MOCION que presenta o concelleiro /voceiro do grupo de C@urel vivo – PDDdG , Óscar Carrete Lage, diante do Concello –Pleno de Folgoso do Courel para a Solicitude de colocación de barreiras de seguridade,  necesarias en varios tramos das Estradas que transcorren polo Concello.

EXPOSICION DE MOTIVOS

• A Lei 25/1988, de 29 de xullo, de Estradas. No  Artigo 19 , no punto 2. Di que regulamentariamente estableceranse as distancias as súas características funcionais, de tal forma que se garanta a prestación dos servizos esenciais, así como a seguridade e comodidade dos usuarios, a protección da paisaxe e demais elementos naturais da contorna.
• As estradas que transcorren polo noso Concello teñen particularidades de ter moitas e pronunciadas curvas, están sen elementos de seguridade  e moitas sen mellorar desde fai décadas.
• A isto súmaselle a falla de seguridade en  tramos perigosos que requiren a colocación de barreiras de seguridade, con urxencia. Tendo en conta que se trata de tramos curtos e que no Courel hai un  gran valor paisaxístico, debese primar a instalación de barreiras mixtas ( metálicas recubertas con madeira tratada) , como hai xa en moitos concellos comprometidos  por manter todo o seu atractivo turístico e a súa paisaxe intacta.
• O 60% dos km de estradas deste concello están sen ningún tipo de seguridade, a maiores da que poida proporcionar os elementos do entorno natural.  Dos que entre 15 e 20 tramos son de urxente colocación. É o caso de tramos polos que discorren rutas de transporte escolar; ou de  Ferramulín a Seoane (LU- P 1303) ,entre Sobredo e Seceda, Seceda e Eiriz,   Taro branco,  e outras de acceso ao Courel como Ferramulín  dirección  a Seara…
• Ditas estradas son ,principalmente, de titularidade municipal e da Deputación provincial, polo que deben ser estas administracións as que arranxen esa problemática e falla de seguridade para veciños e visitantes.

Por todo o anterior, proponse o seguinte son ACORDO:

1. Que  dende o equipo de goberno  se faga unha relación de curvas e tramos especialmente perigosos e se lle traslade á administración titular desa estrada e busque algún tipo de colaboración ou axuda, que teña como finalidade a colocación das barreiras mixtas, en ditos puntos.  Acentuando, en dita petición, que se trata dun Concello con estradas con curvas agudas e con uns dos índices de estradas menos valladas da provincia; co risco que iso supón.
2.  Que o Concello de Folgoso do Courel, en colaboración coa Deputación ou a Xunta de Galicia, se faga cargo de mellorar a seguridade das súas estradas , antes de que escoitemos máis noticias desagradables, propiciadas pola ausencia de biondas entre as nosas estradas e os terrapléns.

En Folgoso do Courel , a  19 de Abril de 2016                        Asdo:      Óscar Carrete Lage