MOCIÓN que presenta o concelleiro /voceiro do grupo de C@urel vivo – PDDdG , Óscar Carrete Lage, diante do Concello –Pleno de Folgoso do Courel pola rehabilitación enerxética de construcións con máis de 50 anos.

EXPOSICIÓN DE MOTIVOS

1. O noso Concello é carente de  persoas e excedente de construcións en ruínas.
2. Tratase, na maioría de construcións  antigas e construídas coa técnica de Pedra en Seco. Técnica galardoada pola UNESCO como Ben inmaterial, pero que se caen a docenas, cada ano que pasa.
3. A Xunta de Galicia e o Goberno de España,  tódolos anos invisten Millóns de  € en rehabilitar barrios de cidades, mentres no rural apenas invisten.

No Courel, tería moi boa acollida un Convenio de rehabilitación similar a outros que se levaron a cabo en lugares como Lugo, Mondoñedo, Ferrol, Barcelona ( ó que se puidese acoller quen desexase ) firmado có Ministerio e a Consellería  a un 70%;  e o propietario que teña que pagar un 30% .

En algún caso o Concello tamén podería afrontar ese 30%, sempre e cando esa vivenda fose re-alugada durante 20 - 30 anos, polo Concello; a prezos baixos para atraer xente nova.

Poderíase contemplar a liña de axudas que xa hai para rehabilitación enerxética, ou calquera outra que poida ter cabida.

Non cabe dúbida que dito Convenio, daría un gran impulso ó noso Concello. Crearía postos de traballo na rehabilitación, serviría para crear vivenda Social e atraer xente moza.

 Tamén sería un claro exemplo de aposta polo rural da administración que se implicase.

Por todo o anterior, proponse o seguinte  ACORDO:

1. Solicitarlle á Consellería de Medio Ambiente, Territorio e Vivenda e ó Ministerio de Fomento un convenio de actuación , como o citado anteriormente , no Courel.

2.  Que desde o Concello, se cree unha comisión, entre os tres grupos políticos,  para tratar o tema das construcións con risco de caída e as posibles actuacións a realizar para mellorar as edificacións.

En Folgoso do Courel , a 20 de  Febreiro de 2019                        Asdo:      Óscar Carrete Lage