ტრენინგ-სემინარი ,,სამოქალაქო აქტივიზმი''
7-8 ნოემბერს, ბათუმში, ტარდება ინტეგრირებული ტრენინგ-სემინარი ,,სამოქალაქო აქტივიზმი''. პროექტის ფარგლებში უსინათლო ახალგაზრდები და მოხალისეები ერთად იმუშავებენ ისეთ თემებზე როგორებიცაა: მოქალაქის როლი ქვეყნის საზოგადოებრივ ცხოვრებაში, პრობლემის იდენტიფიცირება და გადაჭრის გზები, ადვოკატირება, მოქალაქეობისა და სამოქალაქო უფლებების კონცეფციები და ა.შ.
ღონისძიებაში მონაწილეობის მიღება შეუძლია 17-დან 25 წლამდე ნებისმიერ მსურველს, ვისაც სჯერა, რომ შეზღუდული უნარები არ ნიშნავს შეზღუდულ შესაძლებლობებს და სურს მიიღოს ინფორმაცია სამოქალაქო აქტივიზმის შესახებ.
ტრენინგ-სემინარი ტარდება პროექტის - ,,შეზღუდული უნარები არ ნიშნავს შეზღუდულ შესაძლებლობებს'' - ფარგლებში. პროექტი დაფინანსებულია საქართველოს გაეროს ასოციაციის მიერ.
საკონტაქტო პირი: ქეთევან ქოჩლაძე 595 01 71 61