Programazioa GHZ Administraritza eta Finantzetako Gaitasunen Maparen arabera egina dago. (Gaitasunen mapa Programazioa)

METODOLOGIA:

A Aukera: Mistoa (modulu guztia ez da erronka bidez lantzen)

Ohiko klaseetan metodologia komunikatiboa erabiliko da, ikasleen parte-hartzea sustatuz.

Ohiko saio hauetan, testuliburua landuko da.

Azken hiruhilekoan diziplinarteko proiektu bat badago, hiruhileko horretan ohiko klaseez gain moduluaren atal bat erronka bidezko metodologia aktiboekin, proiektu baten bidez, landuko da.

Erronka bidezko metodologia erabiltzen denetan, gaitasunak lantzeko erabiliko den metodologia elkarlaneko ikaskuntza da. Talde txikietan jarduera anitzen bidez erronka bati aurre eginen diote, taldeka zein banaka landu beharko dutena. Bide honetan eduki espezifiko zein zeharkako konpetentziak barneratuko dira, ikaslea izanik ikaste prozesuaren protagonista.

Erronkak, ingurune erreal batetara bideratuko dira, etorkizuneko lanetan aplikatuko dituzten eragiketa eta bizipenetan trebatze asmoz.

Erronka ikasleei aurkezten zaien unean, Canvas orria zein bertzelako ebaluazio tresna eta prozedurak zehaztuko dira.

EBALUAZIOA:

EBALUAZIO IRIZPIDEAK:

Administrazio eta Finantzetako goi mailako teknikari tituluari dagokion curriculumean ezarritakoak.

Lanbide Heziketako ikasleen ebaluazioa, titulazioa eta ikasketen egiaztapen araudian ezarritakoak.

Ebaluazioa Elizondo Lanbide Eskolako Administraritza departamentuko homogeneizazio erabakien arabera eginen da.

Ikasle Arruntak

Asistentzia, jarrera, egindako lana eta jabetutako edukiak baloratuko dira.

Ebaluazioa jarraia denez, azterketak globalak izango dira.

Egin beharreko lanak epe jakin baterako eta modu egokian aurkeztu beharko dira. Epe barnean ez aurkeztekotan, 0 bat izanen du lan horretan.

Ikasle bat ez bada azterketa batera azaltzen, egiaztagiri medikua aurkeztu beharko dio ingeles irakasleari beste momentu batean azterketa egin ahal izateko.  

Azterketan kopiatzen duen ikasleak, azterketan zero bat izango du.

Ebaluazio batean ebaluazio jarraiturako eskubidea galtzea

Hori gertatuko zaio ebaluazio batean dagoen saio kopurutik %25era edo gehiagotara (justifikatu gabe) huts egiten duen ikasleari. Egoera honetan aurkitzen den ikasleak ebaluazio amaieran egin beharko duen azterketa orokor batean jokatuko du ebaluazioko nota bere osotasunean. Hori horrela, ebaluazio bakoitzean zenbat hutsegiterekin gertatuko litzatekeen hau, jarraian azaltzen da:

1. ebaluazioa (2024/09/11- 2024/11/22): 49 saio (13 galduz gero)

2. ebaluazioa (2024/11/25- 2024/02/28): 55 saio (15 galduz gero)

EBALUAZIO SISTEMA:

Etengabeko ebaluazioa

Indarrean dagoen legeari jarraikiz eta aipatutako metodologiaren baitan ondoko arloak ebaluatuko dira.

3 arlo hauetako bakoitza gainditzea beharrezkoa izango da ebaluaketa gainditzeko.

Hiruhileko bakoitzeko nota nola ateratzen den:

1) Azterketa idatzi edo ordezko lanen bidez: %60

Trebezia guztiek pisu berbera izango dute.

2) Egindako lanak eta ariketak: %20 

Gelan emandako erantzun zuzen bakoitzak positibo bat emango du, erantzun oker bakoitzak negatibo bat, eta emandako erantzun guztien artetik zuzenek suposatu duten ehunekoak, arlo honen nota.

3) Jarrera: %20

- Negatiborik ez = 10.

- Negatibo bakoitzak -1 (atal honek balio dituen 10 puntuetatik).

- 3 arlo hauetako bakoitza gainditzea (=5) beharrezkoa izango da ebaluaketa gainditzeko.

Erronketan  hiru arloak ebaluatuko dira, horretarako prestatutako ebaluazio tresnen bidez.

Moduluaren azkeneko nota:  

3 ebaluazioen batez bestekoa, eta hirurek balio bera.

Noten borobiltzea:

Soilik 5etik gorako notetan egingo da, eta “,5etik” aurrera (4,99 = gainditu gabe / 5,5 = 6).

Berreskuratzeko modua: 

Ebaluazio jarraia denez, ez da aurrez gainditu gabeko ebaluazioen berreskurapen azterketarik egonen, hurrengo ebaluaziokoa gainditzearekin nahikoa izango delarik gainditu gabeko aurrekoa(k) berreskuratzeko (5eko notarekin berreskuratuko d(ir)elarik). Salbuespena 3. hiruhilekoa izango da, hor bai berreskurapena egingo delako.

Deialdi arruntean ikasgaia gainditu ezean, ekainean ikasgaia berreskuratzeko aukera egongo da. Berreskurapen azterketa prestatu ahal izateko, ikasturte osoko gaitegitik gramatika eta hiztegi eduki garrantzitsuenak zeintzuk diren zehaztuko zaie. Gaindituz gero, nota gehienez 5 izanen da.

ETENGABEKO EBALUAZIO ESKUBIDEA GALDU DUTEN IKASLEAK

Bi deialdietan ebaluatua izateko eskubidea izanen du.

Ebaluazio bukaeran, deialdi bakoitzean, azterketa egin beharko du eta ikasgelan proposaturiko lan guztiak aurrez aurkeztu beharko dizkio irakasleari azterketetara aurkeztu ahal izateko.

Lan eta azterketa bakoitzak notan duen pisua kontutan harturik osatuko da ebaluazioko nota, hau da, %50 bakoitzak. Ebaluazioko nota gehienez 5 izango da.

AINTZINEKO IKASTURTEKO MODULUEN BERRESKURAPENA

Orain dauden mailako 1. ebaluazioa gaindituz gero, gainditu gabeko aurreko ikasturteko ikasgaia gaindituta geratuko da 5 batekin. Lehendabiziko ebaluazioa gainditzen ez bada, ordea, martxoa baino lehen azterketa orokor bat egin beharko da. Bertan, aurreko ikasturteko ikasgaiko gramatika eta hiztegi eduki guztiak sartuko dira, eta entzumenaren eta irakurmenaren frogak ere izango dira. Ikasgaia berreskuratzeko ez da azterketa honetako atal bakoitza gainditu beharko, baizik eta azterketa bere osotasunean hartuta (ikasgaia gehienez 5eko notarekin berreskuratuko da).

ANIZTASUNARI AURRE EGITEA

Premia bereziak dituzten ikasleak: ikus ebal/titul araudia 6 art (d) eta 7 art.

Erdi-Goi mailetako araudia

Orientatzailearekin aztertuko dira ikasteko premia bereziak dituzten ikasleekin hartuko diren neurriak.

MATERIAL ETA BALIABIDE DIDAKTIKOAK

Testuliburua(k): Burlington Books - Burlington Professional Modules  - Business Administration & Finance - Student’s Book

Gelako tresneria, ekipoak: Curriculumak eskatzen duen baliabideekin hornitutako ikasgela. Batik bat, beharrezko softwarea, ordenagailuak, proiektorea eta pantaila.

JARDUERA OSAGARRIAK ETA ESKOLAZ KANPOKOAK

Ez da ikasgaiari loturiko jarduera osagarririk egingo, baina berez ikasgairi dagozkion eskola orduetan ikastetxeak antolaturiko jarduera osagarririk egongo balitz ikasgaiaren eskola ordu horien ordez, jarduera osagarri horretara joatea derrigorrezkoa izango da hiruhilekoa gainditu ahal izateko. Izan ere, ziurtagiri ofizialik aurkeztu gabe jarduera osagarri batetara huts eginez gero, hiruhilekoa gainditu ahal izateko derrigorrezkoa izango baita hutsegite hori konpentsatzeko lan bat egitea, jarraian azaltzen den modura.

Jarduera osagarriak errekuperatzeko tresna:

• Jarduera zehatz bakoitzarekin loturiko eta moduluko irakasleak zehazturiko lana egin beharko da. Maila guztientzat gutxieneko lana:

• 10 orrialde, Arial 12 tamainan. Maila bakoitzean zehazturiko gutxieneko eskakizunekin.
• Taldearen aurrean aurkezpena egin, material digitala eta ahozkoa sortuz.

LORPENEN ADIERAZLEAK

Ikastetxeko kalitate sistemaren arabera programazio honen garapena onargarria izanen da ondorengo emaitzak lortuz gero:

• Ebaluazio bakoitzean emandako gaiak: Gutxienez, programatutakoaren %85.
• Ebaluazio bakoitzean emandako orduak: Gutxienez, programatutakoaren %90.
• Ebaluazio bakoitzean izandako gaindituen kopuruak: Gutxienez ebaluatutako ikasleen %65.

Hala ez balitz, ebaluazio saioan aztertuko da desadostasunaren zergatia eta konponbiderako neurriak ezarriko dira.