NORMAS DA CLASE DE EDUCACIÓN FÍSICA

Estimados Pais/Nais:

        Ao comezar este novo curso escolar, dirixímonos a vostedes co rogo de que sigan as seguintes instrucións que, sen dúbida, redundarán no beneficio dos seus fillos/as:

• O calzado na clase de Educación Física debe ser distinto do que trae posto de casa. Polo tanto, o día que teña E.F. (2 días á semana____________ e__________ ), o alumno deberá traer calzado deportivo limpo, para cambiarse no colexio.

Este calzado deberá estar sempre limpo, non é necesario que sexa novo. Co calzado sucio non se poderán realizar as sesións de Educación Física no ximnasio ou pavillón.

Unha vez que cheguen a casa, as zapatillas de deporte deben poñerse a ventilar e non deixalas na bolsa.

Este calzado non será utilizado no centro noutros momentos ou actividades.

• A roupa: deberán tarer roupa axeitada para a clase de Educación Física (chándal ou pantalón curto, sempre que tape os xeonllos, ou mallas e camiseta, que se poidan manchar, xa que o chan do pavillón pode soltar algo de tinte). É o máis cómodo, permite moverse mellor e non se estraga a roupa.

• Aseo: O alumnado debe lavarse tódolos días despois da clase de E.F.

Ao final da sesión accederán aos vestiarios para lavar as mans e a cara e de ser necesario, facer o cambio da camiseta suada.

Para elo precisarán traer na súa bolsa de aseo o seguinte material:

• Toalla pequena.
• Un bote pequeno de xel ou xabrón líquido
• Unha camiseta e calcetíns de reposto (Non é obrigatorio, pero si é recomendable, que fagan este cambio de camiseta e calcetíns).

• Os/as alumnos/as que teñan pelo longo, deben suxeitalo cunha cinta ou goma elástica (evitar subxeccións metálicas ou duras), para evitar perigos de que se lles enganche ou se lastimen ao realizar as distintas actividades.

• Enfermidades ou lesións: Deberase avisar ao profesor/a no caso dalgunha enfermidade, lesión permanente ou operación importante (Cumprimentar a folla anexa que se entregou no seu momento).

No caso de enfermidade ou lesión temporal deberase traer un xustificante ou nota do médico indicando o tempo de duración e a gravidade da mesma, así como avisar do momento da incorporación normal.

• Por motivos hixiénicos e de saúde e para evitar contaxios, cada neno/a deberá de traer a súa botella de auga da casa co seu nome posto.

Grazas pola súa colaboración. O profesor de Educación Física