Canvas: Tas tz’aj yochi, Snab’enal yik Tz’och heb’ Unin t’a internet, haton heb’ Skuywi t’a Primaria yet’ heb’ smam snun heb’

https://bit.ly/canvasbcscguide1   /        Video Tutorial

Ten t’a junok makanh yik tas tz’el yich sek syal och t’a b’aj til sch’oxo’ tas tz’aj yojtakajeli.

Tz’ochi, Tz’el yich t’a Canvas

Tza sayek’ t’a Canvas

Tza sayek’ Sb’i tas Skuy heb’ chi’ (Kuywal) t’a Canvas

Sekojtaj tz’aj kochi, Skawtej yet’ Kolwal b’aj Skuychaj junok ti’

Tz’ochi, Tz’el yich t’a Canvas

Machekel jaye’ makanh tas tz’aj koch t’a Canvas ana a scuenta winh kuwum chi’ aton sk’an winh t’a Google BCSC sek tz’el yich yoch winh:

Tzach och t’a Canvas

A t’a sk’exanh yik Canvas haton ta sch’ox tas tzolal tz’aj ek’ masanil juntzanh sbotonal sch’oxani sek syal och t’a msanil tas tza nib’ej t’a Canvas. Yuj stzolal yik hacuenta ol yal hoch t’a a perfil, tzak’k’e junok hafoto yik haperfil chi’ yo tza b’o’an och t’a stzolal jaye’ok tas tza nib’ej sb’oi (1). Haton t’a b’oton yik tz’el yich tzach och b’ab’el t’a juntakel tzik’el yich hoch t’a Canvas (2); haton t’a syal hoch elanchamel t’a smasanil makanh tas tza kuyu (kuywal) tza tenan t’a juntzanh ch’anh yumal ch’okch’ok kilan ch’anh yik kuywal (3). A stzolal yik jun jun makanh kuywal haton junxo tas tz’aj och t’a hakuywal, a juntzanh kuywal chi’ olcheklaj t’a slista’il t’a yichanh to a t’a juntzanh ch’anh yumal to ch’ok ch’ok yilji (4). Syal och t’a ch’anh yumal sch’oxan juntzanh fecha niwak yelk’ochi, b’ak’in tzach’ox hatareas, etc. (5). Ayik tza tenan t’a B’ajtil tzonh ochi syal hak’anb’at junok hacheknab’il t’a winh hakuymal, syal pax hawtan juntzanh cheknab’il ixjawi t’ayach yo syal pax hapakan t’a heb’ winh hakuyumal (6).

Ochanh t’a hakuywal tza tenan t’a ch’anh yumal icha tas yilji yik hakuywal chi’, aton chekel a stzolal tas tz’aj yel Yich (1). Anhejtona’ syal hak’anb’ani t’a yib’anh b’ak’inh, tas tz’alchaj t’a yib’anh, juntzanh olb’o’ok, aton t’a swach’ a pantalla scheklaji (2).

Tzach sayek’ juntzanh ha Kuywal (Curso) t’a Canvas

Sek syal schax juntzanh yumal yik clase, juntzanh tareas, mato juntzanhxo, a heb’ skuywi chi’ yowalil tz’och t’a tas skuy chi’ t’a stzolal yik tz’el Yich stenan t’a ch’anh yumal yik junjun maknh kuywal mato sik’anelta t’a slista’il t’a yik stzolal Kuywal.

Ayik slajwi stenan heb’ t’a yib’anh sb’i jun jun kuywal chi’, a heb’ skuywi chi’ oloch heb’ t’a spagina’il yik tz’el yich skuywi (1). A t’a yib’anh jun pagina tik syal sch’oxan yalxonhej junok chekab’il ix yak’e winh kuywajun chi’, icha junok tas syek winh henakoti, sfecha’il junok tas toxo olujok mato junokxo chekab’il. A jun tik aton jun pagina te niwan yelk’ochi yik jun kuywal tik, to ayoch slolonel winh kuywajum chi’ b’ajtil scha winh sk’och heb’ kuywum chi’ icha pax juntzanh sbotonal yet’ juntzanh yechel b’ajtil syal a tenani sek syal och t’a juntzanh paginas to niwak yelk’ochi, t’a ch’anh libro digital, mato juntzanhxo (2). A juntzanh yechel sch’oxani, haton t’a juntzanh b’ajtil syal a tenani b’ob’il heb’ icha junok tzonh jakan ochi, yuj chi’ ayik sko tenan jun yechel chi’ sjakwi junxo yechel icha ch’anh yumal yik b’ajtil tzawtej yik HMH, ch’anh yumal yik juntzanh kuywal t’a yib’anh jelanil yik HMH, juntzanhxo yumal yik matematica yik Eureka, ch’anh yumal yik yab’ixal anima yik Kuywal yik jun jun Seman, IXL mato juntzanhxo lajan yet’ok.

(To junnhej yaji)

Hanhejtona’ heb’ winh skuywaj chi’ syal yak’an organizar heb’ winh jun jun makanh skuywal chi’ yet’ yumal t’a modulo’al. A juntzanh modulos chi’ lajan yet’ jun jun makanh kuywal t’a Canvas haton sch’oxan heb’ skuywi chi’ yet’ tas sb’o t’a makkixtakil. A heb’ skuywi chi’ syal yoch heb’ t’a juntzanh modulos yik junjun makanh skuywal heb’ chi’ t’a spaginail b’aj tz’el yich kuywal chi’ haton t’a smenu’al Módulo yik jun kuywal chi’ (1). A heb’ skuywi chi’ syal yilan masanil tas tzuji yik modulo chi’ a yik syak’an niwanb’ok modulo chi’ (2). A yik tzik’anel yich jun modulo chi’, tza ten t’a jun b’ab’el yechel yik jun modulo axo ta’ olcheklaj junxo yechel b’ajtil syal masanil t’a yib’anh (3). Tato manh chekelok jutzanh ayoch t’a yol junok modulo, syal a niwanb’itani, mato tza ch’oxo’, masanil tas ayoch t’a jun modulo chi’, tza k’an jun botón schikin t’a yib’anh t’a swach’ (4).

T’a yol junok modulo niwan tas wach’ kok’anan tz’ilchaji, icha junok pagina (junok tas to syil heb’ skuywi chi’ to ayoch video t’ay, junok b’ajtil syal yochi yet’ yumal), yet’ juntzanh tarea, juntzanh te’ojb’a mato juntzanh tas sk’anb’aji. Sek syal kek’ t’a junxo makanh yik jun modulo chi’, a heb’ skuywi chi’ olsk’an jun boton heb’ “Next” (junxo) ayek’ t’a yalanh t’a jun pagina (1). A heb’ skuywi chi’ syal meltzajxikot heb’ t’a spatik t’a tas toxo ix skuy heb’ chi’ sten heb’ jun boton yik smeltzajxi t’a spatik (2).

A heb’ skuywi chi’ syal meltzajxi heb’ t’a jun pagina b’ab’el sten heb’ jun boton “back to subject” (Tz’el Smeltzajxi t’a jun makanh kuywal) t’a yib’anh jun pagina chi’ (3).

Sekojtaj tz’aj kochi, Skawtej yet’ Kolwal b’aj Skuychaj junok ti’

A heb’ skuywi chi’ syal yoch heb’ t’a jun syamk’ab’il to yopiso yik’anoch heb’ syak’anpax traducir t’a Canvas a sb’i haton jun skuch lector inmersivo. A heb’ skuywi chi’ syal sjakan jun skuch lector inmersivo ayik stenan t’a jun botón skuch lector inmersivo (Immersive Reader) t’a schikin t’a yib’anh t’a swach’.

A jun skuch lector inmersivo chi’ oljakan junxo b’ajtil syal kilani. A t’a jun b’ajtil syal kawtan t’a wach’ (lectura inmersiva), a skuywi chi’ syal sk’anan jun b’ajtil tonhej tz’awtaj ch’anh hu’um chi’ kab’i (sko maklej kab’ tas syal ch’anh hu’um chi’ mato skawtej yet’ kochikin). A t’a yalanh t’a jun pagina tik syal sb’o’i tas jajil yet’ sjelanil yik tz’awtaj chi’ (1).

A heb’ kuywum chi’ syal sk’anan juntzanh yechel yik lector inversivo ayoch t’a schikin t’a yib’anh t’a swach’ jun pagina yik lector inmersivo sek sk’ex heb’ jantak tz’aj letra chi’, tas letrail yet’ tas yilji (2). A heb’ kuywum chi’ syal yek’xi heb’ t’a jun jun makanh kuynab’il toxo ix yab’ chi’ (3).

Ana jun, a heb’ kuywum chi’ syal sk’anan junok tz’awtan jun jun tzol lolonel chi’ sek anhej t’a junok mato chab’ oxe’ok tzol lolonel, junok ch’anh diccionario, junok ch’anh diccionario ayoch yechel t’ay yet’ pax tas syalelk’och t’a jantakok ti’ (4). Tato a juntzanh lolonel chi’ ak’b’ilek’ t’a junokxo ti’, a lolonel olawtaj t’a jajil chi’ olyawtej juntzanh lolonel chi’ t’a ti’ ak’b’il ek’ t’a junxo ti’ to ix a sik’el chi’.

¿Tza nib’ej junokxo nab’enal mato yab’ixal Canvas?

¡Wach’ tzak’och hasat t’a Canvas sek Sch’oxji winh Kuywum yik Primaria!