MOCION que presenta o concelleiro /voceiro do grupo de C@urel vivo – PDDdG , Óscar Carrete Lage, diante do Concello –Pleno de Folgoso do Courel para a correcta Sinalización  nas Estradas, dos Limites do Concello

EXPOSICION DE MOTIVOS

• Folgoso do Courel está conectado cos concellos limítrofes por 14 estradas asfaltadas.
• Nesas estradas non están debidamente indicado onde comeza e onde remata o noso Municipio, e en algún caso as sinais de outro concello métese uns 150 metros no noso Concello. É o caso do Concello de Quiroga, que supón un asoballamento e falta de rigor á hora de colocar a sinal por parte deles e que o equipo de goberno cala sen esixir que a coloquen onde toca.
• A falta de indicadores de Benvida ó Concello supón unha deixadez por parte do Equipo do Goberno,  para un sector en auxe e importante para o Courel , como é o turismo e para as veciñas/os  que vemos como non se lle dá importancia á delimitación do noso territorio.
• A maiores, as poucas sinais de benvida que hai, están mal colocadas e algunha en  pésimo estado. É o caso do que nos une con Samos e está no Alto da Pedra, en Pedrafita.
• Como case sempre, imos por detrás dos concellos da contorna e mesmo lles deixamos que “cambien marcos”, cedéndolles terreo.
• As sinais de entrada no Concello non supón mais de 1500 euros polo que os gastos son asumibles cos presupostos deste ano.

 Por todo o anterior, proponse o seguinte son ACORDO:

1. Que  dende o equipo de goberno  se soliciten varios presupostos para a colocación de sinais que sirvan para a delimitación correcta do Concello.
2. Reclamarlle a Quiroga que coloque debidamente as súas sinais, segundo o ANEXO que lle achego, onde aparece a LIÑA DIVISORIA  oficial. Colocar as demais sinais que deben anunciar a entrada no Courel nas 12 estradas que non teñen unha soa sinal de onde comeza o termo municipal.
3. Elixir a mellor oferta  para as sinais e que persoal do concello as coloque dacordo   ós limites administrativos nas estradas que nos conectan con concellos veciños.

Fonte: Instituto Geográfico Nacional , na web http://www.ign.es/.

En Folgoso do Courel , a  11 de Febreiro de 2016                        Asdo:      Óscar Carrete Lage