Cultura e Animación Sociocultural.
Concello de Vigo. Praza do Rei s/n. 36202 Vigo.
Tfno.: +34 986810239. Fax: 986228438. E-mail: ofi.cultura@vigo.org
1. O Concello de Vigo organiza o XLIV CONCURSO-EXPOSICIÓN DA
CAMELIA, que terá lugar os días 1 e 2 de marzo de 2008, nas
instalacións do Consorcio da Zona Franca de Vigo (Peirao de Bouzas).
2. Poderán concorrer todas as persoas interesadas na camelia, profesionais
o afeccionados, nacionais ou estranxeiros, persoas físicas ou xurídicas,
sempre que realicen a súa inscrición segundo o previsto nas presentes
bases.
3. Poderán presentarse flores pertencentes a calquera especie e variedade
de Camelia, así como calquera híbrido destas.
4. Establécense os seguintes premios:
a) PREMIO CAMELIA DE OURO: ao/á concursante que presente o
conxunto de variedades máis destacado en canto a número e calidade
das flores. A quen se lle outorgue este premio, non poderá optar a
ningún dos demais premios previstos nestas bases. O/A gañador/a deste
premio será invitado a formar parte do xurado do concurso do ano
seguinte, no que as súas flores terán un lugar destacado e en cuxo caso
non poderá participar como concursante.
b) PREMIO ESPECIAL ANTONIO ODRIOZOLA: se outorgará á flor
individual máis destacada de todas as que optaran a este premio e que
se exporán nunha mesa separada. Cada concursante poderá presentar
un máximo de cinco variedades, representada cada unha delas por unha
única flor. Será requisito imprescindible que estean perfectamente
identificadas co nome da especie e o da variedade á que pertencen.
c) Primeiro, segundo e terceiro premios aos mellores lotes de cada
unha das modalidades seguintes:
- Camelia reticulata de calquera cor ou variegación.
- Híbridos de camelia.
d) Primeiro e segundo premios aos mellores lotes de cada unha das
modalidades seguintes:
- Camelia japónica branca.
- Camelia japónica rosada ou doutras cores
- Camelia japónica vermella.
- Camelia japónica xaspeada ou variegada.
BASES DO XLIV CONCURSO-EXPOSICIÓN DA CAMELIA
Departamento de Cultura. Área de Cultura e Animación Sociocultural.
Concello de Vigo. Praza do Rei s/n. 36202 Vigo.
Tfno.: +34 986810239. Fax: 986228438. E-mail: ofi.cultura@vigo.org
- Outras especies de Camelia.
Os lotes que participen en calquera das modalidades indicadas nos
apartados c e d deberán ser o máis homoxéneos posible e
representativos da variedade á que pertenzan. Estarán formados por un
mínimo de tres flores e un máximo de nove, agás o caso das camelias
pertencentes a outras especies, que se poderán expoñer sen limitación
de número. En caso de empate entre varios lotes o xurado manifestarase
a favor daquel que teña as flores máis homoxéneas.
Cada flor presentarase co seu talo, que levará polo menos unha folla.
Non se poderán colocar follas de plantas diferentes.
e) Primeiro e segundo premios á mellor presentación artística.
Valorarase como tal o conxunto de flores e plantas de camelia
acompañados ou non doutros obxectos e elementos decorativos que, a
xuízo do xurado, se distingan pola súa colocación artísitca. Os conxuntos
que opten ao premio da mellor presentación artística participarán
unicamente nesta categoría. A organización proveraos dunha tarxeta
para que se distingan claramente, co rótulo de “presentación artística”.
f) Premio especial da Sociedade Española da Camelia ao/á
concursante máis destacado/a entre os que participen por primeira vez
no certame de Vigo, con independencia de que se presentase en calquera
das outras dúas sedes do concurso.
5. Co obxecto de que os premios sexan distribuídos entre un maior número
de concursantes, un/unha mesmo/a concursante non poderá obter máis
de dous premios.
6. Co obxecto de facilitar que aqueles/as cultivadores/as que non desexen
participar no concurso poidan de calquera modo amosar as súas flores, a
organización habilitará unha mesa especial para eles. Neste caso serán
válidas todas as observación indicadas nas presentes bases, agás as
relativas ao concurso propiamente dito e aos seus premios.
7. As inscricións no concurso presentaranse no Rexistro Xeral do Concello
de Vigo, desde o día seguinte á aprobación das presentes bases na Xunta
de Goberno Local até as 13,30 horas do día 22 de febreiro de 2008, nun
impreso que se facilitará para este fin. Nesta inscrición deberá
especificarse a modalidade ou modalidades na que se concursa e a
superficie que se precisará para a súa exposición. A superficie concedida
a cada concursante quedará condicionada á orde de inscrición e, en todo
caso, ás dimensións da sala de exposición.
8. Os/as concursantes presentarán os seus lotes de flores na sala de
exposicións entre as 9 e as 13 horas do sábado 1 de marzo e poderán
Departamento de Cultura. Área de Cultura e Animación Sociocultural.
Concello de Vigo. Praza do Rei s/n. 36202 Vigo.
Tfno.: +34 986810239. Fax: 986228438. E-mail: ofi.cultura@vigo.org
retiralos de 21 a 23 horas do domingo 2 de marzo.
9. A exposición inaugurarase o sábado 1 de marzo ás 18,30 horas coa
lectura do dictame do xurado do concurso, agás cambio decidido pola
organización. A entrega de premios terá lugar o domingo 2 de marzo ás
12 horas.
10. O xurado estará composto polos seguintes membros:
Presidente/a: O concelleiro-delegado da Área de Cultura e Animación
Sociocultural ou persoa na que delegue.
Secretario/a: Un/unha técnico/a da Área de Cultura e Animación
Sociocultural.
Vogais:
- Un representante do Concello de Vigo.
- Un representante do Concello de Vilagarcía de Arousa.
- Un representante da Deputación de Pontevedra.
- Un representante designado pola Asociación Española da Camelia.
- O gañador da Camelia de Ouro da edición anterior.
- Dúas persoas de recoñecido prestixio vencelladas á camelia e que
serán designadas polo Concello de Vigo.
11. O xurado poderá declarar desertos algún/s dos premios
estabelecidos nas bases e poderán conceder mencións especiais por
outros conceptos distintos aos sinalados. En caso de empate, decidirá o
voto de calidade do/a presidente/a do xurado.
12. Polo simple feito de solicitaren a inscrición, os participantes
declaran coñecer e aceptan integramente as bases do concurso e
sométense ás decisións da organización e do xurado.
13. O/a presidente/a do xurado queda facultado/a para interpretar as
bases e resolver calquera incidencia que ao longo do proceso de
convocatoria e resolución do concurso puidese producirse.
Departamento de Cultura. Área de Cultura e Animación Sociocultural.
Concello de Vigo. Praza do Rei s/n. 36202 Vigo.
Tfno.: +34 986810239. Fax: 986228438. E-mail: ofi.cultura@vigo.org
FOLLA DE INSCRICIÓN
NOME__________________________________________________
APELIDOS ____________________________________________________
NIF _____________________ENDEREZO___________________________
NUM___ _PISO____________CP________LOCALIDADE________________
TFNO___________________MAIL_________________________________
SOLICITO a miña inscrición no XLIV Concurso-Exposición da Camelia, que se
desenvolverá os días 1 e 2 de marzo de 2008 na cidade de Vigo e declaro coñecer e
aceptar integramente as bases do concurso. A inscrición solicítoa para a/as seguinte/s
modalidade/s:
Camelia reticulata de calquera cor ou variegación
Híbridos de Camelia
Camelia japónica branca
Camelia japónica rosada ou doutras cores
Camelia japónica vermella
Camelia japónica xaspeada ou variegada
Outras especies de camelia
Presentación artística
Premio especial da Sociedade Española da Camelia
Premio especial Antonio Odriozola
Superficie total solicitada _____________________m2
Asinado __________________________
XLIV CONCURSO-EXPOSICIÓN DA CAMELIA
Vigo, 1 e 2 de marzo de 2008
SOLICITUDE DE INSCRICIÓN