PLE e enquisa interna TIC na Cachada 2022

PLE e enquisa interna TIC na Cachada 2022_23

En marzo do 2023 presentamos unha enquisa ó Claustro para facer unha diagnose moi cualitativa da nosa competencia dixital e valoración do PLE xeral do profesorado da Cachada. Participaron 20 das 28 compañeiras, e estes son os resultados.

A primeira sección de preguntas dá conta do emprego das ferramentas TIC na aula

Interactúas co EDI/panel dixital de maneira consistente aproveitando as súas utilidades (subliñador, rotafolios)?

Está a túa aula virtual actualizada e presenta unha organización clara e intuitiva?

Empregas recursos en liña para fomentar o traballo colaborativo (foros, Padlet) e consolidar os contidos (Quizlet)?

Empregas recursos TIC axeitados e pertinentes ó tema que contribúen ó logro dos obxectivos de aprendizaxe?

Aproveitas as TIC para ofrecer actividades en distintos soportes (visual, auditivo) atendendo á diversidade na aula?

Creas os teus propios materiais adaptados ás necesidades do teu alumnado?

Dás información con consignas claras sobre o manexo dos recursos e ferramentas ó alumnado fomentando a autonomía?

Sintes que o teu alumnado está familiarizado/a coa aula virtual como ferramenta de cabeceira?

Sintes que o teu alumnado está máis motivado/a grazas ós recursos dixitais que empregas?

Cales dirías que son os recursos dixitais que MÁIS motivan ó teu alumnado?

Recursos interactivos e grupais, como un kahoot por exemplo
Deseño 3D, ChatGPT, programas de simulación, canvas, podcast, Kahoots, Google classroom (comunicación), presentacións
Recursos audiovisuais
Non destaco ningún. Todos motivan ao alumnado cando non son empregados en exceso e se selecciona o momento de uso na aula
Cobos tipo reto
Presentacións
Vídeos
As probas de moodle de uso ilimitado para practicar
Actividades interactivas e de escoita e cuestionarios
A búsqueda de información no seu mobil, a gamificación relacionada cos contidos
Non o sei
Redes sociais
Kahoots, aplicacións de contador de tempo para aplicar técnicas de gamificación e recursos audiovisuais como vídeos
Xogos como Kahoot ou Quizziz
Aqueles que impliquen usar o móbil na aula
Creo que as que máis os motivan non son as de máis rendemento pedagóxico. En xeral, o que lles interesa é xogar, e non reparan en que exista retorno do aprendido.

Cales dirías que son os recursos dixitais que MENOS motivan ó teu alumnado?

Os recursos mais pasivos como vídeos
Procesadores de texto e folla de cálculo
Os foros
A aula virtual, xa que está desfasada, é pouco práctica e intuitiva. A interface, pese a tela personalizada, non resulta atractiva para o alumnado
Ficheiros tipo apuntes colgados na aula virtual
Cuestionarios en liña
Tutoriais
As actividades de gramática e vocabulario de libro dixital
Os vídeos moi longos, non máis de 10 minutos.
Moitos prefiren facer á man os traballos cando teñen a opción de entregalos pola aula virtual
A aula virtual
Apuntamentos en pdf nunha aula virtual terrible como o é Moodle

O segundo bloque de preguntas ten que ver co Espazo Persoal de Aprendizaxe (PLE): conxunto de ferramentas, fontes de información, conexións e actividades que cada persoa utiliza habitualmente para aprender.

Grazas á tecnoloxía, temos acceso a un sinfín de repositorios de información, materiais, aplicacións e comunidades dixitais. O reto actual é identificar cales son realmente útiles para nós, cales son fontes de información fiables, con que ferramentas nos sentimos cómodas traballando e cales comunidades nos proporcionan valor para seguir aprendendo.

Seleccionar estes elementos, concentralos e organizalos nunha mesma imaxe ou documento, pode ser moi útil para ter en conta todos os recursos que persoalmente nos funcionan e mellorar o noso proceso de aprendizaxe.

Para facer a enquisa baseámonos nesta proposta de @appsparaprofes, Andrea Oviedo: