17.11.2020

Bitsboard Flash Cards nemendakerfi

leiðbeiningar og upplýsingar til skólastjóra og kennara

Leiðbeiningar til kennara má finna aftast í þessu skjali

Bitsboard nýtir skýjaþjónustu Amazon og vistar öll gögn á þeirra vefþjónum í USA. Gögnin sem eru vistuð þar eru innskráningarupplýsingar um nemendur og framvinda þeirra í námsleikjum kerfisins. Það er mikilvægt að halda öllum persónuupplýsingum nemenda utan við kerfið.

Kennarar geta stofnað sinn aðgang með nafni og netfangi en stofna nemenda aðganga undir dulnefni t.d. 1. bekkur jb. Mikilvægt er að nemendur nýti kerfið nafnlaust og án innskráningar þrátt fyrir að það geti gert ferlið flóknara að fylgjast með framvindu nemenda.

Hægt að stofna notendur í kerfinu á tvo vegu

• Með nafni og netfangi

• netfangi mögulega bætt á póstlista fyrirtækis og viðkomandi sendar upplýsingar
• nemandi getur skráð sig inn á sinn aðgang óháður kennaraaðgangi

• Með nafni

• kennarinn þarf að vera innskráður á tækið þannig að nemandi geti notað hugbúnaðinn

Einnig er hægt að hafa slökkt á “Cloud Sync” en þá vistast engin gögn. Ef ekki á að nýta kerfið sem matstæki eða við vinnslu með skilaskyld gögn er mælst til að slökkt sé á “Cloud Sync”.

Hvaða gögnum er safnað og vistuð

• skrár sem notandi hleður upp
• skrár sem notandi hleður niður
• skrár sem notandi fer inn á

Notandi (kennari í flestum tilvikum) útbýr “borð” með spjöldum með mynd, hljóði og orðum. Óheimilt er að nota persónuupplýsingar nemenda í slík borð. Notandi velur hvort “borðunum” er deilt opinberlega eða aðeins innan ákveðins notandahóps. Nemandi vinnur verkefni í kerfinu og framvinda hans vistast. Kennarar skulu ekki deila “borðum” með persónuupplýsingum nemenda á opinber svæði innan kerfisins.

Hér á eftir kemur yfirlit yfir hvernig unnið er með upplýsingar í kerfinu. Vakin er athygli á því að fara þarf varlega með skráningu upplýsinga inn í kerfið þar sem úrvinnsla þeirra getur verið margvísleg.

Hvernig eru upplýsingarnar notaðar

• eingöngu fyrir aðgengi notanda að hugbúnaðinum
• netfang:

• getur verið nýtt til að bæta/auka þjónustu við notanda
• til að stýra notkun notanda
• til þarfagreiningar notanda
• til að aðlaga og bæta upplifun notanda
• til að senda upplýsingar um uppfærslur og tilkynningar

Hver hefur aðgengi að upplýsingunum

• aðeins fyrirtækið hefur aðgengi að notandaupplýsingum
• allir notendur hugbúnaðarins hafa aðgengi að atriðum sem hafa verið gerð opinber (deilt á opin svæði) og hafa skal í huga að þær geta dreifst mjög hratt innan kerfisins

Breyting og eyðing gagna

• notandi getur eytt út gögnum hvenær sem er
• fyrirtækið heldur utan um notandaupplýsingar á virkum notandaaðgangi
• notandi getur eytt aðgangi sínum

• fyrirtækið heldur eftir notandaupplýsingum til að uppfylla lagalegar skyldur, til að greiða úr deilum og til að uppfylla notendasamning
• reynt verður að eyða notenda upplýsingum að beiðni notanda, það getur orðið bið á því og ekki er hægt að tryggja að öllum notandaupplýsingum verði eytt
• sameignarskrám notenda verður ekki eytt úr kerfinu

Rakning gagna

Rakning gagna er valkvæð. Mögulegt er að nýta kerfið án innskráningar nemenda. Ef slökkt er á “Cloud Sync” vistast engin gögn. Kennari stýrir því hvort og hvernig nemendur eru skráðir inn í kerfið.  

Bitsboard Pro Flashcard nemendakerfi

Leiðbeiningar til kennara

Kennaraaðgangur: stofna með nafni og netfangi

Nemendaaðgangur:  stofna undir dulnefni t.d. 1. bekkur jb.

Mælst er til að kennarar stofni notandaaðgang/bekkjaraðgang á eftirfarandi hátt:

1. Stofnaðu notandaaðgang á hverjum bekkjar-iPad.
2. Ekki nota nafn nemanda þegar þú stofnar aðganginn, notaðu dulnefni. T.d. 1. bekkur jb

Stofnaðu því næst bekk í kerfinu og bættu nemandanum við bekkinn. Þá munu öll “borð” bætast beint inn á notandaaðgang hans.  Ef ekki á að nýta kerfið sem matstæki skal slökkva á “Cloud Sync”.

Sérstaklega skal hafa í huga að fyrirtækið getur ekki tryggt að notenda upplýsingum og gögnum sem hefur verið deilt opinberlega verði eytt, þó að notandaaðgangi verið eytt. Það er því alfarið óheimilt að deila opinberlega gögnum sem innihalda persónuupplýsingar (nöfn, myndir, hljóð og aðrar upplýsingar) nemenda innan Bitsboard lærdómssamfélagsins.

Með því að gera atriði innan hugbúnaðarins opinber ert þú að afsala þér höfundarrétti mynd- og hljóðskráa og gefa öðrum opið leyfi til að nýta þær í sínum verkefnum á þeirra svæðum innan hugbúnaðarins.  

Þegar atriði innan hugbúnaðarins eru gerð opinber verður að ganga úr skugga um eftirfarandi:

• að nota engar persónugreinanlegar mynd- eða hljóðskrár af nemendum
• að eignarhald mynd- og hljóðskráa sé í eigu viðkomandi notanda/stofnunar

Ath. Ekki er leyfilegt að sækja myndir úr hugbúnaðinum og nota í öðrum verkefnum. 

Ef þú hefur spurningar eða athugasemdir vinsamlegast sendu póst á mixtura@reykjavik.is.