Na parte final deste documento engadiuse un apartado de dúbidas frecuentes que foron obxecto de consulta. Se despois de ler estas instrucións tes algunha dúbida, consulta ese anexo

INSTRUCIÓNS CURSO 2020-21

PREMATRÍCULA  3ºESO

1.- O documento de PREMATRÍCULA, ao que se pode acceder nesta ligazón, non implica a matrícula directa no curso de 3º de ESO. O alumnado que vaia cursar 3º de ESO no curso académico 20-21  deberá formalizar a súa matrícula na forma e prazo que se comunicará mediante a web do cento e abalarmobil. A función da prematrícula é contribuír á mellor organización do curso 20 - 21 en base aos datos facilitados polo alumnado/familias.

2.- No documento de prematrícula o alumnado debe escoller entre as seguintes opcións:

2.1.- Opción de matrícula: bilingüe ou non bilingüe. Debe marcarse a opción bilingüe no caso de que a alumna/o cursase a sección bilingüe no IES de MOS o curso 19 - 20. De non ser así, debe marcar a opción non bilingüe. De producirse algunha baixa na sección bilingüe (tras solicitude da mesma mediante instancia), publicaríase esta praza para que a solicitase o alumnado interesado, e cubriríase en función do expediente académico das candidatas/os

2.2.- Troncais de opción: matemáticas académicas (orientadas ao Bacharelato) ou matemáticas aplicadas (orientadas á formación profesional)

2.3.- Materias específicas e opción: por unha banda escóllese entre 2ªLingua estranxeira (Francés)  e Cultura Clásica e, noutro apartado, entre relixión católica, valores éticos ou outra confesión relixiosa (no caso de marcar outra confesión débese marcar tamén unha das outras dúas opcións por se non se dan as condicións para ser impartida)

3.- Vías de comunicación dos datos do documento de reserva de opción de matrícula

Existen dúas posibilidades:

3.1.- OPCIÓN RECOMENDADA: O alumnado matriculado en 2º de ESO no curso 2019-20 poderá remitir un correo electrónico a ies.mos@edu.xunta.gal por este medio entregará o documento cuberto nun arquivo adxunto. Para facilitar o proceso o documento pdf que se pode descargar aquí ten campos editables onde poder engadir directamente os datos unha vez descargado.

        O prazo para o envío do correo electrónico remata o 29 de maio ás 14:00 horas. Prégase que no asunto do correo electrónico figure ‘Reserva opcións 3ºESO_Nome alumna/o.’ Desde o equipo directivo pregamos que o alumnado use esta modalidade de envío dos formularios se é posible.

3.2.- O alumnado matriculado en 2º de ESO no curso 2019-20 recibirá unha chamada telefónica no seu domicilio para recoller os datos do formulario referidos ás materias.

En calquera caso, con independencia da vía de comunicación de datos, é moi importante que o alumnado tome en serio o proceso de preselección de materias, atendendo ás súas capacidades e ás súas expectativas de cara ao curso. Asimesmo, a elección das materias optativas desta prematrícula deberá respectarse ao máximo no proceso da matrícula, os cambios no que respecta a optatividade deberán ser comunicados ao centro educativo.

4.- O IES de Mos agradece a colaboración do alumnado e das súas familias para levar a cabo este proceso nestas circunstancias tan complexas.

INSTRUCIÓNS CURSO 2020-21

RESERVA DE OPCIÓNS MATRÍCULA 4º DE ESO

1.- O documento de reserva de opcións de matrícula, ao que se pode acceder nesta ligazón, non implica nin a matrícula directa no curso de 4º de ESO nin que as materias específicas de opción (optativas) solicitadas poidan finalmente ofertarse.

2.- Con posterioridade á recompilación de datos mediante este documento de reserva de opcións de matrícula, e en función da demanda do alumnado e das posibilidades de oferta do centro ao abeiro das disposicións normativas vixentes, elaborarase un documento de matrícula propiamente dito coas materias optativas que se poderán cursar no curso 20-21.

3.- É moi importante que o alumnado marque as súas preferencias nas materias específicas de opción e de libre configuración (optativas) numerándoas segundo as instrucións sinaladas no impreso (enténdese que 1 sinala a maior preferencia).

4.- Vías de comunicación dos datos do documento de reserva de opción de matrícula

Existen dúas posibilidades:

4.1.- OPCIÓN RECOMENDADA: O alumnado matriculado en 3º de ESO no curso 2019-20 poderá remitir un correo electrónico a ies.mos@edu.xunta.gal por este medio entregará o documento cuberto nun arquivo adxunto. Para facilitar o proceso, o documento pdf que se pode descargar aquí ten campos editables onde poder engadir directamente os datos unha vez descargado.

        O prazo para o envío do correo electrónico remata o 29 de maio ás 14:00 horas.  Prégase que no asunto do correo electrónico figure ‘Reserva opcións 4ºESO_Nome alumna/o.’ Desde o equipo directivo pregamos que o alumnado use esta modalidade de envío dos formularios se é posible.

4.2.- O alumnado matriculado en 3º de ESO no curso 2019-20 recibirá unha chamada telefónica no seu domicilio para recoller os datos do formulario referidos ás materias.

         En calquera caso, con independencia da vía de comunicación de datos, é moi importante que o alumnado tome en serio o proceso de preselección de materias, atendendo ás súas capacidades e ás súas expectativas de cara ao curso e ao seu futuro académico

5.- O IES de Mos agradece a colaboración do alumnado e das súas familias para levar a cabo este proceso nestas circunstancias tan complexas.

ANEXO. DÚBIDAS FRECUENTES

· Que diferenza hai entre un impreso de prematrícula (3º ESO) e un de reserva de opcións (4º ESO): A prematrícula é un documento que recolle as posibilidades de matrícula dun xeito máis próximo á oferta final, dado que non se prevén cambios substanciais con respecto á matrícula. Así, o impreso de prematrícula podería ser usado para a matrícula da alumna/o. Pola contra, o impreso de reserva de opcións reflicte unha situación máis aberta, no sentido de que algunhas das materias optativas que nel aparecen poden  non aparecer no impreso final por baixa demanda do alumnado ou por non ser posible que sexan impartidas por outros motivos. Así, o impreso de reserva de opcións é a base dun futuro impreso de matrícula con menos materias optativas (de aí que sexa tan importante que o alumnado numere as materias optativas onde así se indique).

· O documento non permite engadir a sinatura e a data: Eses campos non están habilitados no PDF porque a identidade se verifica coa copia do DNI, por iso podes enviar o impreso de reserva de opcións sen necesidade de asinalo.

· Impartiranse todas as materias optativas que se ofrecen no impreso? Non. Para poder ofrecer as materias necesítase un número mínimo de alumnado e outras condicións como existencia de profesorado no centro que poda asumir a súa docencia. Por iso, con posterioridade a este documento de reserva de opcións sairá un de matrícula no que figurarán soamente as materias que se impartirán.

· Xa estou matriculada/o cubrindo este impreso? Non. O proceso de matrícula abrirase máis adiante e será comunicado polas vías oportunas: web do centro, abalarmobil, etc…

· Como sei que o correo electrónico co meu impreso foi recibido? Recibirás unha resposta conforme se recibiu. Dado o volume de correos electrónicos por este e outros motivos que se reciben no centro, é importante que, se non recibes resposta en 48 horas, envíes un novo mail sinalando que enviaches o impreso e non recibiches resposta.