Starfslýsing fyrir matráð í Álfaborg/Valsárskóla
Það er einn matráður í Álfaborg og Valsárskóla og lýtur hann verkstjórn skólastjórnar. Hann hefur yfirumsjón með mötuneyti skólanna og sér um þrif á matsal og eldhúsi á báðum starfsstöðvum.
Matráður hefur aðstoð í eldhúsi og skipuleggur vinnu þess starfsmanns út frá þörfum hverju sinni. Hann er í sambandi við starfsmann Vinaborgar um síðdegishressingu
Helstu verkefni matráðs eru:
- Að sjá um morgunmat, heitan mat í hádeginu alla daga nema föstudaga og síðdegishressingu alla virka daga.
- Að sjá um matarinnkaup, taka við kostinum og ganga frá honum.
- Að útbúa matseðil mánaðarins í samræmi við ráðleggingar landlæknis um hollustu og gæði skólamáltíða.
- Matreiðir einu sinni í mánuði máltíð að vali nemenda og sér um mat á sérstökum tilefnum eins og litlu-jólum og síðustu kvöldmáltíðinni með 10. bekkingum að vori.
- Koma fram á skólaþingum þegar málefni eldhúss eru til umræðu og leita leiða til að leysa þau mál á lýðræðislegan hátt í samræmi við stefnu skólans.
- Að eiga gott samstarf við starfsfólk og nemendur í leik- og grunnskóla og gæta að því að gott flæði sé í samskiptum varðandi matseðilsgerð, innkaup, ofnæmi og sérþarfir ýmiskonar.
- Að aðstoða heimilisfræðikennara við kennslu og stjórna frágangi nemenda.
- Að gera húsverði viðvart um allar bilanir, sem vart verður við, og einnig ef efni eða áhöld vantar til ræstinga.
- Að þrífa eldhús og matsal í leik- og grunnskóla
- Að fara reglulega yfir áhöld og búnað í eldhúsi og sjá um að kaupa smááhöld sem til þarf. Öll stærri útgjöld þarf að bera undir skólastjóra.
- Situr starfsmannafundi.
- Stuðlar að minni matarsóun og sinnir vel flokkun og vinnur gegn notkun á einnota varningum.
- Marráður sér um matreiðslu á starfsdögum, litlu jólum, síðustu kvöldmáltíðinni og sér um að útbúa nesti fyrir vettvangsferðir.
- Að sinna öðrum þeim verkefnum sem skólastjóri og/eða sveitarstjóri felur honum og falla undir skólastarf án þess að vera kennsla.