ქართული ენა და ლიტერატურა

  კომპლექსური დავალება N 1

სამიზნე ცნება: ,,ოჰ, ეს მშვენიერი, საოცნებო ზაფხული“...

ქვეცნებები: ზაფხულის თემის  გააზრება, პირადი დამოკიდებულების გამოხატვა, საკუთარი თვალსაზრისის ახსნა, თემის გადმოცემა სხვადასხვა ხერხით.

ზაფხულის არდადეგები ერთ-ერთი საოცნებო და საოცარი პერიოდია თქვენთვის. ბევრი ვისაუბრეთ იმ საოცარ ადგილებსა თუ მოგზაურობაზე, დაუვიწყარ შთაბეჭდილებებზე, მხიარულ დღეებზე, რომელიც ზაფხულის არდადეგებზე გაატარეთ თქვენ და თქვენმა თანატოლებმა მოთხრობებიდან: ნიკიფორემ, გუჯამ, გოჩამ, ანომ და მანომ... საინტერესო იქნება თქვენს მიერ ერთად აკინძული ზაფხულის მშვენიერი მოგონებები, თავის ჩანაწერებით, ნახატებით, ფოტოსურათებით თუ თქვენს მიერ სათუთად შექმნილი ჰერბარიუმებით.

 კომპლექსური დავალების პირობა:

შექმენი რამდენიმე გვერდიანი  ,,მოგონების დღიური“ და გააფორმე სურვილის მიხედვით.

შენს მიერ შექმნილ დღიურში უნდა ჩანდეს:

• ზაფხულის არდადეგებზე გატარებული ყველაზე დასამახსოვრებელი დღის ( ან დღეების) ამბავი;
• ამბის ამსახველი ჩანახატი ან ფოტოსურათი;

პრაქტიკული რჩევები კომპლექსურ დავალებაზე მუშაობისას:

• ამბავის ჩანაწერი გააკეთე თაბახის ფურცელზე;
• მოიძიე ფოტოსურათები და გააკეთე კოლაჟი თაბახის ფურცელზე;
• ყდისთვის გამოიყენე მუყაო.
• გამოიყენე ყველა მასალა, რაც შენს მოგონებებში ზაფხულთან ასოცირდება.

უპასუხე შეკითხვებს: ( რეფლექსია)

• როგორ დაგეხმარა შესწავლილი მასალა დღიურის წარმოებაში?
• როგორ ფიქრობ, სასურველი არდადეგები გქონდა?
• დაგეხმარება თუ არა მოგონების დღიური მომავალი ზაფხულის დაგეგმვაში? როგორ?