ГОДИШЕН ИЗВЕШТАЈ И ИЗВЕШТАЈ ПО

ЗАВРШНА СМЕТКА ЗА 2010 ГОДИНА

на Заедницата на сопственици на

станбената зграда со адреса

ул. Вич 28 Скопје

Заедницата на сопственици ја регистриравме во Централниот регистар на Република Македонија на ден 13.01.2010 година. Потоа започнавме постапка за отварање трансакциска (жиро) сметка во Стопанска банка Скопје под број 200002040183726. Постапката заврши на 02.03.2010 година кога беше извршена првата уплата на нашата сметката.

Согласно законските прописи Претседателот на заедницата еднаш годишно доставува извештај за работата до собирот на сопственици. Воедно, по истекот на годината се поднесува годишна сметка, по старо наречена завршна сметка. Овој извештај во себе ги сублимира годишниот извештај и извештајот по завршната сметка.

Иако сметката на заедницата започна да функционира од 02.03.2010 година, оваа Годишна сметка го покрива периодот од 05.01.2010 до 31.12.2010 година, согласно Планот за одржување. Сите приходи и расходи се планирани и реализирани за периодот 05.01.2010 до 31.12.2010 година.

Во Март 2010 доставивме пресметки за првите три месеци, а фактурите за добиените услуги за тие месеци ги имавме претходно добиено.

Со Планот за одржување за периодот од 05.01.2010 до 31.12.2010 година предвидено беше да се остварат приходи и реализираат расходи во вкупен износ од 244.980,00 денари. Со планот не беа опфатени приходите и расходите за заедничката струја (по новите прописи од Април 2010 и наша одлука од Мај 2010), побарувањата од стариот куќен совет, закупнината за кровот (договор од Ноември 2010)  и слично. Сите овие нови позиции се опфатени во Годишната сметка и подолу во овој извештај со што е направена нова проценка на приходите и расходите според која истите се во висина од 365.654,00 денари.

ПРИХОДИ

Остварувањето на приходите на заедницата на сопственици е регулирано со Договорот за заемни односи и Планот за одржување за 2010 година, кои ги усвоивме со гласање. Согласно наведените акти изворите на средства се:

1. Месечни надоместоци за одржување - За покривање на месечните трошоци за одржување на зградата од 1-ви до 10-ти во месецот се доставуваат месечни пресметки на трошоци. Пресметките се подготвени согласно Законот за домување во кој е предвидено плаќање по м2. Истото е предвидени и со член 9 точка 3, од Договорот за заемни односи. Со планот за одржување предвидовме да плаќаме по 3,95 денари по м2.

2. Ненаплатени приходи од претходен период  -  Одредени сопственици на станови имаа неисплатени обврски кон стариот Куќен совет. Овие обврски станаа дел од планираните приходи на заедницата за 2010 година.

3. Надоместок за заеднички потрошена електрична енергија - Во текот на 2010 година се смени начинот на наплата на средствата за потрошена електрична енергија за станбени згради. Поради тоа се наметна потребата средствата да ги собираме преку заедницата на сопственици, а потоа да ги исплаќаме на ЕВН.

4. Закупнини – Со Т-Мобиле склучивме договор за издавање под закуп на дел од кровот. Месечната закупнина изнесува 300 Евра, а закупот започна од 01.11.2010 година.

5. Камата на средствата – редовна камата која се добива по основ на средства депонирани во банка.

Од сите горенаведени извори на средства за 2010 година планиравме вкупни приходи од 365.654,00  денари, фактуриравме вкупни приходи од 365.424,50 денари, а наплативме приходи во висина од 270.777,00 денари и тоа:

На крајот на годината ненаплатени останаа 94.647,50 денари, односно 25,9% од фактурираното. Причина за тоа е каснењето со плаќањето кај дел од комшиите, но тие сепак плаќаат па до 22.02.2011 наплатата стигна до 86,78%.

Вистинскиот проблем се комшиите кои воопшто не плаќаат. Тие ги користат сите услуги кои ги обезбедуваме ние што плаќаме – лифтови, светло, струја за пумпите за парно греење и за вода, а за тоа ништо не плаќаат!

Посебен проблем се дуќаните 2, 3 и 7 (Славија и Карпош) бидејќи во моментот реално не се знае кој е сопственик и од кого да се наплатат приходите.

РАСХОДИ

Расходите ги реализиравме согласно Планот за оджување, на начин предвиден со законските прописи, исклучиво преку трансакциска (жиро) сметка. Заедницата на сопственици, согласно законските прописи, е регистрирана како правно лице во Централниот регистар и истата е под надзор на државните органи, односно УЈП, инспекции и слично.

За 2010 година планиравме вкупни расходи од 365.654,00 денари, добивме фактури за  265.687,50 денари, а исплативме 242.506,50 денари и тоа:

Тековно одржување

1. Тековно одржување хигиена во зградата – услугата ја добиваме од фирмата „4-ст Комерц“ ДООЕЛ – Скопје која е ангажирана последните 10 години. Месечен трошок 4.800 денари. Плативме 48.000 денари (исплатена обврска - 83%).

2. Тековно одржување на лифтови – ангажиравме нова фирма - „Вардар лифтови“ од Скопје со која склучивме договор за одржување на лифтовите.

Во рамки на месечниот паушал од 3.540 денари добиваме месечен редовен сервис и помали вонредни интервенции – одглавување лифтови и ситни поправки. Плативме 42.480 (исплатена обврска - 100%).

Инвестиционо одржување 

Планиравме да се обезбедат околу 96.861 денари (37.360 денари од месечните пресметки, околу 23.600 денари од стари побарувања и околу 36.901 денари кирија од Т-мобајл), но наплатени се околу 76.000 денари.

Трошењето на средствата за инвестиционо одржување се планираше да се реализира за следните намени: санација на капењето масло во лифтовите со вградување специјални делови, средување на кабините на лифтовите (облагање ѕидови со ламинатни табли, поставување огледала, облагање подови со соодветен материјал и сл), замена на искршени стакла во влез и ходници по спратови, поставување капаци на излезите од скривницата и инвестиционо одржување на лифтови и инсталации.

Заради неможноста да се наплатат сите приходи средствата не беа доволни за реализација на планот па исплатата беше како што следи:

а) инвестиционо одржување

- за поголеми поправки и резервните делови за лифтовите добивме фактури на 17.228 денари, а исплативме 14.278 (83%).

б) пренамени за други неопходни расходи

-За исплата на фактурите од ЕВН се пренаменија околу 22.550.

-На крајот од годината започнавме со откупот на дворното место. За тоа обезбедивме 19.430 денари кои ги зачувавме и пренесовме во 2011 година за исплата на фактурите за елаборати за откуп.

-Остатокот од 16.792 денари се пренамени за покривање на трошоците за тековно одржување и управување кои беа планирани со помал износ од реалниот.

Управување

1. Банкарски услуги - Стопанска банка – Скопје преку која се одвива финансиското работење на заедницата. Месечниот трошок за водење на сметката изнесува 200 денари, плус 20 денари за секој извод (ако се повеќе од 10 месечно), плус провизија на трансакции по ценовник – збирно околу 500 денари месечно. Плативме 4.427 денари (исплатена обврска - 100%).

2. Водење сметководство на Заедницата на сопственици - сметководствено биро „Го-До-Трејд“ – Скопје со кое имаме склучено договор за вршење сметководствени услуги по цена од 1.500 денари месечно. Подготовката на завршната сметка е пресметана во месечниот износ. Трошоците за регистратори и формулари се фактурираат дополнително (вкупно 200 денари во 2010 година). Плативме 16.700 денари (исплатена обврска - 100%).

3. Управување - 20% од средства кои се наплатени. Планирано 79.403 денари, створена обврска 54.160 денари, платено 54.160 денари (исплатена обврска - 100%).

Други тековни трошоци

Ситни набавки – сијалици, пликови, фотокопирање (месечни пресметки, извештаи, писма, опомени), поштарина (приговори, жалби) и слично. Плативме 3.500 (платено 100%).

Резервен фонд

Формирањето Резервен фонд е законска обврска. Ги резервиравме и пренесовме во 2011 година сите средства кои ги наплативме за оваа намена - вкупно - 8.840,50 денари (100%).

ЕВН

Добиени фактури од ЕВН на вкупен износ од 69.606,50,  исплатени 58.975,50 (85%).

На крајот на годината на жиро сметката имавме салдо од 28.270,50 денари (19.430 за елаборати и  8.840,50 резервен фонд) кое го пренесовме во 2011 година. (Платените 242.506,50 денари плус пренесеното салдо од 28.270,50 денари е еднакво на наплатените приходи во висина од 270.777,00 денари!)

Сметководствено гледано во 2010 година заедницата оствари вишок на приходи од 99.737,00 денари, но најголем дел од тоа се ненаплатени побарувања од 94.655,50 денари. Поради наведеното јасно е зошто реализацијата на планот за инвестиционо одржување е само 18,4%.

Среќна околност е што на вишокот приходи не плаќаме данок.

Во февруари 2011 година ангажиравме адвокат кој ќе поднесе тужби против сите кои должат кон заедницата. Редоследот на тужење зависи од висината на долгот и расположивите средства на заедницата.

        Скопје, 24.02.2011 г.

                                                                        Претседател,

                                                                Александар Топаловски с.р.