MEMORIA

DEPARTAMENTO TECNOLOXÍA

CURSO 2020/21

ÍNDICE

1. Introdución
2. Contidos planificados, proxectos desenvolvidos e modificacións introducidas durante o curso

2.1. Contidos planificados

2.2. Proxectos desenvolvidos

              2.3. Modificacións introducidas durante o curso

3. Análise dos resultados das avaliacións do alumnado. Tratamento dos pendentes. Medidas de atención á diversidade e actividades de reforzo. Pendentes
4. Propostas para a revisión de:

4.1. A programación didáctica para o curso próximo

ANEXOS

A1: Implicación do Departamento en proxectos interdisciplinares

A1.1. STARgal21

A1.2. Club de Ciencia

A1.3. Divulgación de contidos

A2: Outras actividades complementarias e extraescolares

A3. Exames de setembro. Contidos mínimos e indicacións

1. Introdución

Este documento está elaborado de acordo coa Orde do 1 de agosto de 1997 pola que se ditan instrucións para o desenvolvemento do Decreto 324/1996 polo que se aproba o Regulamento orgánico dos institutos de educación secundaria e se establece a súa organización e funcionamento (DOG. 02-09-97). Así como o Decreto 86/2015, do 25 de xuño (DOG 29/06/2015), polo que se regulan as ensinanzas da ESO en Galicia (Programación de Tecnoloxía)

Tal e como se fixo coa Programación, esta memoria estará pendurada como documento Google Docs, co obxectivo de facilitar o acceso á mesma^[1].

Neste novo escenario de pandemia ó que o alumnado se tivo que adaptar, consideramos que ó traballar máis individualmente puideron mellorar o seu interese, curiosidade, confianza en sí mesmos e desenvolver a súa creatividade, poñendo en práctica o pensamento crítico e incluso mellorou máis a súa comunicación que traballando en grupo.

A/os profesores integrantes do curso foron Ana Fernández Moreiras (Xefa de Actividades Extraescolares), Andrés Ferreira Míguez  (profesor de Matemáticas con afín Tecnoloxía) e  Flor Domínguez Martínez (Xefa do Departamento). O reparto de cursos foi como segue:

• Flor Domínguez: 2º ESO (A, B, C, D), 4º ESO (1 grupo), TICs (1 grupo). Total: 18 horas de clase.
• Ana Moreiras: 3º ESO (A, B, C, D, E) e 4º ESO (grupo académicas), TICs (1 grupo) Con 1º (Proxecto Boiro) fai un total de 17 horas de clase.
• Andrés Ferreira: 2º ESO (E, F) . Total: 6 horas de clase

2. Contidos planificados, proxectos desenvolvidos e modificacións introducidas durante o curso

2.1. Contidos planificados

4ºTICs

2.2. Proxectos desenvolvidos

2.3. Modificacións introducidas durante o curso

3. Análise dos resultados das avaliacións do alumnado. Tratamento de pendentes. Medidas de atención á diversidade e actividades de reforzo. Pendentes

Nun ano coa excepcionalidade do presente, onde o alumnado vén de estar desescolarizado desde marzo do curso anterior, os resultados requiren dunha análise máis profunda que do ordinario.

Para comezar, o seu nivel competencial inicial era inferior que en cursos anteriores, especialmente no referido a competencias básicas como a lingüística, a de aprender a aprender e a dixital. Para seguir, a súa motivación era moi baixa, afectados como todo o seu entorno pola pandemia e as súa impredecible evolución. Para rematar, o aprobado xeral do curso anterior significou que en 3º houbese alumnado que non tiña que estar por non ter acadado os mínimos esixibles por curso.

Atendendo a todo o anterior, facemos constar que

1º) Os resultados da avaliación están en consoancia cos doutras materias.

2º) Os resultados son mesmo superiores do que o serían nun curso ordinario. É innegable que o equipo docente estivo moi enriba do alumnado e que o nivel de esixencia foi menor. O tempo dirá se esta estratexia resulta perxudicial ou beneficiosa para o alumnado.

2ºESO TECNOLOXÍA

• Nivel e grupo: 2º ESO, todos os grupos
• Profesores: Flor Domínguez e Andrés Ferreira
•   Número de alumnos/as, aprobados e porcentaxes:

 Análise dos resultados:

Hai que destacar que, en xeral, o alumnado foi aprobando por trimestres, a pesar de andar detrás deles para a entrega de traballos xa que non respetaron as datas de entrega. O alumnado que suspende en concreto, 5 alumn@s, está profundamente desmotivado e abandoaron a materia practicamente desde principios de curso. O resto de grupos moi ben, tanto en actitude como traballo diario creando un bo clima entre os compañeiro/as,  o que levou a moi boas calificacións.

        Estándares e contidos traballados no curso:

Recurrimos a unha metodoloxía de proxectos. Para cada trimestre realizouse un proxecto (maqueta e memoria técnica) que agrupaba un conxunto de unidades didácticas relacionadas co mesmo.

         Medidas de atención á diversidade aplicadas ó alumnado destes grupos:

Adaptáronse os exames a algún alumnado con TDAH en 2ºB, C e D para facilitar a súa realización con exercicios e que compartiron co profesor correspondente así como videoexposicións e presentacións.

No grupo de 2ºA  atendeuse á diversidade en altas competencias, propoñendo a alumnado excelente, tarefas complementarias: exercicios máis complexos, novos proxectos… A un alumno de 2º B aplicóuselle reforzo con actividades máis sinxelas, sin reducir contidos.

·         Avaliación dos materiais e recursos didácticos utilizados:

O boletín de traballo do curso simplificouse e reorientouse a contidos máis prácticos, inserindo máis imaxes. Paralelamente, as presentacións online que acompañan este boletín tamén se traballaron para facelas máis visuais e sinxelas.

Nas avaliacións de cada trimestre, melloráronse os resultados con respecto a outros anos, ó non haber nota mínima no exame e entrega do resto de traballos. Creamos en total 9 cuestionarios on line para 2º ESO, un por tema visto ata ese momento, e compartímolos individualmente co alumnado, quen debían cumprimentalos na aula o día indicado pola profesora, excepto na 3ª avaliación que o fixeron on line na casa, por falta de tempo

·         Avaliación dos mecanismos de avaliación e dos criterios de cualificación:

Na materia de Tecnoloxía a metodoloxía de avaliación fíxose coa entrega de traballos a través de Google Classroom que os profesores corrixían individualmente: cuestionarios on line, O proxecto que o alumnado desenvolveu en base a un conxunto de contidos e que documentalmente se expresou a través dunha memoria técnica, a libreta foi a través da entrega dun vídeo….Traballos corrixidos on line e devoltos con pequenas anotacións nas que se lle sinalaba os erros que tiña e que podían corrixir para mellorar a nota.

Os criterios de cualificación para cada instrumento de avaliación estaban claros e notificados ó alumnado desde principios de cada trimestre. Foron os mesmos para cada grupo de 2º ESO.

·         Propostas de mellora:

Coordinarse con outros departamentos como Plástica e Matemáticas en canto a contidos comúns para aplicalos a proxectos innovadores, así como seguir coordinándonos co departamento de Galego en canto a exposicións se refire.

   3º ESO TECNOLOXÍA

                Nivel e grupo: 3ºESO, todos os grupos

·         Profesor/a: Ana Moreiras

·         Número de alumnos/as, aprobados e porcentaxes:

·         Análise dos resultados:

En consoancia coa valoración xeral exposta anteriormente, queremos deixar constancia de que en 3ºESO os resultados da avaliación son acordes ós doutras materias. Os grupos A e B contiñan un alumnado profundamente desmotivado e xerouse unha actitude grupal de desidia e abandono que motivou numerosas intervencións do equipo docente ó longo do curso (sen moito éxito, lamentablemente). Os grupos D e E tiñan un alumnado de perfil competencial superior, máis motivado e con claro apoio familiar. O grupo C, tendo un alumnado menos preparado, logrou non obstante un bo clima de traballo, o que redundou en boas notas en xeral.

·         Estándares e contidos traballados no curso:

Os estándares non lingüísticos foron satisfeitos basicamente, para o cal recurrimos a unha metodoloxía de proxectos moi axustada ós contidos mínimos e á recuperación dos contidos do curso anterior.

Os estándares lingüísticos tan só se conseguiron parcialmente, e isto nos grupos que tiveron unha actitude máis positiva e pese a que se reducira notablemente a carga de vocabulario específico.

Os contidos foron aplicándose ó desenvolvemento dun único proxecto (maqueta dunha bioconstrución -domo), pero agrupáronse en temas:

• Technology: introduction, workshop, ICT. Properties and materials.
• Graphic design.
• Edificación e bioconstrución.
• Building materials.
• Electricity.
• Control and robotics.

·         Medidas de atención á diversidade aplicadas ó alumnado destes grupos:

Nos grupos A e B aplicáronse todo tipo de medidas: redución de contidos (lingüísticos e non lingüísticos), eliminación de probas de tipo exame, apoio individualizado en certos casos. Non foron suficientes, pero como xa indicamos antes, nestes grupos non funcionou nada do que se intentou desde as Titorías e Orientación, e iso que o equipo docente traballou arreo.

Nos grupos D e E buscouse a atención á diversidade en altas competencias, propoñendo a alumnado sobresaliente tarefas complementarias. Responderon excelentemente.

·         Avaliación dos materiais e recursos didácticos utilizados:

O boletín de traballo do curso simplificouse e reorientouse a contidos máis prácticos, inserindo máis imaxes. Paralelamente, as presentacións online que acompañan este boletín tamén se traballaron para facelas máis visuais e sinxelas.

O lector aportou presentacións e vídeos que o alumnado avaliou moi positivamente, e que foron de gran axuda para o desenvolvemento das aulas. Asemade, a súa formación eclética foi extremadamente valiosa para as clases de Tecnoloxía, xa que Denis ten coñecementos de carpintería e construción (os grandes bloques de traballo no proxecto deste ano). A súa actitude, sempre amable, didáctica e próxima, foi de enorme beneficio para canto alumnado quixo achegarse a el.

·         Avaliación dos mecanismos de avaliación e dos criterios de cualificación:

Na materia de Tecnoloxía a avaliación faise en base a un proxecto que o alumnado debe desenvolver e explicar graficamente, o que implica traballar de forma moi intensa non só a competencia científico-tecnolóxica, senón tamén, e ó mesmo nivel, a lingüística, dixital, social e artística.

Neste curso levamos a cabo metodoloxías de avaliación que a profesora observou nas súas estadías no estranxeiro, e o alumnado amosouse moi satisfeito. Cada produto que entregaron foi corrixido online e posto a disposición deles de novo para melloralo e subir nota, en cada trimestre. A tecnoloxía de Google Classroom facilitou moito este proceso, e o alumnado adaptouse perfectamente e foi visiblemente consciente da súa mellora ó longo do curso. A maioría dos rapaces e rapazas foron quen de facer memorias técnicas de calidade en xuño, ó tempo que deseñaron, crearon e perfeccionaron unha maqueta coa que facer tanxibles os contidos da aula.

Os criterios de cualificación para cada instrumento de avaliación estaban claros e son os mesmos (adaptados) en cada curso da ESO, polo que non desorientan ó alumnado.

·         Propostas de mellora:

Deseñar actividades máis enriquecedoras para que o alumnado adquira o vocabulario básico da materia en inglés.

Coordinarnos co departamento de Inglés para que o alumnado poida traballar nesas aulas os contidos lingüísticos da material de forma oral. Sería desexable que puidesen facer unha presentación conxunta con Tecnoloxía, como facemos coa materia de Galego.

4º ESO TECNOLOXÍA

       Nivel e grupo: 4ºESO

·         Profesor/a: Flor Domínguez (grupo con Matemáticas aplicadas) e Ana Moreiras (académicas)

·         Número de alumnos/as, aprobados e porcentaxes:

·         Análise dos resultados:

En 4º adaptámonos á diversidade creando proxectos de moi diferente natureza. Deste xeito, tivemos desde grupos de alumnado traballando en Arduino ata rapaces que simplemente montaron elementos nas obras do Club de Ciencia. Deste xeito, todo o alumnado estivo máis ou menos motivado e puido aprobar o 100%.

·         Contidos traballados no curso:

Os estándares traballáronse na súa totalidade agrupados nas seguintes unidades:

• Electrónica analóxica: traballo combinando teoría e prácticas en protoboard.
• Electrónica dixital: cálculos teóricos e aplicacións prácticas.
• Instalacións do fogar: investigación teórica e aplicación en montaxe práctica.
• Historia da Tecnoloxía: investigación teórica e proposta lúdica de autoavaliación.
• Control e robótica: traballo con Mbots.
• Sistemas de comunicación: proxecto de taller e e presentación oral.
• Pneumática e Hidráulica (opcional): proxecto de taller.

·         Medidas de atención á diversidade aplicadas ó alumnado destes grupos:

Como se indicou na valoración xeral, o alumnado viña en xeral desmotivado e cunha actitude moi negativa de cara ó traballo. Isto viuse incrementado porque este alumnado, o curso pasado, era xa dun perfil competencial sorprendentemente baixo en liñas xerais.

No grupo de académicas aplicouse reforzo individualizado a algún alumno ata que chegamos á conclusión de que a súa falta de traballo era unha cuestión puramente actitudinal. Este alumnado suspendeu a maioría das outras materias. Non debera ter chegado a 4º, pero o aprobado xeral da pandemia condiciounou a situación.

No grupo de aplicadas a un alumno con TDHA atenduese con traballo individualizado e centrado en traballos prácticos.

·         Avaliación dos materiais e recursos didácticos utilizados:

O boletín de traballo do curso simplificouse e reorientouse a contidos máis prácticos, inserindo máis imaxes. Paralelamente, as presentacións online que acompañan este boletín tamén se traballaron para facelas máis visuais e sinxelas.

Traballamos na mellora e substitución de partes dañadas nos Mbot, que tras 2 anos sen ser utilizados tiñan mal funcionamento.

Seguimos colaborando co departamento de Galego no desenvolvemento de probas orais, o que supón unha mellora pedagóxica.

·         Avaliación dos mecanismos de avaliación e dos criterios de cualificación:

Na materia de Tecnoloxía a avaliación faise en base a un proxecto que o alumnado debe desenvolver e explicar oralmente (presencial ou en vídeo), o que implica traballar de forma moi intensa non só a competencia científico-tecnolóxica, senón tamén, e ó mesmo nivel, a lingüística, dixital, social e artística. A desescolarización debida á pandemia fixo que o alumnado non tivese as destrezas básicas, e houbo que incidir en aspectos que normalmente non son precisos neste curso.

Os criterios de cualificación para cada instrumento de avaliación estaban claros e son os mesmos (adaptados) en cada curso da ESO, polo que non desorientan ó alumnado.

·         Propostas de mellora:

Desenvolver unha rúbrica máis precisa para a valoración das probas orais, e coordinarnos con outros departamentos para as mesmas (Sociais, Lengua, Inglés, etc.).

4º ESO TICs

Nivel e grupo: 4ºESO

·         Profesor/a: Flor Domínguez e Ana Moreirass.

·         Número de alumnos/as, aprobados e porcentaxes:

·         Análise dos resultados:

Só un alumno con absentismo escolar e abandono suspendeu a materia por non entregar as actividades que se lle pedían ó longo de todo o curso. En setembro, recuperará a materia coa entrega dunha ficha de actividades.

·         Contidos traballados no curso:

Os estándares traballáronse na súa totalidade agrupados nas seguintes unidades:

• Computadores, redes, sistemas - Montaxe dunha computadora con placas Raspberry.
• Seguridade na rede - Instalación de antivirus e videotitoriais explicativos.
• Audio, imaxe e vídeo - Elaboración de cartaces e videopoemas.
• IA - Deseño de apps con App Inventor, incorporando módulo intelixencia artificial.
• Publicación nas redes. A webesfera. - Deseño dunha web con Glitch.

·         Medidas de atención á diversidade aplicadas ó alumnado destes grupos:

Como se indicou na valoración xeral, o alumnado viña en xeral desmotivado e cunha actitude moi negativa de cara ó traballo. Isto viuse incrementado porque este alumnado, o curso pasado, era xa dun perfil competencial sorprendentemente baixo en liñas xerais.

As profesoras tivemos que estar moi enriba da maioría do alumnado para que desenvolvese as tarefas.

·         Avaliación dos materiais e recursos didácticos utilizados:

Desenvolvemos presentacións online coa teoría básica e links de ampliación e videotitoriais, pendurando todo na Google Classroom. Para o alumnado foi moi sinxelo seguir a materia cun nivel de autonomía do que estamos todos contentos.  

Colaboramos na elaboración de materiais para o proxecto STARgal (celebración das Letras Galegas a través de programación, robótica e audiovisual), o que aumenta a aprendizaxe significativa notablemente.

·         Avaliación dos mecanismos de avaliación e dos criterios de cualificación:

Cada unidade conlevaba un proxecto 100% práctico no que plasmar os coñecementos, e o resultado final era a corroboración da adquisición dos estándares. Apréndese facendo, e esta é a materia que máis claramente exemplifica este precepto.

En calquera caso, os criterios de cualificación para cada instrumento de avaliación estaban claros e o alumnado non tivo moitas dúbidas durante o proceso.

·         Propostas de mellora:

Facer aínda máis precisa a rúbrica da avaliación de produtos como o cartaz, o videopoema, a aplicación ou a páxina web.

VALORACIÓNS XERAIS - XUÑO

Pendentes

Co gallo de axudar a estes estudantes a prepararen as dúas probas parciais que se efectuaron, entregóuselles un boletín de exercicios para resolveren nas casas.

Destacar que os 2 alumn@s de 3º ESO coa materia de pendentes de 2º, non aprobaron durante os parciais, houbo que ir a buscalos á clase porque non se ían presentar. Na final de xuño non se presentaron.

Dos 4 alumn@s de 4º ESO coa materia pendentes de 3º, só 2 deles aprobaron por parciais. Os outros 2 alumn@s aprobaron na final de maio coa entrega dos exercicios dun boletín dos 2 parciais feitos.

4. Propostas para a revisión de:

4.1. A programación didáctica para o curso próximo

• Introdución de proxectos de taller que complementen os programas nos que entremos: Club de Ciencia, Espazo STEM, STARgal....
• Revisión dos contidos, de acordo co explicado no parágrafo anterior e según as modificacións introducidas no presente curso, e que se listan no apartado 2 desta memoria, vemos conveniente modificar algún contido, a saber:

• Implicarémonos máis coa programación e robótica engadíndolle o audiovisual nos nosos proxectos e maior uso da impresora 3D para os proxectos de taller.
• En 2º: eliminamos o bloque de “Enerxías” e certos aspectos de “Debuxo Técnico” (impártense respectivamente en Ciencias Naturais e Educación Plástica). Centrarémonos na linguaxe de programación.
• En 3º ESO trataremos de reducir os contidos teóricos, nomeadamente os relativos a materiais de construción (con 2 sesións á semana non da moito tempo para adicarnos a este tema). Centrarémonos no CAD e nas linguaxes de programación e robótica, deixando a electrónica para 4º.
• En 4º: crearemos proxectos diferenciados en función das aptitudes/actitudes do alumnado, de xeito que non todos os alumnos/as traballarán profundamente todos os contidos da materia. Os grupos farán exposicións orais dos seus proxectos para que os compañeiros adquiran os coñecementos mínimos.

• Recuperación de avaliacións suspensas: propoñemos continuar co método “repesca por parciais en xuño”.
• Exames e boletíns de exercicios: continuaranse mellorando os boletíns que actualmente están dispoñibles na web do instituto.
• Actualizaremos a Aula Virtual dentro da páxina web do IESP A Cachada e os contidos da Classroom, que foi creada este ano.
• Actividades extraescolares: intentaremos propoñer actividades que sexan coherentes, ademais de coa nosa Programación, coa doutros Departamentos, e buscar maior implicación do alumnado no exercicio das mesmas.
• Pestana web do departamento: seguirase na liña de adaptalo plenamente á nosa Programación, como así se comezou a facer este curso, e dotalo de enlaces a material útil para o estudo e a impartición da materia.
• Libros de texto: continuarase sen facer uso dos mesmos en tanto en canto non correspondan cos obxectivos pedagóxicos que nos plantexamos no Departamento.

ANEXOS

A1: Implicación do Departamento en proxectos interdisciplinares

1.1. STARgal21

STARgal é unha mostra de produtos dixitais e audiovisuais que se realizan co fin de conmemorar as Letras Galegas dun xeito máis innnovador. Organizámolo no centro desde o curso 2015/16 baixo a modalidade de Contrato Programa. En edicións anteriores levou premios de innovación educativa e lingüística.

Este ano tivo lugar ó longo de toda a mañá do venres 14 de maio. Por mor da COVID, todos os obradoiros tiveron lugar dentro das aulas. Nós intentamos que fose o máis interactivo posible, premiando ós rapaces e rapazas máis participativos, o que se certificou, como sempre, coa cartilla STARgal de cada quen. No seguinte vídeo, visualízanse as actividades desenvolvidas ó longo de toda a mañán.

Todas as sesións comezaron coa proxección dun dos 6 vídeos elaborados pola Academia, en orde cronolóxica de publicación, e a continuación propuxemos unha actividade na que o alumnado podía participar. Están todas explicadas na seguinte presentación.

No primeiro vídeo da serie fálase das orixes de Xela e da importancia que tivo na súa vida o ter asistido a un colexio da Institución de Libre Enseñanza, a Granxa Escola de Barreiros en Sarria.

Desde hai anos, este instituto traballa na mesma senda desa Institución:

O equipo de Biblioteca traballou arreo organizando actividades e favorecendo espazos de lectura. Este equipo en colaboración coas profes Silvia e Flor artellaron, un ano máis, unha colaboración co Centro de Día, para quen fabricamos uns brinquedos cos que agasallamos ós nosos maiores no mes de Nadal

 1.2. Club de Ciencia

No curso 2020/21 continuamos investigando sobre os conceptos de bioconstrución e entorno saudable que comezamos a estudar hai xa tres anos.

Coa incorporación da profesora Gloria Santos demos un paso na difusión de contidos, creándose unha canle en Instagram que nos permitiu ampliar o alcance das actividades realizadas. Grazas á participación da profesora de Plástica, Mónica Rivas, Tivemos por primeira vez un logo, e con el inauguramos un panel de difusión de contidos no centro.

Ó longo do curso, cada grupo de rapaces e rapazas traballou nunha área específica, elaborando un póster científico que se espuxo no taboleiro CdC_T e sobre o que lanzamos un concurso semanal.

Equipo Radon

Un equipo de alumnado de 1º e 2º ESO, coordinados por Flor Domínguez e Isabel Pelayo, participou no traballo de investigación sobre o radon nas súas vivendas seguindo o traballo desenvolvido neste centro en anos anteriores.

O alumnado levou o medidor de radon durante 1 semana e unha vez recollidos os datos leváronse a un mapa para determinar  as zonas con máis altos niveis deste gas radiactivo. Como información a destacar da investigación deste curso, atopamos  3 vivendas con máis de 600 Bq/m3.

 Equipo Calidade Aire: T, H e CO2

Un equipo de alumnado de 2º ESO, coordinado por Silvia Avilés e Nuria Martínez realizou medidas de temperatura, humidade e presión no IES, na Casiña dos Maios e no exterior, para comprobar as vantaxes enerxéticas e relacionadas co benestar higrotérmico das vivendas ecolóxicas.

Saíron durante varios recreos para tomar as medidas, que anotaban na folla de datos correspondente e que logo representaron mediante unha gráfica. Aprenderon a usar a estación meteorolóxica, a crear táboas e gráficas nunha folla de cálculo e a realizar un pequeno resumo de todo o traballo feito en Canva.

O equipo investigou sobre a ventilación das aulas, usando un medidor de CO2. A alta concentración deste gas indica unha mala ventilación, factor que se relaciona na actualidade a unha maior probabilidade de contaxios de COVID-19.

O alumnado situou o medidor nunha clase, sempre na mesma posición, e durante varias semanas anotaron os niveis de CO2 tres veces na mañá (primeiras horas, entre os recreos e ao final). Os datos recolleitos presentáronse nunha gráfica na que se vían os efectos das xanelas pechadas a determinadas horas.

O alumnado aprendeu a usar o medidor, a interpretar as medidas, realizar gráficas e coñeceu a importancia da toma e análise de datos para saber se un procedemento está a dar os froitos esperados.

Equipo Domótica

O alumnado de 4º ESO de Tecnoloxía desenvolveu un proxecto de Intelligence of Things (IoT) sobre unha placa de Arduino con conexión wifi, a placa Wemos.

Para isto, contamos coa axuda do enxeñeiro Rubén Beiroa e das profesoras Ana Moreiras e Flor Domínguez.

O alumnado programou a súa placa instalándolle un sensor de Temperatura e Humidade DHT11. A través do servizo web ThingSpeak, comprobaron que eran quen de acceder de forma remota ás lecturas efectuadas.

Os asistentes á charla crearon videotitoriais explicando o proceso, dos que escollimos pola súa calidade o do alumno Martín Tubío.

Equipo biovivenda

O alumnado de 4º Tecno, con Flor Domínguez e Andrés Ferreira, remozaron o invernadoiro reciclando as mamparas rotas que este ano se instalaron para a COVID.

Todo o alumnado de 3º Tecno, con Ana, deseñou e concibiu unha Biovivenda en forma de domo, elaborando a correspondente maqueta a escala. Para isto, proxectaron o espazo con TinkerCad e LibreCAD, tendo en conta unha localización real en base á que traballar os parámetros de confort e habitabilidade. Os resultados poden verse nesta presentación.

Equipo Ciencia Cidadá

O alumnado de 1º ESO BX do profesor Agustín Agra, desenvolveu unha investigación en torno a este concepto nas seguintes fases:

• Fase 1: Explicación teórica:

• Ciencia cidadá e a súa importancia.
• Aves e ciencia cidadá: eBird, base de datos de observacións sobre aves que proporcionan a científicos, investigadores e naturalistas aficionados datos en tiempo real sobre a distribución e abundancia de aves.
• Como recoñecer as 25 aves máis frecuentes na nosa contorna.

• Fase 2: saída ao campo por grupos

• 1ºE (18 alumnos). Venres, 30 de abril: desembocadura do Río Coroño.
• 1ºF (17 alumnos). Luns, 3 de maio: Praia Barraña.

Noutro equipo, o alumnado de TIC da profesora Ana Moreiras desenvolveu unha app para xeolocalizar niños de aves baseándose no traballo do IES David Buján, con quen tivemos unha charla no grupo de traballo de profesorado (pendente de ser subida a Google Play).

O equipo de Ciencias Aplicadas de Gloria Santos fixo unha investigación sobre microplásticos e contamiñación mariña.

1.3. Divulgación de contidos

Un ano máis, mantivemos a páxina web do centro nutrida, creando os blogs de Tecno e de Club de Ciencia, e a páxina de STARgal. Tamén publicamos na pestana Xanela, na web de álbum de fotos Flickr e nas redes sociais Facebook, Twitter e Instagram.

2: Outras actividades complementarias e extraescolares

A3: Exames setembro. Contidos mínimos.

2ºESO

TECNOLOXÍA. CONTIDOS MÍNIMOS SETEMBRO 2ºESO. CURSO 20/21

Recomendacións dos profesores:

• Para o exame de setembro, mirar os contidos e exercicios da libreta de clase así como do boletín ,entregado a principios de curso e colgado na aula virtual (centrarse nas vistas de pezas (alzado, planta e perfil), escalas, acoutamento, de cómo se realiza unha folla de proceso, un orzamento, recoñecer tipos de estruturas, cálculo de mecanismos (relación de transmisión, velocidade de xiro..), sentido de xiro dos mecanismos, Lei da panca, cálculo de magnitudes eléctricas (Lei de OHM), circuito serie e paralelo (resolución de problemas), cálculo de enerxía e potencia eléctrica, análise do funcionamento dun circuito eléctrico, simboloxía dun circuito eléctrico, asociación de pilas e baterías.
• Na aula virtual tes colgadas as presentacións de cada unidade.

Para recuperar a materia de Pendentes de 2º ESO  o alumnado debe superar unha proba con este exame.

3ºESO

Axudaranse do boletín para a realización da proba.

4ºESO

Non hai exame. Recuperación da materia coa entrega do boletín 

TICs

Non hai exame. Recuperación da materia de TICs coa entrega de actividades encomendadas nunha ficha