示，所以代課費ok。劉校長暗示是毋是山腳國小陳明助教務主任抽掉縣府公差假指示，所以主計許主任tsiah無法度核准代課費。Koeh Iàn-lîm老師請劉校長代為處理，劉校長表示希望Koeh Iàn-lîm老師好禮仔kap宋校長kap陳明助主任參詳。Koeh Iàn-lîm老師向劉校長表示，既然大家無才調處理代課費，會將這件代誌紀錄，投稿乎台語文教學季刊，乎濟濟台語文賢拜了解問題岀佇tah。劉校長表示伊會積極繼續向宋校長溝通。
➨台北縣澳底國小首頁，從2011年開始將屬於台灣的重要日子都放置在行事曆上。http://www.auti.tpc.edu.tw/，建議任行政職的盟員可參考辦理。