ОЛИМПИАДА 4-КЕЗЕҢ ӨТКІЗІЛУ ТӘРТІБІ:
Qalan.kz математикалық интерактивті порталдың осы Ережесі (әрі қарай – Ереже) олимпиадаларды ұйымдастыру және өткізу тәртібін анықтайды (әрі қарай – Олимпиада);
- Олимпиаданың басталуына дейін барлық шақырылған Қатысушылар олимпиада өтетін жерде тіркеу рәсімінен өту керек;
- Тіркеу рәсімінен өтпеген қатысушылар Олимпиадаға қатыса алмайды;
- Тіркеу кезінде қатысушының өзімен бірге жеке куәлігі (туу туралы куәлігі) болуы керек. Жеке басын куәландыратын құжат болмаған жағдайда Қатысушыға олимпиадаға қатысуға рұқсат етілмейді;
- 04.11.2023 сағ 10.00-де уақытылы осы мекен-жайға келуі: Манас көшесі, 34/1 (Халықаралық IT университеті);
ТАПСЫРМАЛАР ФОРМАТЫ:
- Олимпиада тапсырмалары әр сыныптың оқыту бағдарламасына сәйкес беріледі және қазақ тілінде өтеді;
- Олимпиада тапсырмаларын қағаз түрінде орындайды;
2 – 5 СЫНЫП ОҚУШЫЛАРЫ ҮШІН:
Олимпиада есептері 3 бөлімнен тұрады.
|
І БӨЛІМ | ІІ БӨЛІМ | ІІІ БӨЛІМ |
8 есептен тұрады; Әр есеп 3 баллға бағаланады;
| 8 есептен тұрады; Әр есеп 5 баллға бағаланады;
| 8 есептен тұрады; Әр есеп 7 баллға бағаланады;
|
Әр бөлімде тест сұрақтары және ашық сұрақтар болады!
Тест сұрағында тек 1 дұрыс жауап болуы мүмкін.
Ашық сұрақ үшін есептің жауабын ғана жазу жеткілікті.
|
Жалпы балл саны - 120; Берілетін уақыт - 90 минут; |
6 – 8 СЫНЫП ОҚУШЫЛАРЫ ҮШІН:
Олимпиада 7 есептен тұрады. Әр есеп 7 баллға бағаланады!
Оқушы әр есептің толық шешімін келтіруі керек!
|
Жалпы балл саны - 49; Берілетін уақыт - 90 минут; |
ОЛИМПИАДА ТАПСЫРМАЛАРЫН ШЕШУ БАРЫСЫНДА ҚАТЫСУШЫЛАРҒА ТЫЙЫМ САЛЫНАДЫ:
- ұялы телефондар, смартфондар, ноутбуктер, ақпарат тасымалдағыштар және т. б. қолдануға;
- аудиторияның кезекші оқытушысының және олимпиаданы ұйымдастыру комитеті өкілдерінің қолынан алған заттардан басқа заттарды беруге (алуға);
- бір-бірімен қарым-қатынас жасауға, аудиторияда еркін жүруге;
Егер қатысушы аудиториядан дәлелді себептермен уақытша шығып кетуі қажет болса, оған кезекшілердің бірі ілесіп жүреді.
ОЛИМПИАДАНЫ ҰЙЫМДАСТЫРУ-ӘДІСТЕМЕЛІК ҚАМТАМАСЫЗ ЕТУ:
Олимпиаданың қазылар алқасы төраға, хатшы және қазылар алқасы мүшелерінен тұрады. Қазылар алқасының құрамы Олимпиадаға қызмет көрсету шартына сәйкес компанияның бұйрығымен бекітіледі.
Олимпиаданың қазылар алқасы:
- тапсырманы тексеру және жұмыс нәтижелерін бағалау үшін бірыңғай талаптарды сақтауды қамтамасыз етеді;
- жұмыстарды тексереді және бағалайды, тексерілген жұмыстардың қорытындысын ұйымдастыру комитетіне береді;
- қатысушылардың жұмысын бағалаудағы қарама-қайшы мәселелерді талқылайды және қажет болған жағдайда тиісті түзетулер енгізеді;
- жеңімпаздар мен жүлдегерлердің тізімін анықтайды және бекітеді;
- ұйымдастыру комитетіне жеңімпаздар мен жүлдегерлердің тізімін бекітуге ұсынады;
- оқушылардың жұмыстарын бағалаудың шынайылығын қамтамасыз етеді;