Ildo pedagogiko eta didaktikoak ikasleen gaitasun bidezko ikaskuntzari, metodologiari, ebaluazioari eta zeharka lantzen diren edukiei egiten die erreferentzia.

Ildo pedagogiko didaktikoa abenduaren 29ko 3/2020 Lege Organikoak aldatutako Hezkuntzari buruzko maiatzaren 3ko 2/2006 Lege Organikoan jasotako Ikastetxearen Hezkuntza Proiektuan eskatzen den elementuetako bat da.

Elizondo Lanbide Eskolako ildo pedagogiko eta didaktikoa ondorengo atalek definitzen dute.

Ikastetxeko metodologia didaktikoa, metodologia kolaboratzaileen bidetik doa. Gure eskolan metodologia kolaboratzaileak proiektu eta erronken bidez gauzatzen dira. Erronka eta proiektu hauek modulukoak, modulu artekoak edo ziklo artekoak izaten dira.

Metodologia kolaboratzaileekin ondorengo helburuak lortu nahi dira:

• Zikloan lantzen diren eduki eta gaitasunak errealitatera gerturatzea.
• Ikasleak beren ikasketa prozesuaren subjetu bilakatzea euren parte hartze aktiboago baten bidez.
• Zikloko modulu ezberdinetan lantzen diren ikaskuntza emaitza eta edukien arteko erlazioa praktikan jartzea.
• Gaur egun lan munduak eskatzen duen talde lanerako gaitasunean trebatzea.
• Errealitatea ikasketa prozesura gerturatuz eta ikaslegoaren parte hartze aktiboago baten bidez ikaslegoa motibatzea.

        Bestalde inplikatutako modulu edo ziklo kopurua edozein dela ere, proiektuak bi multzotan bereizten ditugu. Batetik proiektu arruntak edo Kimua proiektuak eta bestetik Ikasketa Zerbitzu Solidarioko (IZS) proiektuak.

Kimua proiektuetan produktuak irakasleak finkatzen ditu eta helburu didaktikoa besterik ez dute.

Ikasketa Zerbitzu Solidarioko (IZS) proiektuek aldiz, goian aipatutako helburuez gain, Baztan Bidasoari zerbitzua ematea dute helburu. Horrela proiektu hauetan produktuak inguruko instituzio eta eragileek finkatzen dituzte. Enkargu hauek egiteko prozedura bat finkatua dagoelarik (IZS prozedura).  

Hala eta guztiz ere, gaitasun eta eduki guztiak ez dira proiektuen bidez lantzen. Ikasketa prozesu egoki baterako metodologia kolaboratzaileez gain bestelako metodologiak beharrezkoak direlako. Beraz dena ez da proiektu eta ez da lantalde. Bakarkako lanerako tarteak erabiltzen ditugu besteren artean lan taldetan aportatu aurretik norberak bere tartea behar izaten duelako eta zenbait jakintza edo gaitasun garatzeko bakarkako lana egokiagoa delako.

Ikasleen ebaluazioa, indarrean dagoen araudia jarraiki egiten da.

• Oinarrizko mailako zikloen ebaluazio araudia.
• Erdi mailako eta goi mailako zikloen ebaluazio araudia.

Ebaluazioari dagozkion atal guztiak modulu bakoitzaren programazioetan bilduak daude (ebaluazio irizpideak, etengabeko ebaluazioa, ebaluazio jarraia galdua duten ikasleen ebaluazioa, berreskuratzeko modua eta aitzineko ikasturteko moduluen berreskurapena). Programazio guztiak publikoak dira eta ikastetxeko web orrian zintzilikatuak daude, programazioen atalean.

Bestalde ebaluazioa mailaka homogenizatua dugu eta horrela isladatzen da moduluetako programazioetan.

Ikastetxean gaitasunetan trebatzeak ebaluazioan garrantzi handia du. Hori dela eta ziklo guztietan  gaitasunen ebaluazioa homogenizatua dago, maila bakoitzean pisu ezberdina duelarik. Gaitasunen ebaluazioa maiztasunez egiten da eta ikasleek eskuragarri dute informazio hori. Izan ere, helburua ikasleek beraien gaitasunetaz jabetzea da eta hobetzekoak dituztenak identifikatzea. Ziklo guztietan baloratzen diren gaitasunak; antolaketa, ekimen sortzailea, autonomia, ardura eta inplikazioa, lankidetza, komunikazioa eta gaitasun digitalak dira. Hauetaz gain zenbait ziklok duten ezaugarriengatik beste gaitasun batzuk ere ebaluatzen dituzte; seguratsuna,...

Gaitasun teknikoak eta zeharkakoak lantzeaz gain beste hainbat zeharkako eduki lantzen dira ikasturtean zehar antolatzen diren hainbat ekimen eta jardueretan:

• Jasangarritasuna: ikasturtero erdi mailako lehen mailetan Baztango Udalarekin batera ikasleei kontzientziaziorako tailerrak eskaintzen zaizkie. Bestalde eskolak hainbat konpromezu hartu ditu arlo honetan (eskola jasangarria)

• Hezkidetza: ikasturtero hainbat ekimen burutzen dira efemeride ezberdinen bueltan (azaroak 25 eta martxoak 8). Bestalde ikastetxea “Skolae” programaren barruan dago eta honen haritik hainbat jarduera burutzen dira.

• Euskara: euskararen erabileraren sustapenerako ekimen ezberdinak burutzen dira ikasturtero. Erdi mailako lehenbiziko mailei UEMA bidez kontzientziaziorako tailerrak eskaintzen zaizkie. Horrez gain, euskararen erabilera txapelketak antolatzen dira ikastaldeak sarituz. Korrika eta Euskaraldian ere komunitate gisa parte hartzen da.

• Memoria historikoa: ikastetxea “Memoriadun eskolak” programaren barruan dago eta honek eskaintzen dituen ekimenetan parte hartzen du. Bestetik proiektu ezberdinetan memoria historikoa txertatzen saiatzen gara eta ikasle guztiekin jarduera osagarriren bat gai honekin lotua izaten da.

        Aipatzekoa da ere Oinarrizko Mailako ikasleekin beste hainbat zehargai lantzeko burutzen diren tailer, hitzaldi,... Hala nola ziberjazarpenaren prebentzioa, bide-segurtasuna,...

Proiektuen gestioan antolaketak duen garrantzia dela eta, eskolan irakasle lantaldeak sortzen dira eta metodologien dinamizatzailea izendatzen da. Bai dinamizatzailea bai lantalde bakoitzeko partaideak zuzendaritzak izendatzen ditu. Lantalde hauen partaideak ikasturte amaieran aurrikusten dira hurrengo ikasturtean programatu diren modulu edo ziklo arteko proiektuen arabera.

Ikasleen taldekatzeari dagokionez, orokorrean bi taldekatze modu erabiltzen ditugu. Zenbaitzutan taldekatzea ikasleek beraiek egiten dute eta beste batzuetan irakasleak edo irakasle taldeak egiten du (modulu artekoetan).

• Talde anitzak: ikasleen gaitasunak, generoa eta aniztasun irizpideak kontutan hartuz aniztasuna duten taldeak.

• Talde homogenoak: ikasleen errendimenduaren araberako taldekatzeak dira. Batik bat zikloa aurrera joan ahal eta zenbait ikaslek taldearen babesean errendimendua nabarmen jeisten dutela ikusirik, errendimendu homogenoko taldekatzeak egiten dira.

Eskolako estrategia digitala Ikastetxeko Plan Digitalean du oinarria. Helburua ikasle eta irakasleak erreminta digitaletan trebatzea da eta taldean lan egiteko erremintak erabiltzen dira.

Hasierako proiektuetan oinarrizko erremintekin lan egiten da pixkanaka trebatzen joateko. Hala nola drive, unitate partekatuak, dokumentu partekatuak, ikasgela (classroom), etab.

Poliki-poliki erreminta gehiago erabiltzen dira zikloaren eta proiektuaren beharraren arabera. Adibidez egutegia (calendar), sites, simulagailuak, etab.