Afmaelislogo - 1080.png

Hvaleyrarvöllur

Almennar staðarreglur – Í gildi frá 3. september 2021

 

  1. Vallarmörk eru hvítar stikur, brúnar stikur með hvítum toppi og hvítar línur. Einnig gildir að:
  1. Í Hrauninu (holur 1-9) afmarkast völlurinn af innstu brún malbikaðra vega og stíga umhverfis völlinn, þar sem vallarmarkastikur eru ekki fyrir hendi. Aðliggjandi grjótkambur er hluti vallar. Grjót sem losnað hefur úr kambinum er lausung.
  2. Við 9. holu afmarkast völlurinn vinstra megin af vallarmarkastikum, innri brún malbikaðs stígs við bílastæði, innri brún vegar eða kantsteina við flöt og þaðan í stiku við 10. teig.
  3. Á Hvaleyrinni (holur 10-18) afmarkast völlurinn af sjávarbökkum (samhangandi grasbökkum) þar sem vallarmarkastika og -lína nýtur ekki við.
  4. Við 13. holu afmarkast völlurinn hægra megin af vallarmarkastikum frá golfskála að vörðu við teiga, þaðan í innri malbiksbrún við Miklaholt og að vallarmarkastikum umhverfis flötina. Aðliggjandi grjótkambur við Miklaholt er hluti vallar. Grjót sem losnað hefur úr kambinum er lausung.
  5. Við golfskála hjá 18. flöt afmarkast völlurinn af stikum aftan við flötina, hornstiku við bílastæði, hellulögn og innri brún göngustígs að hvítri línu, þaðan í stikur við æfingaflöt og í stikur við vesturhorn bílastæðis.
  1. Eftirtalið er hluti vallar:
  1. Allir grjótgarðar og grjóthleðslur (athugið að ekki má fjarlægja steina úr grjótgörðum).
  2. Mannvirkjaleifar neðan við 11. flöt, á hól við 17. holu og við 17. flöt.
  3. Malarvegur meðfram grjótgarði á 14. holu og umhverfi hans.
  1. Eftirtaldir hlutir eru óhreyfanlegar hindranir (regla 16.1):
  1. Jarðfastir steinar og berar klappir, á snöggslegnu svæði á leið.
  2. Fjarlægðarstikur, vegvísar og brautarmerkingar, ásamt uppróti og möl umhverfis þær.
  3. Skemmdir af völdum ökutækja við jaðra malbikaðra stíga á 10., 11. og 18 holu eru hluti stígsins.

Ath.: Miðunarstangir og lágar girðingar til að stýra umferð við flatir og teiga eru hreyfanlegar hindranir og má því hreyfa, vítalaust.

  1. Bannreitur innan grundar í aðgerð við 12. flöt. Eftirfarandi gildir um umhverfi nýrrar flatar á 12. holu:
  1. Svæðið er bannreitur innan grundar í aðgerð og markast af blá-hvítri línu og blá-hvítum hælum. Þó er truflun ekki fyrir hendi ef bannreiturinn truflar einungis stöðu eða sveiflusvið leikmannsins.
  2. Taka verður vítalausa lausn frá truflun vegna bannreitsins samkvæmt reglu 16.1f, ef boltinn er innan bannreitisins.
  1. Fallreitur við grund í aðgerð á 17. holu. Ef bolti er innan grundar í aðgerð sem afmörkuð er með bláum hælum vinstra megin á 17. holu, þar á meðal þegar það er vitað eða nánast öruggt að bolti sem ekki hefur fundist stöðvaðist innan grundar í aðgerð, má leikmaðurinn:
  1. Taka vítalausa lausn samkvæmt reglu 16.1, eða
  2. Sem viðbótar möguleika, taka vítalausa lausn með því að láta upphaflega boltann eða annan bolta falla innan fallreits sem er auðkenndur með skilti merkt „Fallreitur“ við grundina. Lausnarsvæði er ein kylfulengd frá viðkomandi skilti.
  1. Dæmi leikmaður bolta sinn ósláanlegan þegar hann leikur 2.,  3., 5. eða 15. holu má hann, til viðbótar valkostum í reglu 19, láta bolta falla gegn einu vítahöggi  á fallreiti sem staðsettir eru á viðkomandi holum. Staðsetning fallreitanna er auðkennd með skiltum sem merkt eru „Fallreitur“. Lausnarsvæði er ein kylfulengd frá viðkomandi skilti. Þó má ekki nýta fallreit ef skiltið sem auðkennir fallreitinn er nær holunni en boltinn sem er dæmdur ósláanlegur.
    Ath.: Ekki er leyfilegt að fara að samkvæmt þessari staðarreglu ef bolti týnist eða er út af. Á 2. holu er einn fallreitur, á 3. holu er einn fallreitur, á 5. holu eru tveir fallreitir og á 15. holu er einn fallreitur.
  2. Samskeyti og jaðrar skorinna grasþakna. Fyrirmynd staðarreglu F-7 er í gildi.