CIP ELIZONDO LANBIDE ESKOLA IIP

2022/2023 Ikasturtean berrikusia

AURKIBIDEA

1. AITZIN SOLASA        4

3. IKASLEEN ESKUBIDE ETA EGINBEHARREN PRINTZIPIO OROKORRAK.        7

4. IKASLEEN ESKUBIDEAK.        7

5. IKASLEEN EGINBEHARRAK.        8

6. FAMILIEN INPLIKAZIOA ETA KONPROMISOA.        8

7. ELKARBIZITZA-ARAUAK.        8

7.1. Ikastetxeko arauak.        9

7.2. Gelako arauak.        14

7.3. Elkarbizitza arauak betetzeko orientabideak.        14

7.4. Irakasleriarentzat funtzionamendu arauak.        16

8. IKASLERIAREN ELKARBIZITZA ARAUDIA.        18

8.1. Aplikazio eremua.        18

8.2. Prebentzio neurriak.        18

8.3. Elkarbizitzaren aurkako portaeretan hezkuntza neurriak aplikatzeko irizpideak.        21

8.4. Eskolako bitartekaritza.        22

8.5. Elkarbizitzaren aurkako jokaerak.        23

8.5.1. Elkarbizitzaren aurkako jokaerak izan ondoren hartu beharreko neurri hezitzaileak.        25

8.6. Elkarbizitzarako bereziki kaltegarriak diren jokaerak.        25

8.6.1. Elkarbizitzaren aurkako jokaerak izan ondoren hartu beharreko neurri hezitzaileak.        28

8.6.2. Inguruabar aringarri eta astungarriak.        28

8.6.3. Elkarbizitzarako bereziki kaltegarriak diren portaeretan hezkuntza neurriak aplikatzeko ohiko prozedura.        29

8.6.4. Alegazioak aurkezten diren kasuetan, ohiko prozeduraren tramitazioaren jarraipena eta prozeduraren ebazpena.        31

8.6.5. Erreklamazioak.        32

8.6.6. Prozedura adostua.        32

8.7. Elkarbizitzarako konpromisoak.        33

9. IKASLEAK ESKOLARA EZ JOATEKO TALDEKA HARTUTAKO ERABAKIAK. GREBAK, GELDIALDIAK…        34

10. IKASLERIAREN ANTOLAKUNTZA.        35

10.1 Klaseko ordezkarien eginkizunak.        35

10.2 Klaseko ordezkariak noiz eta nola hautatu.        35

10.3. Ordezkarien batzarra.        36

10.4. Ikasleen elkarteak.        37

10.5. Ikasleen bilkurak eskolan.        37

11. ELKARBIZITZAREN BATZORDEA.        37

12. ELKARBIZITZAREN IRAKASLE ARDURADUNA.        38

1. AITZIN SOLASA

     Elkarren ondoan bizitzen irakastea eta ikastea, elkarrekin bizitzen ikastea, hezkuntzaren helburu funtsezkoenetako bat izateaz gainera, egungo hezkuntza sistemen eginkizun nagusietako bat da. Ikaskuntza hori baliotsua da berez, eta ezinbestekoa, gizarte demokratikoa, solidarioa, kohesionatua, kritikoa eta baketsua sendotu nahi badugu.

2. OINARRIZKO ARAUDIA

         Elkarbizitza araudi hau osatzeko kontuan hartu den legedia:

1. 47/2010 FORU DEKRETUA, abuztuaren 23koa, Nafarroako Foru Komunitateko unibertsitateaz kanpoko ikastetxe publiko eta pribatu itunduetako ikasleen eskubide eta eginbeharrei eta ikastetxe horietako elkarbizitzari buruzkoa. (Uztailaren 20ko 57/2014 Foru Dekretuak aldatua).

2.  204/2010 FORU AGINDUA, abenduaren 16koa, Hezkuntzako kontseilariak emana, Nafarroako Foru Komunitateko unibertsitatez kanpoko ikastetxe publikoetako eta pribatu itunduetako bizikidetza arautzen duena.

3. IKASLEEN ESKUBIDE ETA EGINBEHARREN PRINTZIPIO OROKORRAK.

1. Ikasle guztiek eskubide eta eginbehar berberak dituzte. Ezberdintasun bakarrak adinaren araberako zehaztapen batzuk izanen dira.
2. Eskolatze-aldian, ikaslea bere eginbeharrez arduratuko da, erantzukizunez, eta bere eskubideak ezagutu eta erabiltzeko orduan, beste pertsonak errespetatu beharko ditu.
3. Espainiako Konstituzioan eta Nafarroako Foru Eraentza Berrezarri eta Hobetzeari buruzko abuztuaren 10eko 13/1 982 Lege Organikoan ezarritako balio eta printzipioetan hezteko, ikasleek arau horiek ezagutzeko eskubidea eta errespetatzeko beharra dute.
4. Eskubide bat erabiltzeak, banaka edo taldeka, berarekin dakar besteen eskubideak errespetatu beharra.
5. Ikastetxeko zuzendaritzak, irakasleek eta eskola elkarteko gainerako kideek bermatu behar dute eskubide eta eginbehar horiek testuinguru egokian erabiltzen direla.

4. IKASLEEN ESKUBIDEAK.

47/2010 Foru Dekretuaren 4. artikuluan zehazten diren eskubideak:

1. Funtsezko eskubide eta askatasunen errespetuan eta elkarbizitzaren printzipio demokratikoetan oinarritutako prestakuntza jasotzeko eskubidea.
2. Osoko prestakuntza jasotzeko eskubidea, bere nortasuna erabat garatzen laguntzen duena.
3. Errespetatua izateko eskubidea. Ikasleek eskubidea dute beren nortasuna, osotasuna eta duintasun pertsonala errespetatua izateko, baita beren kontzientzia askatasuna eta beren sinesmen erlijioso eta moralak ere, eskubide horiek Nazio Batuen Biltzar Orokorrak 1948ko abenduaren 10ean hartutako 217 A (III) Ebazpenaren bidez onartu zen Giza Eskubideen Deklarazio Unibertsalean eta Espainiako Konstituzioan aitortuak baitaude.
4. Objektibotasunez baloratua izateko eskubidea. Ikasleek beren dedikazioa, ahalegina eta errendimendua objektibotasunez baloratuak izateko eskubidea dute.
5. Ikastetxeko bizitzan parte hartzeko eskubidea. Ikasle guztiek ikastetxeko bizitzan parte hartzeko eskubidea dute, dela banaka dela taldeka, ikastetxeak ezartzen dituen baldintzetan.
6. Denek aukera berdinak edukiz hezia izateko eta babes soziala izateko eskubidea. Ikasle guztiek babes sozialerako, aukera berdintasunerako eta hezkuntza eremuan sartzeko eskubidea dute, indarreko lege esparruaren barrenean.
7. Ikasle guztiek beren osasuna babesteko eta sustatzeko eskubidea dute.
8. Jasotzen den hezkuntzan, helburuen artean emakumezkoen eta gizonezkoen eskubideen eta aukeren berdintasuna sartzeko eskubidea.

5. IKASLEEN EGINBEHARRAK.

47/2010 Foru Dekretuaren 5. artikuluan zehazten diren eginbeharrak:

1. Ikastea, ikasleen oinarrizko eginbeharra baita.
2. Irakasleen eta zuzendaritza taldearen hezkuntza lana eta agintea errespetatzea eta eskola elkartekoak diren edo haren zerbitzura jarduten duten beste eragile batzuen oharrei kasu egitea.
3. Ikastetxeko elkarbizitza hobetzen eta, ikasgelan eta ikastetxean, ikasketetarako giro egokia lortzen parte hartzea eta modu positiboan laguntzea.
4. Pertsonak errespetatzea.
5. Ikastetxera behar bezala jantzita eta norberaren higienea zainduta joatea.
6. Ikastetxeko instalazioak, ekipamendua, altzariak eta materialak zaintzea eta egoki erabiltzea, hala nola ikastetxearen inguruetakoak eta eskola garraioetakoak.

1. 6. FAMILIEN INPLIKAZIOA ETA KONPROMISOA.

Beren seme-alaben hezkuntzaren arduradun nagusiak diren aldetik, gurasoei edo legezko ordezkariei dagokie behar diren neurriak hartzea, behar den laguntza eskatzea eta ikastetxeari laguntzea hezkuntza prozesua egoki joan dadin. Gainera, beren seme-alabak eskoletara eta programatzen diren jardueretara joatearen ardura izanen dute, eta baliabide guztiak jarriko dituzte etxean estudiatu eta irakasleek agintzen dituzten etxeko lan guztiak egin ditzaten.

Bere seme-alabei buruzko informazioa (notak, etorrera ...) eskuragai dute EDUCA programa informatikoan.

1. 0p7. ELKARBIZITZA-ARAUAK.

Ikasleen eskubide eta betebeharrak zertzen dituzte.

Elkarbizitza arauek jarrera erregulatzen laguntzen dute eta zehazki deskribatzen dituzte praktikan jarri beharreko ekintzak. Taldearen kohesioa, esfortzuen koordinazioa eta taldekako helburuak lortzen laguntzen dute.

Azken finean, Ikastetxearen helburu, betebehar eta Eskola Komunitatearen kide eta gauzekiko errespetua bermatzeko, denek bete beharreko aginduak, arauak, jokaera eta jarrera pautak dira elkarbizitza arauak.

Elkarbizitzarako ezinbertzekoak diren heinean, Eskola Komunitate osoak Ikastetxe eta gelako arauak ezagutu behar ditu. Beraz, jakitera eman behar dira bai arauak bai egon daitezkeen zuzenketak. Lan horretan garrantzizkoa da tutorea eta irakas taldearen lana, irakasleen koordinazioa eta Ikastetxeak familiekin duen harremana.

1. 7.1. Ikastetxeko arauak.

Ikastetxeko arau orokorrek eguneroko zereginak erregulatzen dituzte. Komunitate osoak onartu eta eskola eremu osoan nahi eta nahi ez bete behar dira.

Ikasturte hasieran Eskola Komunitate osoari jakinaraziko zaizkio: irakasle eta ez irakasleei ikasturte hasierako bileretan, ikasleei tutoretzako lehenengo saioetan eta familiei ikasturte hasierako taldeko bileretan.

Irakasle eta ez irakasleek arauak betetzea zainduko dute. Edozein arau-hauste elkarbizitzaren aurkako jokaeratzat hartuko da.

2. 7.2. Gelako arauak.

3.     Gelako arauak, gelako iragarki taulan jarriko dira. Ikasturte hasieran tutoreak familiari emanen dio araudi honen berri neurri zuzentzaileekin batera.
4. Ikastetxeko gela guztietan nahitaez bete beharreko arau hauetaz gain tutoreak edo irakasle taldeak proposatuta bertze batzuk ere gehitzen ahal dira.
5.   Irakasle taldeak eta tutoreak gelako arauak betetzen direla zainduko dute. Atsedenaldi aurretik klasea duen irakasleak gela giltzaz itxiko du bertan ikasleak ez gelditzeko. Era berean, eguneko azken klasea duenak aulkiak mahaien gainean jartzen dituztela eta gela txukun gelditzen dela egiaztatuko du.

4. 7.3. Elkarbizitza arauak betetzeko orientabideak.

7.4. Irakasleriarentzat funtzionamendu arauak.

6. 8. IKASLERIAREN ELKARBIZITZA ARAUDIA.

7. 8.1. Aplikazio eremua.

    Zuzendu beharreko jokaerak izanen dira elkarbizitzarako arauak urratzen dituztenak, Elkarbizitzaren Erregelamenduan jasoak badaude, eta betiere:

1. Eskola ordutegiaren eta eskola eremuaren barrenean jarduerak egin bitartean gertatzen badira.

2. Eskola eremutik edo ordutegitik kanpora gertatzen badira ere, ikasleen eginbeharren eta eskubideen urraketarekin zuzeneko harremana baldin badute. Kasu honetan Institututik esku-hartzea eginen da baldin eta ikasleak edota bere familiak horrela eskatzen badu.

3. Ikastetxeak antolatutako jarduera osagarriak edo eskolaz kanpoko jarduerak egin bitarte gertatzen badira.

4. Ikastetxeko zerbitzu osagarriak erabili bitarte gertatzen badira: eskola garraioa.

9. 8.2. Prebentzio neurriak.

10. 1. Ikastetxean elkarbizitzarako giro egokia sustatzea, eguneroko eginkizunetan integratutako berariazko jarduketa batzuen bidez. Helburu hau lortzeko honako ekintza hauek planteatzen dira:

1. A) Elkarbizitza arauak hezkuntza komunitateko kide guztien artean hedatzea, bereziki ikasleen artean, gela bakoitzeko iragarki taulan ikasturte hasieratik arauak jarriz eta hiru hiletik behin behintzat tutoretzan lan saio bat hartarako emanez.
2. B) Irakasleen zaintza lana.
3. D) Elkarbizitzako irakasle arduradunak, irakasle talde batek edo eta irakasleen klaustroak proposatuta antolatzen diren kultur egunak.
4. E) Modu orokorrean ikastetxean antolatzen diren jarduera osagarriak eta eskolaz kanpokoak.
5. F) Eredu ezberdinetako ikasleen eta hezkuntza-komunitatearen bizikidetza errazten duten neurri eta jarduerak egiten dira.
6. G) IKTen erabilera segurua bermatuko da IKTak lantzen diren ikasgaien bidez, Bizikidetzatik antolatutako ekintza eta jarduera desberdinen bidez eta OM taldeetan tutoretza saio batzuetan.

12. 2. Curriculum arloetako programazioetan behar diren edukiak eta trebetasunak garatzea, gizartean eta herritar gisa jarduteko gaitasuna eta norberaren autonomiarako eta ekimen pertsonalerako gaitasuna eskuratzen direla bermatzeko, hala nola balio demokratikoak eta pertsona guztien berdintasuna sustatzeko.

13. 3. Gatazkak elkarrizketaren bidez eta bake bidez konpontzeko ikaskuntza planifikatzea, ikasleak ezagutzaren bidez prestatuz, hala nola heziketa emozionala, balioetan oinarritutako hezkuntza eta trebetasun sozialak landuz.

14. 4. Elkarbizitzarako arauen kontrako portaerei aurrea hartzea, irakasleak eta Elkarbizitza Batzordeko kideak trebatuz eta arlo horretan dituzten eginkizunak eta jarduketak zehaztuz. Hartara prebentzio neurri hauek zehazten dira:

1. A) Elkarbizitza Plana eta Elkarbizitza Erregelamenduaren aurkezpen saioak, Orientatzailea zein irakasle tutoreen eskutik, OM 1. eta OM 2. mailako taldeetan lehenetsiz.
2. B) Ikastetxeetan elkarbizitzarekin zerikusi zuzena duten jasotako prestakuntza jardueren berri ematea eta parte hartzera gonbidatzea (elkarbizitza arduradunak eta Zuzendaritza Taldea).

16. 5. Ikastetxearen, familien eta prebentzio eta hezkuntza neurriak hartzeko eskumena duten erakunde publikoen arteko koordinazioa, batez ere ikasleen egoera familiarra, pertsonala edo bestelako bat dela kausa, elkarbizitzarako arauen kontrako jokabideak sor badaitezke.

• A) Ikastetxeko Orientatzailearen ardurapean ikastetxez kanpoko erakundeekin harremanetan jartzea, hurrenez hurren udal eta osasun etxeko gizarte langileekin eta bertze erakunde espezifikoekin.

18. 6. Tutoretza plana diseinatzea, bertan elkarbizitzari, trebetasun sozio-emozionalei eta balioetan oinarritutako hezkuntzari buruzko edukiak eta helburuak bilduz eta, oro har, gizabanakoen arteko eta taldeko harremanak indarkeriari aurrea hartzera eta gatazkak bake bidez konpontzera bideratzen dituzten ikaskizunak sartuz.

1. A) OM. Tutoretza plangintzaren helburu orokorretako bat Hezkuntza komunitatea osatzen dugun partaide guztion arteko harreman eta esku hartze egokiak bultzatzea den neurrian, hori lortzeko elkarbizitzarekin zerikusia duten gai hauek landuko dira, bertzeak bertze: ikasleen eskubide eta betebeharrak, arauak, hutsegiteak, hezkidetza, indarkeriarekin zero tolerantzia, lagunak egin, komunikazio egokia, nola kontrolatu kideen presioa zeu izanez, bertzeekin nola konpondu zeure burua saldu gabe, zure eskubideak baieztatu, heziketa afektibo sexuala eta osasuna eta norberaren zainketa eta elkarrenganako begirunea.
2. B) LHko zikloak eta Prestakuntza kurtsoa. Aitzineko ikasturteetan landutakoa sendotuko da Bizikidetzatik antolatutako ekintza eta jarduera desberdinen bidez.

19. 7. Tutoretza ekintzak honako hauek bermatuko ditu, gutxienez:

1. A) Koordinazio horizontala; horretarako, irakasle taldeek behar adina bilera eginen dituzte, ebaluazio saioetarako aurreikusitakoez gain. Koordinazio horrek ikastetxeko zuzendaritzaren babes berezia izanen du.
2. B) Ikasle bakoitzaren banakako tutoretza; tutorea gutxienez hiru hilean behin bilduko da ikasle bakoitzarekin, ibilbide pertsonala eta akademikoa aztertzeko.
3. D) Gainditu gabeko irakasgaiak errekuperatzeko indartze planaren jarraipena, plana aplikatzeko ardura duten irakasleekin koordinatuta.
4. E) Hezkuntza premia bereziak dituzten ikasleentzako curriculum egokitzapenak prestatzeko eta haien jarraipena egiteko koordinazioa.
5. F) Familiekin eta eskola komunitateko beste eragile batzuekin lankidetzan aritzea, horretarako ikasturtean gutxienez bi elkarrizketa edota bilerak eginez, eta egokitzat jotzen diren gainerako tresna guztiak direla medio.

21. 8.3. Elkarbizitzaren aurkako portaeretan hezkuntza neurriak aplikatzeko irizpideak.

23. 1. Irakasle guztiek, beren agintea erabiltzen dutenean, ikasteko behar den eskolako giro ona erraztu behar dute, eta horregatik, ikastetxeak antolatutako hezkuntza jarduerak egiten diren bitartean, elkarbizitzaren aurkakoak diren ikasleen portaerei aurrea hartu behar diete, eta ikasleei ohartarazi eta jokaera zuzendu.
25. 2. Zuzendu beharreko portaeretan aplikatu beharreko neurri guztiak egintzen erantzulea den ikaslearentzat hezigarriak izanen dira. Neurri horiek, gainera, ikasleen eskubideak errespetatzen direla bermatu beharko dute, eta erreferentzia elkarbizitza hobetzea izanen da. Arazoak eta elkarbizitzarako jokaera ezegokiak sortu baino lehen neurri zuzentzaile hauek lantzeko prozesua Elkarbizitza Batzordeak abiatuko du.
27. 3. Neurri horiek aplikatuz gero, ikasle guztiek eta, bidezkoa denean, aitak, amak edo legezko ordezkariak eskubidea izanen dute entzunak izateko eta beren burua defendatzeko alegazioak aurkezteko.
29. 4. Nolanahi ere, honako alderdi hauek kontuan hartu beharko dira:

1. A) Neurriek ikasleen hezkuntza prozesuak aurrera segitzea bermatu beharko dute, haien prestakuntza akademikoa galarazi gabe.
2. B) Ez da osotasun fisikoaren eta duintasun pertsonalaren kontrako neurririk aplikatuko.
3. C) Aplikatzen diren neurriak ikaslearen jokaerarekin proportzionalak izanen dira.
4. D) Neurriak aplikatzean ikaslearen adina eta egoera pertsonalak, familiarrak eta sozialak hartu beharko dira kontuan. Horretarako, irakasleek inguruabar horiei buruz behar duten informazioa biltzen ahalko dute eta, hala badagokio, familiari edo erakunde publiko eskudunei aholkatzen ahalko diete behar diren neurriak har ditzaten.
5. E) Aplikatzen den neurriarekin batera kalteen konponketa ere ezarriko da, batez ere kalte pertsonalak izan direnean.

31. 5. Edozein hezkuntza neurri aplikatu aurretik, zilegi izanen da ohartarazpena, kargu-hartzea eta zuzentzeko errekerimendua egitea, ahoz eta/edo idatziz, baita jokaera desegokiari eta haren ondorioei buruzko gogoeta bat ere.
33. 6. Neurri jakin bat aplikatzea egokia ote den erabakitzeko, irakasle arduradunek eta zuzendaritzak ondoko hauengana jotzen ahalko dute aholku eske: ikastetxeko orientatzailea, ikastetxeko Elkarbizitzaren Batzordea, Hezkuntza Departamentuko Elkarbizitzarako Aholkularitza, Hezkuntzako Ikuskatzailetza eta Oinarrizko Gizarte Zerbitzuak.
35. 7. Neurrien izaera hezigarria indartzeko eta antzeko jokaerak berriz agertzeari aurrea hartzeko, neurriak aplikatu ondoren, ikastetxeko zuzendaritzak edota elkarbizitzarako arduradunek hala erabakitzen badute, ikaslearen, zuzendaritzaren eta zuzendaritzak berak egokitzat jotzen dituen pertsonen arteko elkarrizketak egiten ahalko dira.

37. 8.4. Eskolako bitartekaritza.

39.      Eskolako bitartekaritza gatazkak konpontzeko metodo bat da, non pertsona batek auzitan dauden bi pertsonen edo gehiagoren artean parte hartzen duen, alderdi guztientzat egokia den akordio bat aurkitzen laguntzeko.
40.     Bitartekaria inpartzialtasunez eta konfidentzialtasunez arituko da eta Ikastetxeko Orientatzailea, Ikasketa Burutza edo irakasleak diren elkarbizitza arduradunen eskutik berariazko prestakuntza jasoko du. Ikasturte hasieran, behin klaseko ordezkariak hautatu eta Ikastetxeko ordezkarien batzarra osatuta, bitartekari lanetan aritzeko behintzat ikasle bi proposatuko dira, lehentasuna emanez Ikastetxeko ikasleen batzar horren ordezkariei, edo bestela lan horretarako prest agertzen den edozein ikasle.
41.      Eskolako bitartekaritza, ahal den guztietan, eskola elkartea osatzen duten pertsonen arteko gatazken kudeaketan erabiliko da, hezkuntzako, prebentziorako eta gatazkak konpontzeko estrategia gisa. Ikastetxeak gatazkak konpontzeko bitartekaritza eskaintzen du.
42.      Bitartekaritza neurri esklusiboa izan daiteke, edo osagarria, aldi berean, lehenago edo geroago hartzen diren beste hezkuntza neurri batzuekin.

45. 8.5. Elkarbizitzaren aurkako jokaerak.

47.       Oro har, elkarbizitzaren aurkako jokaerak dira, Elkarbizitzaren Erregelamenduan agertzen direnetatik ikastetxeko ohiko elkarbizitzarako bereziki kaltegarriak ez direnak. Diziplina arazoen mapa.

        Elkarbizitzaren aurkako jokaera detektatzen duen pertsonak, prebentzio-txosten berria erregistratzeko ardura izanen du. Erregistratzerakoan, “Berretsi” eta “Familiari bidalia” klikatuko da. Neurri zuzentzaile bezala ikaslea gelatik kanporatua izan bada, prebentzio-txostenaren oharretan hala adieraziko da.

        4 Prebentzio-txosten pilatzerakoan, elkarbizitzarako bereziki kaltegarria den jokaera bezala kontuan hartuko da, bere ondorio guztiekin. Prebentzio-txostenen jarraipena egiteko ardura tutorearena da. Bizikidetza arduradunari eta ikasketaburuari komunikazio bide ofizialetatik abisatuko diolarik.

        8.5.1. Elkarbizitzaren aurkako jokaerak izan ondoren hartu beharreko neurri hezitzaileak:

a) Atsedenaldia erabiltzea ikasleak egindakoa konpondu edo bideratzeko lan berariazkoetarako.

b) Ikaslearekin bakarka elkarrizketatu, emandako egoeraren zergatia aztertu eta bideratzeko.

d) Elkarbizitzaren aurkako portaera zein irakaslerekin gertatu den, hark ematen dituen irakasgaien eskoletara agertzeko debekua, 3 saiotarako gehienez. Ordu horietan, ikasleak neurria aplikatu duen irakasleak erabakitzen dituen prestakuntza jarduerak egin beharko ditu ikastetxean, bere hezkuntza eta ebaluazio prozesua ez eteteko.

e) Lan batzuk egitea, eskola ordutegiaren barrenean edo hortik kanpora, pertsonei, ikastetxeko instalazioei edo materialei edo eskola elkarteko kideen gauzei eragindako kaltea konpontzen laguntzeko, edo eskola elkartearentzat onuragarriak diren lanak egitea.

f) Jarduera osagarrietan eta/edo eskolaz kanpokoetan parte hartzeko eskubidea etetea denbora mugatu baterako.

g) Eskolako garraioa erabiltzeko eskubidea etetea hamar bidaiatarako gehienez, zuzendu beharreko jokabidea eskolako garraioan gertatu bada.

49. 8.6. Elkarbizitzarako bereziki kaltegarriak diren jokaerak.

Oro har, Elkarbizitzaren Erregelamenduan agertzen direnetatik ikastetxeko ohiko elkarbizitza larriki nahasten dutenak dira. Diziplina arazoen mapa.

  8.6.1. Elkarbizitzaren aurkako jokaerak izan ondoren hartu beharreko neurri hezitzaileak:

  Neurri hezitzaileak ezartzerakoan, eta inguruabarra kontuan hartuz, hurrengo ordena mantentzea lehenetsiko da, beti ere aurrez, ikaslearekin bakarka elkarrizketatu eta emandako egoeraren zergatia aztertu ondoren:

a) Atsedenaldietan edo eskola ordutegitik kanpora, eskola elkartearen aldeko lanak egitea eta, oro har, instalazioetan, autobusetan, jantokian, materialetan, dokumentuetan edo beste pertsona batzuen gauzetan eragindako kaltea konpontzea.

b) “Kanpo lanak” bizikidetza programan sarturiko ekintzak egitea.

d) Eskolaz kanpoko jardueretara edo jarduera osagarrietara joateko eskubidea etetea.

e) Irakasgai bateko edo gehiagoko eskoletara edo, ohiz kanpoko kasuetan, ikastetxera joateko eskubidea etetea, bi kasuetan hamabost eskola egunetarako gehienez. Etenaldia bitartean, ikasleak ezartzen diren prestakuntza jarduerak egin beharko ditu, bere hezkuntza eta ebaluazio prozesua eten ez dadin. Horretarako, lan plan bat diseinatuko da. Irakasleek plan horretako jardueren segimendua eginen dute eta irakasgaien azken ebaluazioan kontuan hartuko dituzte. Era berean, ikasleak etenaldi horretan programaturik dauden ebaluazio proba objektiboak egiten ahalko ditu.

f) Eskolako garraioa erabiltzeko eskubidea etetea hamabost eskola egunetarako gehienez, portaera eskolako garraioan izan baldin badu.

g) Mugikorra edo gailu elektronikoa, 5 egunez idazkaritzan uztea, 8:30etik-15:00etara.

h) Eragindako kalte ekonomikoa ordaintzea.

Elkarbizitzarako bereziki kaltegarriak diren jokaerak, 4 aldiz errepikatzen badira,  Ikasketaburuak ikasleari dagokion prozedura arrunta izapidetuko dio, matrikularen baja emanez. Hezkuntza prozedura/neurria ikasleei eta haien familiei jakinaraziko zaie.

8.6.2. Inguruabar aringarri eta astungarriak:

         Hezkuntza neurri hauek aplikatzeko momentuan, egon daitezkeen inguruabar aringarri eta astungarriak kontuan hartu behar dira.

8.6.3. Elkarbizitzarako bereziki kaltegarriak diren portaeretan hezkuntza neurriak aplikatzeko ohiko prozedura.

1. Portaera bereziki kaltegarri guztiak eta haren ondorioak ikastetxeko zuzendaritzari jakinarazi behar zaizkio. Zuzendariak edo, hala bada, haren eskuordetza hartzen duen irakasleak behar adina ikerketa edo jarduketa egiten ahalko ditu ekintza horrela tipifikatzeko, hala nola erantzuleak identifikatzeko eta ohiko prozedurari hasiera emateko, ekintzaren berri izan eta biharamunetik hasita hiru eskola eguneko epean gehienez.

2. Aurreko puntuan finkatzen den hiru eskola eguneko epea bukatuta, ustezko erantzulea edo erantzuleak identifikatu ez bad(ir)a, zuzendariak edo, hala bada, haren eskuordetza duen irakasleak, Elkarbizitzaren Erregelamenduan xedatutakoarekin bat, egoki iruditzen zaizkion jarduketekin segitzen ahalko du haiek identifikatzeko eta prozedura hasi ahal izateko.

3. Ohiko prozedura hasiko da hasteko dokumentua ikasleari, haren amari edo aitari edo legezko ordezkariei eta instruktoreari ematearekin batera. Elkarbizitzarako bereziki kaltegarria den portaera preskribatutako da dokumentu horren entrega ez bada egiten egintzen berri izan eta hirurogei eskola eguneko epearen barrenean.

4. Aplikatzen diren kautela neurriak, halakorik bada, prozedura bukatu arte mantentzen ahalko dira. Ikasleak kautela neurrien pean ematen duen denbora aplikatzen den hezkuntza neurrian ezartzen den denboratik deskontatuko zaio.

5. Ohiko prozedurari hasiera emateko dokumentua zuzendaritzak egin beharko du eta honako alderdi hauek jasoko ditu:

a) Neurri horiek aplikatzeko eskumena ematen dion araudiaren aipamen zehatza.

b) Prozedura irekitzea ekarri duten egintzak eta frogak.

c) Zuzendu beharreko portaera, hautsitako arauak, data eta tokia.

d) Inplikatutako ikaslea.

e) Tramitazioaren ardura duen instruktorea, ikastetxeak Elkarbizitzaren Erregelamenduan ezartzen duen sistemaren bidez klaustroko kideen artean hautatua.

f) Aplikatutako kautela neurriak, halakorik bada.

g) Inguruabar astungarrien eta aringarrien azalpena, horrelakorik baldin bada.

h) Aplikatu beharreko hezkuntza neurriak, horiek hasteko eta bukatzeko egunak eta aplikatzeko baliabideak.

i) Alegazioak egiteko prozedura eta epeak, adieraziz alegaziorik aurkezten ez bada, egintzak frogatutzat joko direla eta prozedura hasteko dokumentua prozedurari bukaera emateko ebazpentzat hartuko dela.

j) Eskola Kontseiluan erreklamazioak aurkezteko prozedura eta epea.

6. Aurreko puntuan aipatzen den dokumentuan, zuzendaritzak proposatzen ahalko du prozeduraren tramitazioa foru dekretu honen 23. artikuluan ezarri bezala egitea, kontuan harturik aurretik hartan ezarritako salbuespenak.

7. Alegazioak, zuzendariari zuzenduak, ikastetxean aurkeztuko dira, idatziz, prozedura hasteko jakinarazpenaren biharamunetik hasita bi eskola eguneko epearen barruan. Idazki horretan, halaber, instruktorea errefusatzeko eskaera arrazoitua egiten ahalko da.

8. Errefusatzen den instruktoreak adieraziko du alegatutako zergatia baden edo ez. Errefusatzeko idazkia aurkeztu eta hurrengo eskola egunean, zuzendariak horren gaineko ebazpena eman eta jakinarazi beharko du.

9. Ezarritako epean alegaziorik aurkezten ez bada, egintzak frogatutzat hartuko dira eta prozedura hasteko dokumentua prozedura bukatzeko ebazpentzat hartuko da.

8.6.4. Alegazioak aurkezten diren kasuetan, ohiko prozeduraren tramitazioaren jarraipena eta prozeduraren ebazpena.

1. Ikasleak, haren gurasoek edo legezko ordezkariek alegazioak aurkeztuz gero ezarritako epean, instruktoreak, bere agintea erabiliz, egoki iruditzen zaizkion jarduketak eginen ditu egintzak argitzeko. Alegazioak aurkeztu eta bost eskola eguneko epean gehienez, eta alegazioak kontuan harturik, ebazpen proposamena prestatu eta zuzendariari aurkeztuko dio. Proposamen horretan alderdi hauek jasoko dira:

a) Frogatutzat hartzen diren egintzak eta hori egiaztatzen duten frogak.

b) Zuzendu beharreko portaera, hautsitako elkarbizitza arauak, data eta tokia.

c) Inplikatutako ikaslea.

d) Aplikatutako kautela neurriak, halakorik bada.

e) Inguruabar astungarrien eta aringarrien azalpena, horrelakorik baldin bada.

f) Aplikatu beharreko hezkuntza neurrien proposamena.

Bost eskola eguneko epea luzatzen ahalko da, instruktoreak hori justifikatzeko arrazoiak daudela uste badu.

2. Ebazpen proposamena aurkeztu eta biharamunetik hasita bi eskola eguneko epean gehienez, zuzendariak prozedura bukatzeko ebazpena emanen du. Bi eskola eguneko epea luzatzen ahalko da, zuzendaritzak hori justifikatzeko arrazoiak daudela uste badu. Ebazpen horretan honako hauek adieraziko dira gutxienez:

a) Neurri horiek aplikatzeko eskumena ematen dion araudiaren aipamen zehatza.

b) Frogatutako egintzak eta zuzendu beharreko portaerak.

c) Inguruabar astungarriak eta aringarriak, horrelakorik baldin badago.

d) Aplikatu beharreko hezkuntza neurriak eta, hala badagokio, horiek hasteko eta bukatzeko egunak eta aplikatzeko baliabideak.

e) Eskola Kontseiluan erreklamazioak aurkezteko prozedura eta epea.

3. Ohiko prozeduraren ebazpenaren berri ikasleari eta bere gurasoei edo legezko ordezkariei emanen zaie, idatzi baten bidez, non adierazi beharko baita ebazpen horrek ez duela amaitzen administrazio bidea eta haren aurka, aukeran, 22. artikuluan aipatzen den erreklamazioa edo bidezko errekurtso jurisdikzionala aurkezten ahalko dela, baita zein organotan aurkeztu behar den eta zein epetan ere.

4. Ikastetxeak, Elkarbizitzaren Erregelamenduan, elkarbizitzarako bereziki kaltegarriak diren portaeretan hezkuntza neurriak aplikatzeko prozedura ezarriko du, betiere foru dekretu honen 12. artikuluan ezarritakoa bermatuz.

5. Nolanahi ere, ohiko prozeduraren tramitazioa hogeita hamar eskola eguneko epean bukatu beharko da, prozeduraren hasieraren jakinarazpenetik hasita interesdunari edo, hala badagokio, familiari jakinarazten zaion arte. Bestela, prozedura iraungitzat hartuko da.

8.6.5. Erreklamazioak.

1. Prozeduraren gaineko ebazpena jakinarazita, ikasleak, adinez nagusia bada, edo haren gurasoek edo legezko ordezkariek zuzendariaren erabakiaren berrikuspena eskatzen ahalko diote Eskola Kontseiluari, jakinarazpena jaso eta bi eskola eguneko epearen barruan.

2. Hartutako erabakia berrikusteko, Eskola Kontseiluaren bilkura berezia deituko da. Prozedurari bukaera emateko ebazpena eta erreklamazioa ikusita, Kontseiluak zuzendariari proposatuko dio aplikatutako neurria berresteko edo aldatu edo baliogabetzeko.

3. Kontseiluaren proposamena hamar eskola eguneko epean egin beharko da, erreklamazioa jaso eta biharamunetik hasita. Eskola Kontseiluaren proposamena erabakia aldatu edo baliogabetzekoa baldin bada, proposamena jaso eta biharamunetik bi eskola eguneko epean, zuzendariak Hezkuntza Departamentuari hartutako erabakiaren legezkotasunari buruzko txostena eskatzen ahalko dio. Txosten hori hamar eskola eguneko epean egin beharko da. Zuzendariak bere ebazpena eman eta erreklamazio-egileari idatziz jakinarazi behar dio.

4. Jakinarazpen horretan adierazi beharko da ebazpenaren aurka bidezko den errekurtsoa, zein organotan jarri behar den eta zein epetan.

8.6.6. Prozedura adostua.

1. Ikastetxeko zuzendariak arau-haustea egin duen ikasleari eta haren gurasoei edo legezko ordezkariei aukera emanen die prozedura adostuaren bidea hartzeko, inguruabar hauek betetzen badira:

a) Bereziki kaltegarria den portaera aitortzea.

b) Kalteturik izanez gero, haiei barkamena eskatzea.

c) Ikastetxeak aintzat hartzen dituen beste inguruabar batzuk, Elkarbizitzaren Erregelamenduan jaso direnak.

2. Honako kasu hauetan, ezin izanen da espedientea prozedura adostuaren bidez tramitatu:

a) Inplikatutako ikasleari horrelako beste prozedura bat tramitatu baldin bazaio ikasturte berean.

b) Ikasturte berean, ikasleari aplikatu zaion hezkuntza neurriren bat ez bada bete.

c) Ikastetxeak zehazten dituen beste kasu batzuetan, Elkarbizitzaren Erregelamenduan jaso direnak.

3. Prozedura adostuaren bidez tramitatzeko aukera ohiko prozedura hasteko dokumentuan jasoko da. Dokumentu horretan interesdunei bilera bat egitea proposatuko zaie, behar den deialdiaren bidez.

4. Bilera hori ikastetxeko zuzendaritzarekin izanen da eta helburua izanen da prozedura adostuaren abantailak azaltzea. Bilera horrexetan, ikasleak edo haren gurasoek erabakiko dute prozedura adostua onartu edo baztertzen duten.

5. Bilerara agertzen ez badira edo aukerabide hori baztertzen badute, hezkuntza neurriaren aplikazioaren tramitazioa ohiko prozeduraren bidez eginen da, foru dekretu honen 20. artikuluan ezarritakoari jarraikiz, eta artikulu horren 7. puntutik aurrera adierazitako epeen kontaketa hasiko da. Horrelakoetan, alegazioak aurkezteko eta instruktorea errefusatzeko epea bilera egiteko finkatutako egunaren biharamunetik hasiko da.

6. Prozedura adostua tramitatzeko modua eta prozeduran parte hartzen duten alderdiak ikastetxe bakoitzak erabakiko ditu bere Elkarbizitzaren Erregelamenduan. Nolanahi ere, aplikatzen den neurria arinagoa izanen da prozedura hasteko dokumentuan ezartzen dena baino.

7. Prozedura adostua tramitatuz gero, zuzendaritzak elkarbizitzarako konpromisoa erredaktatu beharko du. Konpromiso horretan, gutxienez, ikaslearen eta gurasoen edo legezko ordezkarien onarpena konpromisoari, aplikatutako hezkuntza neurria eta hura betetzeko baliabideak agertuko dira. Konpromisoa hiru eskola eguneko epean adostu eta sinatu beharko da, bilera egin eta biharamunetik aurrera. Sinadurak bukaera emanen dio prozedura adostuari.

8. Nolanahi ere, prozedura adostuaren bidezko tramitazioa hogei eskola eguneko epean bukatu beharko da, prozeduraren hasiera jakinarazten denetik hasita. Bestela, prozedura iraungitzat hartuko da.

9. Prozeduraren tramitazioaren bitartean, akordioa ez bada betetzen, ohiko prozeduraren bidez segituko da, eta foru dekretu honen 20. artikuluko 7. puntutik aurrera adierazitako epeen kontaketa hasiko da. Horrelakoetan, alegazioak aurkeztu eta instruktorea errefusatzeko epea “akordioa hautsi” eta biharamunetik hasiko da.

52. 8.7. Elkarbizitzarako konpromisoak.

Ikasle batek jokaera arazoak baldin baditu, ikastetxearen, ikaslearen eta gurasoen edo legezko ordezkarien arteko elkarbizitzarako konpromisoak sinatzen ahalko dira, ikasturtearen edozein unetan, ahaleginak bateratzeko eta proposatzen diren ekintzak eta neurriak irakasleekin eta beste profesional batzuekin koordinatzeko.

Tutoreak bere kabuz (edo hezkuntza taldeak proposatua) edo familiaren ekimenez Elkarbizitzarako Konpromisoa sinatu ahal izanen du. Tutoreak, sinatu baino lehen, edozein elkarbizitzarako konpromisoaren berri eman beharko dio zuzendaritzari, honek aipaturiko konpromisoa indarrean dagoen elkarbizitza planarekin  bat datorren egiazta dezan.

Behin bat datorrela egiaztatu ondoren, zuzendariak baimena emanen dio tutoreari konpromisoa sinatzeko. Konpromiso honetan ikasleak duen jokaera ezkorra gainditzeko harturiko neurri zehatzak eta neurri hauek gauzatzeko alde bakoitzak beregain hartzen dituen eginbeharrak ezarriko dira.

Elkarbizitzaren konpromisoaren hasierako iraupenaz gain, hona hemen adibide gisa, alde ezberdinek beregain hartzen dituzten konpromisoak

53. 9. IKASLEAK ESKOLARA EZ JOATEKO TALDEKA HARTUTAKO ERABAKIAK. GREBAK, GELDIALDIAK…

1. Eskolara ez joateko taldeka hartzen dituzten erabakiak ez dira justifikatu gabeko hutsegite gisa hartuko, baldintza hauek betetzen badira:

54. A)  Hezkuntza arloko erabakiekiko desadostasunengatik izan bada.
56. B) Ikastetxeko zuzendaritzan eta ordezkarien batzarrean aurkeztutako proposamena, deialdia egiten dutenek sinatutako idazki arrazoitu baten bidez. Idazkia hutsegitearen eguna baino gutxienez hiru eskola egun lehenago aurkeztu beharko da, eta deialdiaren arrazoiak, dei-egileak, eguna eta ordua aipatu beharko dira.
58. C) Proposamena Ikastetxean matrikulaturik dauden ikasle guztien %15ek sinatu beharko dute gutxienez, edo matrikulaturik dauden ikasleen ordezkarien %75ek. Proposamena aurkezten dutenek bertan garbi identifikatuko dute beraien burua eta, horrela bada, bereziki adieraziz daukaten ordezkaritza.
60. D) Greba edo geldialdi antolatzaileek honen inguruko azalpen argiak eman beharko dituzte talde guztietan hauek bozkatu aurretik. Azalpen hauek egokiak eta argiak izan diren egiaztatuko duena momentu horretan gelan dagoen irakaslea izango da.

61. E) Ikasleek, irakasle arduradun baten aitzinean egindako bozketa sekretuaren bidez, eskolara ez joateko proposamena onartzea edo errefusatzea gehiengo osoz, ordezkariaren argibideak jaso ondoren erabakiko dute. Boto kontaketa eta gelako emaitza dagokion aktan bildu (ER 020718) eta irakasle arduradun baten aitzinean sinatuko dira eta ikastetxeko zuzendaritzari jakinaraziko dizkio ordezkarien batzarrak (ER 020719), aurreikusitako jarduketak hasi baino bi eskola egun lehenago gutxienez.

2. Ikastetxeko zuzendaritzak aztertuko du betebehar horiek betetzen diren eta, horren arabera, ebatziko du eskolara ez joate hori justifikatu gabeko hutsegitetzat hartzen den edo ez. Ebazpen horren berri ikasleei, irakasleei, ordezkarien batzarrari eta Ikastetxeko guraso elkarteetako buruei jakinaraziko zaie idatziz. Era berean Ikastetxeko zuzendaritzak idatziz familiei jakinaraziko die gauzatu diren gisa honetako ekimenak, beraien seme-alaba dagoen taldean jasotako botazioaren emaitzak bereziki helaraziaz.

3. Dena dela, Ikastetxeko zuzendaritzak behar diren neurriak hartuko ditu eskolara huts egiteko erabakia betetzen ez duten ikasleek indarrean dagoen araudian aipatzen diren eskubideak erabili ahal izan ditzaten. Gisa honetan Ikastetxearen ohiko ordutegia mantenduko da eta irakasleak klasera bertaratuko dira beraien lan ordutegia betez.

4. Ikasleek eskolara ez joatea taldeka erabaki duten egunetan materiarik ez da aitzinatuko.

5. Ikasleak eskolara ez joatea taldeka erabaki duten egunetan programatutako azterketak ez dira eginen. Azterketa ikasle eta irakasleek adostutako egunean eginen da, eta adostasunik ez badago irakasgaiari dagokion hurrengo saioan eginen da.

6. Amaierako azterketak aitzineko paragrafoko trataeratik kanpo geldituko dira.

63. 10. IKASLERIAREN ANTOLAKUNTZA.

10.1 Klaseko ordezkarien eginkizunak:

    Taldeen ordezkarien lana da:

1. Ordezkarien batzarraren bilkuretara joan eta deliberoetan esku hartzea.
2. Ordezkatzen duten taldearen iradokizun eta erreklamazioak agintari akademikoei azaltzea.
3. Bere taldeko ikasleen arteko harreman onak bultzatzea eta taldearen funtzionamenduaren inguruko gaietan tutoreari eta irakasle taldeari laguntzea.
4. Ikastetxeko irakasle eta buruekin lankidetzan aritzea, zentroaren funtzionamendua egokia izan dadin.
5. Ardura hartzea, Ikastetxeko materialak eta instalazioak egoki erabil daitezen.

10.2 Klaseko ordezkariak noiz eta nola hautatu:

     Ikasturteko urrian, ahal bada hirugarren astean, ikasle talde bakoitzak taldeko ordezkaria aukeratuko du bozketa zuzen eta sekretuaren bidez. Ordezkariak ikasturte osoan jardunen du kargu horretan eta ikasleen ordezkarien batzarrean esku hartuko du. Era berean, ordezkariorde bat hautatuko da, ordezkaria falta edo gaixo denean ordezka dezan eta bestelakoetan ere haren eginkizunetan lagun diezaion.

Ikasketaburuak antolatu eta deituko ditu ordezkari eta ordezkariordeen hautaketak. Horretarako, taldeko tutoreen laguntza izango du. Tutoreek burutuko dituzte hauteskundeak eta ikasleen eskubideak, betebeharrak eta ordezkarien garrantzia azalduko diete.

Aipatutako hauteskundeak klase orduetan burutuko dira, ondoan adierazten diren arauei jarraituz:

1. Hauteskunde-mahaia honako kideak izanen ditu: lehendakaria (tutorea), idazkaria (ikaslerik gazteena) eta mahaikidea (ikaslerik zaharrena).
2. Botoa norbanakokoa eta sekretua izanen da.
3. Hautatua izanen da lehendabiziko bozketan erabateko gehiengoa lortzen duen ikaslea. Hau ez lortzekotan bigarren bozketa bat eginen da eta gehiengo sinplea lortzen duena aukeratua izanen da. Ez bada inor hau lortzen duenik, boto gehien lortu duten hiru ikasleen artean hirugarren bozketa bat eginen da, boto gehien lortzen duena aukeratua izanen da.
4. Ordezkariordea ordezkariaren ondotik boto gehien lortu duen hautagaia izanen da. Honen betebeharrak ordezkariari laguntzea eta honen faltan ordezkatzea.
5. Ordezkaria eta ordezkariordearen izendapena ikasturte baterako da.

  Ordezkariak eta ordezkariordeak hautatu zituen taldeko ikasleen gehiengo osoak bere esku izango du hautaketa hori baliogabetzea. Horretarako beharrezko izango da aldez aurretik tutoreari igortzea erabaki hori arrazoitzen duen txostena. Egoera hori suertatuz gero, hamabost eguneko epean egin beharko da beste bozketa bat, aurreko puntuan xedatutako guztia bete behar duena. Ordezkariak edo ordezkariordeak euren kargua uzten badute, prozedura berdinari jarraituko zaio.

  OHARRA: aurreko ikasturtean ordezkari izandako ikaslea bere borondatez ez bada, ez da berriro hautagai izanen.

10.3. Ordezkarien batzarra.

      Bigarren Hezkuntzako Ikastetxeek Ikasleen Ordezkarien Batzar bat izanen dute. Ordezkari Batzordeek ondorengo eginkizunak izanen dituzte:

1. Ikastetxeko ikasle guztiei beren jardueren berri ematea.
2. Enpresetan egiten diren praktiketarako hitzarmenei buruzko informazioa jasotzea, eta horren segimenduan parte hartzea.
3. Ikasgelara ez joateko deialdietarako proposamenak jaso eta horren berri ematea ikastetxeko ikasle guztiei, bozketaren bidez onets edo gaitzets daitezen, eta ateratzen den emaitza eta ondorengo erabakia ikastetxeko Zuzendaritzari jakinaraztea.

  Ordezkari Batzordeko kideek ezin dute zehapenik jaso esleitzen zaizkien eginkizunetan jarduteagatik.

  Ordezkarien batzarra osoko bilkuran edo batzorde txikiagoetan elkartuko da. Azkeneko bide hau hartuko da arazoen izaera berezia dela eta, Ikastetxeko ikasmaila edo hezkuntza etapa bateko ordezkariak biltzeko.

  Osoko bilkuran elkartutako ordezkarien batzarrari edo horren zeinahi batzorderi ahotsa eman beharko diote Ikastetxeko kide bakarreko gobernu organoek, batzarrak hala eskatzen badu eta arazoek ikasleak zuzenean ukitzen badituzte.

  Ikasketaburuak toki egoki bat eskainiko dio ordezkarien batzarrari bilkurak egiteko, baita ongi aritzeko baliabide materialak ere.

 Ikasleek eskubidea dute, Ordezkari Batzordeko kideengandik eta ikasle elkarteen ordezkariengandik informazioa jasotzeko, bai norberaren ikastetxeari dagozkion gorabeherei buruz, bai beste ikastetxeei dagozkienetan, baldin eta ikastetxeko ekitaldien ohizko jarduna galarazten ez bada.

10.4. Ikasleen elkarteak.

     Ikasleek elkartzeko eta elkarte, federazio eta konfederazioak eratzeko eskubidea izango dute. Batasun horiek laguntzak jaso ahalko dituzte indarra duen legerian aurreikusitakoaren arabera.

Ikastetxeetako Ikasleen elkarteei honako eskumenak aitortzen zaizkie:

1. Jarduera osagarri eta eskolaz kanpokoetarako proposamenak egitea. Onartzen badira Urteko Programazio Orokorrean jasoko dira.
2. Ikastetxeko instalazioak erabiltzea, indarra duen araudiak ezarritako baldintzetan.
3. Ikasleen eskubide eta betebeharrei buruzko araudian ezarrita dauden eskumen eta eginkizunak.

10.5. Ikasleen bilkurak eskolan.

    Ikasleak ikastetxean bildu ahalko dira eskolako zein eskolaz kanpoko jarduerak burutzeko eta, halaber, hezkuntza edo prestakuntza osatzeko helburua duten bestelakoetarako.

     Ikastetxeetako zuzendariek eskubide hortaz baliatzeko behar diren lokalak jarriko dituzte eskura, baina betiere, jarduera horiek egin beharko dira ikastetxeko jardueren garapena errespetatuz eta edozein kasutan klaseko ordutegitik kanpo.

64. 11. ELKARBIZITZAREN BATZORDEA.

    Ikastetxe guztietan eratuko da bizikidetza batzordea, ikastetxeko zuzendariak izendatuta. Oro har, honela osatuko da bizikidetza batzordea:

1. Zuzendaria edo hark zuzendaritza taldean izendatzen duena.
2. Ikastetxeko bizikidetzaren ardura duen irakaslea.
3. Ikastetxeko beste irakasle bat, bizikidetzan prestakuntza duena.
4. Orientatzailea.

     Batzordeak, bere eginkizunak betez, guraso elkarteko ordezkari bat sartzen ahalko du batzordean.

    Bere eginkizunak betetzeko, bizikidetza batzordea ikastetxeko organoekin koordinatuko da, halako moduan non denek hartuko baitute parte urteko jarduerak prestatzen eta abian jartzen. Bizikidetza batzordeak eginkizun hauek ditu:

1. Bizikidetza planari lotuak.

1. Bizikidetza plana diseinatu eta bere urteko zehaztapenak, urteko programazio orokorrean sartuko direnak, denen artean prestatzeko prozesuaz arduratzea.
2. Bizikidetza plana eta bere urteko zehaztapenak prestatzeko proposamenak jaso eta sortzea.
3. Bizikidetzaren egoera ezagutzeko aldian behineko azterlanak programatu (inkestak), bultzatu eta burutzea, baita bizikidetza planaren urteko ebaluazioa ere, eta behar diren hobekuntzak proposatzea.
4. Bizikidetza planaren aplikazioaren berri ematea hezkuntza komunitateari.
5. Urteko zehaztapenaren memoria prestatzea.

2. Bizikidetzarako erregelamenduari lotuak.

1. Bizikidetzarako erregelamendua berrikusten laguntzea.
2. Bizikidetzarako erregelamendua ikastetxean aplikatzeko jarduketei buruzko informazioa bilatu eta iradokizunak egitea, bidezkoa denean.

3. Prestakuntzari eta aholkularitzari lotuak.

1. Hezkuntza komunitateari aholku ematea bizikidetzaren arloan, eta prestakuntza jarduerak bultzatzea, bai irakasleentzat bai hezkuntza komunitatearen gainontzekoentzat, gai horretan.
2. Bizikidetzarako hezkuntza arlo eta irakasgaien curriculumean sar dadin proposatzea.
3. Zuzendaritzari aholku ematea erabakiak hartzeko orduan, bizikidetzaren kontrako jokabideen edo harentzat oso kaltegarriak direnen aurrean hezkuntza neurriak hartzeko.

4. Bitartekotzari lotuak.

1. Bitartekotza taldeak sortzea eta haien funtzionamenduaz arduratzea.
2. Bitartekotza formaleko prozesuak antolatzea, indarrean dagoen araudian ezarritakoaren arabera.

66. 12. ELKARBIZITZAREN IRAKASLE ARDURADUNA.

    Ikastetxeko bizikidetzaren arduraduna bizikidetzari dagokion guztia dinamizatzen ariko da, bai aurreneurrien aldetik bai hezkuntza aldetik.

   Ikastetxeko zuzendaritzak arlo horretan prestakuntza duen pertsona bat edo bi izendatuko du bizikidetzaren arduradun. Orobat, ikastetxe publikoko zuzendariak orduen banaketa hartzen ahalko du kontuan, ikastetxean dauden aukerak ikusita.

     Hauek dira ikastetxeko bizikidetzaren arduradunaren eginkizunak:

1. Bizikidetzaren batzordea eta bere ekintza eta proiektuak dinamizatzea.

2. Bizikidetza plana prestatzen, ezartzen, ebaluatzen eta eguneratzen parte hartzea, baita hezkuntza komunitatea inplikatzeko mekanismoetan ere, ezinbestekoa baita hura garatzeko, abiarazteko, ebaluatzeko eta urtean zehar gauzatzeko.

3. Ondokoak antolatzea bizikidetza planaren esparruan: ikasleen prestakuntza eta parte hartze aktiboa, prebentzioa eta estrategia zehatzak ezartzea gatazkak konpontzeko, eta hezkuntza komunitateko agenteen inplikazioa.

4. Irakasleen arlo honetako prestakuntza bultzatzea, eta bizikidetzaren arduradun gisa duen prestakuntza eguneratzea; orobat, ikastetxeko beste talde batzuen bizikidetza arloko prestakuntzaz arduratzea.

5. Zuzendariari laguntza eta aholkuak ematea, bizikidetzarako erregelamendua aplikatzeko.

6. Ondoko dokumentuez arduratzea: ikastetxeko bizikidetza plana; haren urteko zehaztapenak, non arduradunaren lanerako plana egonen baita, eta urteko memoria.