LANKIDETZA PROIEKTU TELEMATIKOAK 2.O
IZENEMATEAren HASIERA 2009ko urria
Eskola 2.0 gure ikastetxetako geletan IKTak integratzeko proiektua da. Baina jakina, ez da ikasle bakoitzari ordenagailu minieramangarri bana ematea bakarrik, funtsean XXI. mendeko ikasgela digitalak martxan jartzea da, azpiegitura teknologikoa eta oinarrizko konektibitatedunak, ikasgelak INTERNETera zabaldu behar direlako eta gure ikasleek, jatorrizko gizaki digitalak, Ezagutza Gizartearen erronkei aurre egin behar dietelako.
Eskola 2.0 proiektuak eragile berritzaileak ekarri nahi ditu IKTak ikas-irakas prozesu orotan txertatuz eta aukera berriak eman ikasgeletako hezkuntza erantzunak hobetzeko: irakaskuntza pertsonalizatua, lankidetza proiektuak ... Finean IKTa beste baliabide bat bihurtzea nahi dugu, alegia, ikasle orok eguneroko jardunean erabiliko duen beste lan tresna bat.
Zalantzarik gabe, ikasgeletan IKT-ren integrazio eraginkorra irakasleen eskutik eratorri beharko da, hain zuzen ere, oinarrizko gaitasun digitalak eskuratu dituzten irakasleengatik: teknologia prestakuntzaz aparte IKT tresnak balabide didaktiko gisa erabiltzeko metodologian gaituak.
Bide horretatik LANKIDETZA PROIEKTU TELEMATIKOAK berebiziko garrantzia hartu beharrean dira datozen urteetan. Ikasleek gaitasun digitala, linguistikoa eta beste asko lortzeko euskarri aparta bihurtzen direlako, besteak beste: lan kooperatiboa, informazio trataera, ezaguera sorrera, zehar lerroak, globaltasuna, bizikidetza...lantzeko aproposak dira, azken batean, oinarri soziokonstruktibistekin bat egiten dutelako.
Egun internet-ko web 2.0 tresna berriek lan aukera zabalak bezain erabilerrezak eskeintzen digutenez, esatebaterako: blog-ak, wikiak, webquest, txat mezularitza, sare sozialak... izugarrizko indarra har dezakete ikas-irakas prozesuetan estrategikoki txertatuz gero. Honela, IKT- kontzeptutik IET -ri buruz, Ikasteko eta Ezagutzarako Teknologia, hitz egiten hasi beharko gara aurki, teknologiari protagonismoa gutxituz eta Didaktika 2.0 metodologian murgilduz. Beraz, Lankidetza Proiektu Telematikoak 2.0, etorkizun handiko proiektuak dira baldin eta ondo garatzen baditugu.
Gure lurraldeetan urte hauetan landu ohi dira hainbat proiektu telematiko:
Pelutxeak, Asmakilo, Gipuzkoan Zehar, Kutxa Ibiltaria, hauek www.elkarrekin.net orrialdean; Ipuin Sormen Tailerrak www.proarabatic.org eta Ostadarra www.saretik.net/ostadarra. Beraz, garai aproposa da horiek indarberritzeko eta erkidego osora, ikastetxe guztietara, zabaltzeko. Izan ere, eskolen arteko elkarrekintza oso aberatsa gerta lekieke errealitate ezberdinetako ikaslei, euren bizipen eta ikuspegiak partekatzeko eta lan sareetan ezaguera sortzeko.
Ondoren ikasturte honetarako 2009-10erako proiektuak :
"Euskadin Zehar", "Asmakilo" eta "Pelutxeak gure artean"
www.elkarrekin.net behin behineko helbidean oraingoz
Euskadin Zehar: Izena emateko FORMULARIOA
- Lehen Hezkuntzako 2. ziklo eta *LH 5. mailako ikasleei zuzendua.
* LH5. mailako ikasleek Eskola 2.0 proiektu barruan jorratu beharko dute hau, antzeko lankidetza proiektu batean parte hartu ezean.
- Ikastetxe ezberdinetako gela bi/hirukoteak sortuko dira
- Herri-auzo-eskualde inguruko ikerketa lana (natura-historia-kultura-inguru soziala) burutu eta beste taldearekin partekatuko dute.
- *LH5. mailan Gida Turistiko bat ere egin dezakete hiru ikastetxeen arteko ibilbide bat osatuz.
- Ekoizpen guztiak talde blogetan argitaratuko dira, blog guztiak orrialde batean kokatuz.
- Proiektuaren arrakasta ikasgela bi/hirukote partehartzaileen artean suertatutako harreman kalitatean eta elkarlanean datza.
- Bukaeran alkartasun-bisita eguna ere ospatu daiteke edota bideotxataren bidez harremanak estutu.
Asmakilo: Izena emateko FORMULARIOA
- Lehen Hezkuntzako 1 zikloko ikasleei zuzendua
- Asmakizun-igarkizunak, ahokorapilo, jolas…testuak ekoiztuko dituzte
- Geletako bizipenen berri argitara emateko aukera ere izango dute (Olentzero, Ihauteriak, Eskolako Festak...)
- Ikastetxe guztiek BLOG BAKAR BATEAN hartuko dute parte.
Pelutxeak gure artean: Izena emateko FORMULARIOA
- Haur Hezkuntza 5 urteko ikasleei zuzendua
- Ikastetxe bikoteak antolatuko dira.
- Pelutxezko panpinak trukatu egingo dira aldi jakin batean.
- Pelutxea gelako martxan sartu eta ikasleen bizipenetan parte hartuko du.
- Ekoizpen guztiak talde blogetan argitaratuko dira, blog guztiak orrialde batean kokatuz.
- Bukaeran alkartasun-bisita eguna ere ospatu daiteke edota bideotxat-aren bidez harremanak estutu.
Lan Plangintza
- 1.hiruhilean Telematikoetan erabiliko diren web 2.0 tresnen inguruko PRESTAKUNTZA emango zaie Eskola 2.0-n parte hartu behar duten LH5. mailakoei.
Izena emateko epea urria amaieran itxiko da.
- 2. hiruhilean aipatu proiektu telematikoak abian jarriko dira.
- 3. hiruhilean lanak borobildu eta balorazioak ON -line jasoko dira.
HEZKUNTZA SAILEKO IKT- PROGRAMA