memo_NaTochak.png

Годишен извештај 2013

НаТочак

Вовед

Иницијативата НаТочак беше започната во април 2012-та година од страна на група ентизијасти - точакољупци со цел подигање на свеста за велосипедот како урбано превозно средство и негово издигање на ниво на рамноправен учесник во сообраќајот во Скопје.

Овој извештај ја сумира работата на оваа неформална група граѓани во 2013-та година. Изминатата година најголем дел од активностите и работата на НаТочак беше фокусирана на градење институционална соработка со цел подобрување на состојбата на велосипедската инфраструктура и поддршка во организирање на Критична маса во Скопје.  

Кон каузата придонесоа работните акции кои ја надополнуваа темата на секоја Критична маса, организирањето на настани од едукативен и информативен карактер. Искуството стекнато преку учество во регионални настани на тема урбан велосипедизам и активизам беше употребено во активностите кои се однесуваа на соработка со  надлежни институции и други организации.

Групата НаТочак е волонтерски помогната од голем број на неформални експерти и креативци кои преку своето индивидуално изразување и употреба на своето знаење и вештини придонесуваат за афирмација на велосипедот како превозно средство.

Една година е прекратко време за да се отворат сите фронтови на делување и за да се постигнат значителни и видливи резултати. Долгорочната визија и посветеност на НаТочак се одразува преку континуирано покренување иницијативи. Реализирањето на овие иницијативи се охрабрува преку отворена соработка со индивидуи, организации, компании и инстуции.

НаТочак е исклучиво самофинансирана иницијатива каде сите приходи доаѓаат од учесниците на Критична маса, а расходите во најголем дел се однесуваат на промотивни материјали кои се користат за информирање на пошироката јавност.

Комуникацијата со подржувачите на иницијативата се остварува најмногу преку употреба на новите технологии, односно преку социјалните медиуми. Редовното информирање на заедницата за тековните активности се врши преку традиционалните и новите медиуми. НаТочак ги користи сите канали за комуникација што му се на располагање за да допре до сите засегнати страни.

Искрено им благодариме на сите што ја дадоа својата поддршка на НаТочак за ширење на вело-културата во Скопје на било кој начин изминатава година.

1. Работни акции

Во просек НаТочак организираше или поддржа по една работна акција месечно во текот на 2013-та година. Голем дел од нив беа поврзани со темата на тековната Критична маса.

2. Соработка со институции

Остварена е соработка со Град Скопје, Општина Центар, Општина Карпош и Јавно претпријатие Улици и патишта (УиП). На состаноците беше дискутирано за постоечките проблеми со кои се соочуваат велосипедистите. Во таа насока беа изработени документи во кои беа мапирани вело-недоследности на сите патеки и истите беа предадени на Град Скопје. Оттука произлегоа предлози за подобрување на велосипедска инфраструктура.

Беше побарано да се подобрат условите за возење велосипед во Скопје по што беше формирана работна група од страна на Град Скопје со претставници од повеќе сектори, со кои во заедничка соработка се работи на следниве теми:

Во перспектива на долгорочен и одржлив развој на велосипедскиот сообраќај, беа разгледани можности за следење на позитивните практики од развиените градови:

Беше остварена средба со раководството на ЈП „Улици и патишта“. На средбата беа презентирани најчестите типови на проблеми поврзани со инфраструктурата:

Беше остварена средба со градоначалникот и други претставници од Општина Центар каде прво бевме запознаени со ингеренциите на општината и беше разговарано на две теми: локации за поставување велосипедски паркинзи и нивните планови за нови велосипедски патеки во општината.

3. Соработка со организации и креативци

Велосипедот како средство за транспорт не е само превозно средство, туку и препознатлив урбан симбол преку кој се изразуваат и со кој се идентификуваат голем дел млади индивудуалисти, креативци и уметници. Голем дел организации исто така го препознаваат бенефитот од поддржувањето на ова превозно средство. За некои од нив, НаТочак и Критична маса беа директна инспирација за некои од нивните уметнички и авторски дела.

4. Учество на настани

НаТочак организираше и учествуваше на неколку домашни и регионални настани во 2013-та година, поврзани со урбан велосипедизам, граѓански активизам и промоција на велосипедот како транспортно и рекреативно превозно средство.

5. Започнати и планирани иницијативи

Во 2013-та беа започнати неколку иницијативи од страна на НаТочак. Учејќи од странските позитивни искуства, иницијативите што ги започнавме се однесуваат на поставување институционални рамки поврзани со градскиот и урбан велосипедизам како и конкретни мерки за негово подобрување во соработка со комерцијални и јавни институции.

6. Критична маса 

Критична маса е неформален велосипедски настан кој се случува во над 300 градови во светот. Нема лидери, нема формална организација, само група на свесни луѓе кои сакаат подобар вело-град.

Критична маса е собир на велосипедистите со кој имаат можност да пратат порака дека градот треба да ги земе предвид како учесници во сообраќајот, да ги мотивираат останатите сограѓани да го користат велосипедот и како превозно средство, како и да актуелизираат одредена конкретна тема поврзана со урбаниот велосипедизам. Самиот собир е и отворена платформа за средба, размена на идеи и договарање акции на сите луѓе кои имаат интерес за велосипедизмот во градот.

Секој добронамерен граѓанин е добредојден да се вклучи со возење, но и активно да помогне како во грижата за настанот да помине во најдобар ред, така и во промоцијата на настанот и неговите цели. Критична маса зависи од придонесот на секој учесник, снабдувач со чај и делач на заштитни гас-маски, секој дизајнер, креатор на текст, DJ, медиум... сите кои волонтерски помогнале да се створи и да опстои Критична маса и во нашето Скопје.

НаТочак ја поддржува и помага Критичната маса во Скопје.

Првата Критична маса се возеше на 30 мај 2012 година. Оттогаш до денес се извозени вкупно 21 Критична маса, по една секој месец и евидентен е порастот на учесници во истиот месец во споредбата меѓу 2012-та и 2013-та година.

Во 2013-та година беа извозени 12 критични маси со вкупно 3.725 учесници и извозени вкупно 125 километри. Во просек на секоја Критична маса учествувале по 310 учесника кои извозиле во просек по 10,4 километри. Следува преглед за секоја извозена КМ:

7. Финансиски извештај

НаТочак во 2013 година беше целосно само-финансиран. Приходите се реализирани преку донации од учесниците на Критична маса. Расходите се однесуваат на трошоци за промотивни материјали (флаери, постери, транспаренти, беџеви, стикери, календари), алат и материјали за спроведување на работни акции, поштенски услуги и сл. Екстреми во приходи и расходи се јавуваат кај роденденската и новогодишната Критична маса.

       

8. Односи со јавност

Во 2013 година НаТочак користеше повеќе канали за комуникација со јавноста. Информациите поврзани со работењето на неформалната група се објавуваа на веб-страната, а содржините се објавуваа и на социјалните медиуми (Facebook, Twitter и YouTube) овозможувајќи поголема видливост на работењето на НаТочак.

НаТочак градеше онлајн заедница преку профилите на социјалните медиуми каде потикнуваше конверзација околу активностите НаТочак и проблемите со кои се соочуваат учесниците во сообраќајот кои користат велосипед. Facebook фан страницата брои 4.190 фанови пред кои беа презентирани содржини кои се однесуваат на активностите на НаТочак како и едукативни содржини, добри практики од другите земји, а беа сподувани и мултимедијални записи. Профилот на Twitter брои 860 корисници кои ги следат објавите на кратките информации притоа употребувајќи го хаш-тагот #НаТочак (#NaTochak). YouTube каналот го следат 70 корисници, а во текот на 2013 година беа прикачени 25 видеа кои биле прегледани 14.346 пати.

За активностите на НаТочак можеше да се прочита во 45 медиуми кои објавиле вкупно 103 вести за НаТочак. Информации за НаТочак биле објавени на 33 онлајн медиуми, 6 печатени медиуми и 6 радио станици. Во 2013 година беа испратени две прес-соопштенија до 74 медиуми.

Со НаТочак може да се стапи во контакт преку следниве комуникациски канали: