PRENTSA OHARRA

Eibar 2019/05/09

Maiatzaren 9an, EHIZE-k (Helduen Hezkuntzako Ikastetxeetako Zuzendarien Elkarteak) deituta, Eibarren bildu gara Helduen Hezkuntza Ikastetxeetako zuzendaritzak, ikasleak eta irakaskuntzako sindikatuak.

Bileraren helburuak hauek izan dira: Hezkuntza Sailak Helduen Hezkuntzarako (HH) dituen planteamenduak eta proposamenak ezagutzera eman, eztabaidatu eta, horren aurrean, zein jokabide hartu.

Argi eta garbi ikusi dugu administrazioaren asmoa Helduen Ikastetxeen hezkuntz-eskaintza eta potentzialitatea murriztea dela, eta ikastetxe publikoen izan beharko lukeen lana elkarte pribatuei eman.

Honen aurrean zera aldarrikatu nahi dugu:

• Helduen Hezkuntzan tratu bera izatea irakaskuntza Arautua (titulaziora daramana) eta Ez Arautua (Bizialdi Osorako Ikaskuntza)
• Zerbitzu Publikoa defendatu eta indartu
• Negoziatu eta adostu Helduen Hezkuntzako eredua eta, ondorioz, ikastetxeen antolaketa eta beharrak

Gure kezkak eta aldarrikapenak plazaratzeko, eta bildutakoen proposamena onartuz, konzentrazio baterako deia egiten dugu maiatzaren 21ean Lakuan, Jaurlaritzaren aurrean.

EHIZE (Helduen Hezkuntzako Ikastetxeetako Zuzendarien Elkartea)